Hechos 23:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ ja̧'a̧ mo̧ro̧ päi'a'a yotöcunä judíos ttö̧ja̧ Pablorö cuä'ö tticua pä'ö ji̧nä̧ yo̧mȩtȩ amöcuädinätödo. Pä'inätödo: —Dios ä'ca jo̧mȩttö̧ pä'ätöjä tu̧cuȩ'i̧nä̧ cuocotöjä, au'inä ahuocotöjä Pablorö cuä'ö ticuome jubö päi'önä.

Nuevo Testamento Uwotjüja

¹² Kkoro mo̧ro̧, Pauru-rü kuä'ü ttikua pä'ü amükuädü kku̧ni̧nä̧tü̧, suronä̧ pä'äu kku̧nu̧, kuä'ü ttikuomȩbü päi'ünä̧ ajiya'i̧nä̧, ttu̧kuȩ'i̧nä̧ ttüku juiya pä'ü.

Hechos 23:12 Referans Kwoze

Hechos 23:30

Ya̧tȩ ji'ähuäji judíos ttö̧ja̧ cuä'ö tticuarö pä'ätödo. Ja̧'hua̧nö̧ jiähua'a chä̧ju̧cuo̧mȩnä̧, yotäcu Pablorö hue'äjisä cu̧ja̧'a̧cu̧. Ja̧'hua̧ta̧nö̧ judíos ttö̧ja̧rö̧'i̧nä̧ hue'äjisä ucu cuä'ca jo̧mȩ suronä jȩi̧nö̧mä̧ jittähua pä'ö. Täcö pi̧yȩtä̧ o'ca juiyönä cä'ädö huȩyu̧tu̧sä̧ ucuru, ru̧hua̧ Félix.”

Hechos 23:21

Jahuätö pättömä yoröiso cuesetä'. Jahuätöttö ttö̧ja̧ ta̧ju̧ yabonänö u̧mä̧tö̧ dajähuächö Pablorö tta̧'ä̧rä̧tö̧. Jahuätö amöcuädäjätödo: “Dios ä'ca jo̧mȩttö̧ tu̧cuȩ'i̧nä̧ cuocotöjä, au'inä ahuocotöjä Pablorö cuä'ö ticuome jubö”, pä'äjätödo. Jitämä jahuätö jo̧mȩ päi'önä tta̧'ä̧rä̧tö̧ ucuru jättepomenä cuädätaja pä'ö.

Hechos 23:14

Jahuätömä sacerdotes tturuhuotö'inä, korotö judíos ttö̧ja̧ ancianos huotö'inä ttä'ca jo̧mȩ 'chä̧hui̧'ö̧ pä'inätödo: —Ujutu Dios ä'ca jo̧mȩttö̧ pä'äjätöjä tu̧cuȩ ji̧'qui̧cha̧nö̧'i̧nä̧ cuocotöjä Pablorö cuä'ö ticuome jubö päi'önä.

Hechos 25:3

Ja̧'hua̧nö̧ ja̧'a̧ Festorö pä'inätödo: —Ujuturu adiu jȩpö̧, Pablorö hue'i Jerusalén ötahuiyära̧'a̧. Ja̧'hua̧nö̧ pättomenä, Pablo mä̧nä̧nä̧ ichomenä, cuä'ö tticuarö pä'ö amöcuädinätödo.

San Mateo 26:4

Juhua'attö Jesúsru yapareu ji'äu 'chu'ädö, cuä'ö tticuarö pä'ö ucuocuinätödo.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

1 Corintios 16:22

Ya̧tȩ Tu̧ru̧hua̧ Jesucristorö repe'ocömä, chutä Tu̧ru̧hua̧tä̧ ro̧ȩpä̧cua̧. Tu̧ru̧hua̧, ¡jurunä ichi!

San Mateo 27:25

Jahuätö ttö̧ja̧ ädätinätödo: —Ucu ja̧u̧ru̧ cuä'ö cuicuttumä, Dios ujututä ti̧tti̧mö̧cu̧tä̧ huäinä ö̧tä̧bo̧ta̧tö̧ pä'ätöjä, —pä'inätödo.

San Mateo 26:74

Ja̧'hua̧ ja̧'a̧ttö̧ Pedro suronä ucuocu kä̧nö̧, pä'inödo: —Ja̧u̧ ubomä yoröiso chieruhuäcu. Ja̧'hua̧nö̧ päomenä, äcärä huopinödo.

Hechos 9:23

Recuo mo̧ro̧ o'ca'a judíos ttö̧ja̧ ca̧ca̧cu̧ ucuocuinätödo, Saulorö cuä'ö tticua pä'ö.

Hechos 9:24

Ja̧'hua̧nö̧ ja̧'a̧ ya̧tȩ Saulorö ji'ähuinödo ttamöcuädäji. Ötahuiyättö räocuä ate ä'ca mo̧ro̧'i̧nä̧, yodo'inä 'cuäoi'önä tta̧'ä̧ri̧nä̧tö̧do cuä'ö tticuarö pä'ö.

Hechos 23:13

Ttö̧ja̧ ta̧ju̧ yabonänö u̧mä̧tö̧ ja̧'hua̧nö̧ ji̧nä̧ yo̧mȩtȩ amöcuädö pä'inätödo.

2 Corintios 11:26

Rö̧ȩnä̧ cue'ächinösä. Ja̧'hua̧ta̧nö̧ aje ra̧huȩpi̧jotonä cue'ächinösä. Na̧u̧cuä̧rä̧tö̧ ttö̧'quȩtȩnä̧'i̧nä̧, judíos ttö̧ja̧ ttö̧'quȩtȩnä̧'i̧nä̧, korotö ttö̧ja̧ ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä. Ja̧'hua̧ta̧nö̧ ötahuiyänä'inä, de'anä'inä, aje rö̧otonä'inä ra̧huȩpi̧jö̧nä̧ cue'ächinösä. Korotö tö̧jä̧hua̧tö̧ pättä̧u̧, yapareu ucuocuätö ttö̧'quȩtȩnä̧'i̧nä̧ ra̧huȩpi̧jö̧nä̧ cue'ächinösä.

1 Tesalonicenses 2:16

Ujutumä judíos huocotörö jitähua pätomenä, suronä jȩttö̧ jȩpö̧ icu huȩnȩ tteseta pä'ö, jahuätö judíos ttö̧ja̧mä̧ jitäu juiyönä jȩpä̧tö̧. Ja̧'hua̧nö̧ jȩtto̧mȩnä̧, ji̧nä̧ isocu suronä jȩpä̧tö̧. Ja̧'hua̧nö̧ ja̧'a̧nä̧ jitämä Dios ö̧tä̧bo̧tä̧cuȩmä̧ 'cuäopa'a jahuätörö.