Hechos 23:18 - TÄ̧DO Ä̧CUÄ̧ I̧HUȨNȨ

¹⁸ Ja̧'hua̧nö̧ ja̧'a̧ su̧ro̧da̧u̧ i̧sa̧mä̧ mö̧ä̧ya̧rö̧ ȩpi̧nö̧do su̧ro̧da̧u̧ ttu̧ru̧hua̧ ä'ca jo̧mȩ. Pä'inödo: —Cärenä pö̧ Pablo ttörö huopö jä'epäji chi'cächa pä'ö piderö, ucuru ucuocua pä'ö.

Nuevo Testamento Uwotjüja

¹⁸ Jua̧u̧, su̧ro̧do̧u̧ ttu̧ru̧wa̧mä̧, jua'a yabo u̧ru̧wa̧ comu̧da̧te pättäku ü̧ja̧'a̧ o'ipäji̧'ka̧, 'chä̧wi̧'ü̧ pä'inü̧: —Kärenä̧ pü̧ Pauru-mä̧, ttürü wopäji'ka̧ jäepäjäkusä, pide mü̧ä̧ya̧rü̧ kuä'ka jo̧mȩ chi'kächiyarü pä'ü, ukuru ji̧yȩtȩ jiäwa'anä̧.

Hechos 23:18 Referans Kwoze

Efesios 3:1

Ja̧'hua̧nö̧ ja̧'a̧ttö̧ ttö Pablo, Cristo Jesúsru esetö ucutu judíos huocotörö ppädäda'attö cärenä chö̧'o̧mȩnä̧, Diosrö ucuocu jä'epösä ucuturu.

Filemón 1:9

Ucuru repe'ö huedoca'anä, jä'epötä jä'epösä. Ttö Pablo, bö̧o̧ i̧sa̧ cha'anä Cristo Jesúsru cheseta'attö cärenä pö̧sä̧.

Efesios 4:1

Ja̧'hua̧nö̧ ja̧'a̧ttö̧ Tu̧ru̧hua̧rö̧ esetö cärenä pä̧nö̧, Dios huoinä̧u̧ ttö̧jö̧'a̧nö̧ adiu ka̧cuä̧tu̧cui̧, pä'ösä ttömä ucuturu. Dios huo̧i̧nä̧u̧jä̧ ucutumä.

Hechos 28:17

Tti̧rȩbȩhuä̧ja̧'a̧ttö̧ huäbodäcuä mo̧ro̧ päi'omenä, Pablo judíos ttö̧ja̧ tturuhuotörö Roma ötahuiyänä ka̧cuä̧tö̧rö̧ huopinödo tticha pä'ö. Pablo ö̧jo̧mȩ ji̧nä̧ yo̧mȩtȩ ttö̧'ca̧ca̧cui̧'o̧mȩnä̧, Pablo pä'inödo jahuätörö: —Chahuaruhuä, judíos ttö̧ja̧rö̧ suronä jȩpo̧cö̧ pi̧nö̧sä̧. “Ujutu tä̧do̧tö̧ mi̧nä̧ ttesetinömä suroja'a” pä'ocö pi̧nö̧sä̧. Ja̧'hua̧nö̧ ja̧'a̧nä̧ Jerusalén ötahuiyättö judíos ttö̧ja̧ iyö tticuinäcusä, romanos ttö̧ja̧ cärenä ttötattö pä'ö.

Hechos 27:1

Italia rȩjȩra̧'a̧ ujuturu huetta pä'ö ttamöcuädomenä, Pablorö'inä, korotö cärenä pȩjä̧tö̧rö̧'i̧nä̧ ya̧tȩ Julio pä'ö mi̧cua̧rö̧ hue'ipinätödo. Ja̧u̧ Julio su̧ro̧da̧u̧ ttu̧ru̧hua̧ pi̧nö̧do. Jahuätö recuätö su̧ro̧da̧u̧mä̧ Augusto umöhuäyotö pi̧nä̧tö̧do.

Hechos 16:25

Yodo kä'co Pablocu, Silascu Diosrö ucuocuinätödo. Ja̧'hua̧ta̧nö̧ ra̧'i̧nä̧tö̧do. Korotö cärenä pȩjä̧tö̧mä̧ jahuätörö ä̧ju̧cui̧nä̧tö̧do.

San Lucas 7:40

Ja̧'hua̧nö̧ ja̧'a̧ Jesús pä'inödo fariseo i̧sa̧rö̧: —Simón, koro juäi jidähua pädäcujä. Fariseo i̧sa̧ ädätinödo: —Ji'ähuittö, Huo̧juȩcuä̧ I̧sa̧.

San Juan 18:12

Su̧ro̧da̧u̧cu̧, ttu̧ru̧hua̧cu̧'i̧nä̧, judíos ttö̧ja̧ hueähuä ruhuä'inä Jesúsru 'chu'ädö, ttönö'quinäcudo.

Hechos 23:17

Ö̧jo̧ri̧ jiähua'a ä̧ju̧cu̧, Pablo su̧ro̧da̧u̧ i̧sa̧rö̧ huopö pä'inödo: —Piderö o'ipi cu̧ru̧hua̧ ö̧ja̧'a̧cu̧. Pide cu̧ru̧hua̧cu̧ ucuocua pä'ö.

Hechos 23:19

Ja̧'hua̧nö̧ ja̧'a̧ su̧ro̧da̧u ttu̧ru̧hua̧ mö̧ä̧ya̧ u̧mö̧nä̧ 'chu'ädö, koromecu o'ipächö jä'epinödo: —¿Däje cucuocua päcuhuättö?