Hechos 20:29 - TÄ̧DO Ä̧CUÄ̧ I̧HUȨNȨ

²⁹ Huo̧jua̧sä̧ ttö chi̧u̧ o'ca'a, korotömä ucuturu ttichäcuotö. Jahuätömä ä̧hui̧ri̧tö̧ ra̧huä̧rä̧tö̧ o̧vȩja̧stö̧rö̧ suronä jȩttö̧'a̧nö̧, re juiyönä suronä jȩttä̧cuo̧tö̧ Jesucristorö esetätörö.

Nuevo Testamento Uwotjüja

²⁹ Ja̧'wa̧nü̧ ja̧'a̧ttü̧ wo̧jua̧sä̧, ttü cho'komȩ päi'omȩnä̧, ku̧'kä̧tȩtu̧ku̧nä̧ dodettäkuotü Rowo isotü pä̧i̧kuä̧tü̧ igresia ttü̧ja̧rü̧ be'epäjipü ttikua pä'ü.

Hechos 20:29 Referans Kwoze

San Mateo 7:15

“Korotömä “Dios i̧huȩnȩ ji'ähuätöjä” pätta'anä, yapareu jittähuomenä cuesetätucuä'. Jahuätömä ucuturu ichö o̧vȩja̧stö̧ jȩttö̧'a̧nö̧ jȩpä̧tö̧ yapareu. Ji̧nä̧ isocu ä̧hui̧ri̧tö̧ ra̧huä̧rä̧tö̧ jä̧'i̧nö̧'a̧nö̧ huotö.

2 Pedro 2:1

Ja̧'hua̧nö̧ ja̧'a̧nä̧'i̧nä̧ yapareu huȩnȩ ji'ähuinätömä ka̧cui̧nä̧tö̧do Israel ttö̧ja̧ ttö̧'quȩtȩnä̧. Ja̧'hua̧ta̧nö̧ ucutu cu̧'quȩtȩtu̧cu̧nä̧ yapareu huȩnȩ ji'ähuätömä ttö̧ja̧cuä̧cuo̧tö̧. Jahuätö yä̧huä̧i̧nä̧ yapareu huȩnȩ ttu̧huo̧juȩtä̧cuo̧tö̧. Churutä, suronä jȩttö̧ jȩpö̧ icuinörö, ä̧ppö̧tä̧rö̧ ji'ähuätö. Ja̧'hua̧nö̧ ttu̧huo̧juȩto̧mȩnä̧, o'ca päi'önä ttamönä bettipächäcuotö.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

San Juan 10:12

Ja̧'hua̧nö̧ ja̧'a̧nä̧ ya̧tȩ aditähuä micuätä a̧mö̧cuä̧rö̧ aditömä, yähui icha'a tomenä, o̧vȩja̧stö̧rö̧ jaropi'ö, tö'ipächö. Ja̧u̧ adihuä tta̧huä̧rä̧cuä̧huä̧ i̧sa̧cö̧. Ja̧'hua̧ta̧nö̧ o̧vȩja̧stö̧, chutä ä̧ji̧mö̧ huocotö. Ja̧'hua̧nö̧ töipächomenä, yähui o̧vȩja̧stö̧rö̧ 'chu'ädö ya'opö icu döttecuächönä.

San Lucas 10:3

Ucutumä tätucui. Oveja i̧tti̧mö̧ yä̧hui̧tö̧ ttö̧'quȩtȩ tti̧'cha̧'a̧ jä̧'i̧nö̧'a̧nö̧ hue'ösä ucuturu.

San Mateo 10:16

Juhua'a yabonö pä'inödo Jesús: —Ä̧ju̧cuä̧tu̧cui̧, o̧vȩja̧stö̧, yä̧hui̧tö̧ ttö̧'quȩtȩ tti̧'cha̧'a̧ jä̧'i̧nö̧'a̧nö̧ hue'ösä ucuturu. Ä̧ca̧tö̧ baraunä yö̧'ä̧tö̧ ttu̧'ȩpä̧rö̧ ttö̧'a̧'a̧ jä̧'i̧nö̧'a̧nö̧ cu̧ja̧cuä̧tu̧cua̧'a̧nä̧, u̧nu̧cu̧tu̧ yoröiso baraunä jȩpo̧co̧tö̧ ttö̧jö̧'a̧nö̧ adiunä ka̧cuä̧tu̧cui̧, korotörö suronä jȩcu̧'ä̧tu̧cuo̧ca̧'a̧.

San Lucas 12:32

“Yecuhuecuätucuä' chu̧huo̧juȩtä̧u̧. Ucutumä a̧'u̧cu̧nä̧tä̧jä̧. Ja̧'hua̧nö̧ ja̧'a̧nä̧ Cuä'o chutäcu ruhuotö päcuhui'ätucua pä'ö pä̧huä̧ rö̧jä̧cu̧.

San Juan 21:15

Ttu̧cuȩ ttucuäji o'ca'a, Jesús jä'epinödo Simón Pedrorö: —Simón, Jonás i̧tti̧, ¿pitöttö'inä abonänö ttörö repe'öjä tä̧ji̧? Pedro ja̧u̧ru̧ ädätinödo: —A̧'a̧, Chu̧ru̧hua̧. Ucuru repe'ösä huo̧jua̧jä̧. Ja̧'hua̧nö̧ päomenä, Jesús pä'inödo ja̧u̧ru̧: —Ja̧u̧ttu̧mä̧, ya̧tȩ o̧vȩja̧stö̧ tti̧tti̧mö̧rö̧ tta̧huä̧ra̧'a̧ jä̧'i̧nö̧'a̧nö̧, tta̧'ä̧ri̧ ttörö esetätörö.

1 Pedro 5:2

O̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, Dios i̧tti̧mö̧rö̧, ucuturu hueinä̧u̧ru̧, tta̧'ä̧rö̧ ka̧cuä̧tu̧cui̧. Suronä päcuhuätucuoca'a, Diosrö pä̧huä̧ rö̧jo̧mȩnä̧ adiunä eseunu tta̧'ä̧rä̧tu̧cui̧. Ja̧'hua̧ta̧nö̧ pärätä cuamöcuädätucuoca'a, adiu tta̧'ä̧rä̧tu̧cui̧. Adiunä aditätucui cuaditähuätucu.

Judas 1:18

Ja̧'hua̧nö̧ jahuätö ucuturu ji'ähuinätödo: “Röjinä ja̧'a̧cu̧ korotö Dios jähuä ya̧ttä̧huȩ'ä̧cuo̧tö̧. Jitöröätä pä̧huä̧ rö̧jö̧ suronä jȩpö̧ ttö̧ja̧cuä̧cuo̧tö̧do.”