Hechos 20:25 - TÄ̧DO Ä̧CUÄ̧ I̧HUȨNȨ

²⁵ “Diosmä Tu̧ru̧hua̧ päi'önä kö̧ pä'ö, ucutu cu̧'quȩtȩtu̧cu̧nä̧ kä̧nö̧ o'ca toi'önärö ji'ähuinösä. Ja̧'hua̧nö̧ ja̧'a̧nä̧ jitämä huo̧jua̧sä̧ juhua'a yabocumä tocu'ätucuococusä.

Nuevo Testamento Uwotjüja

²⁵ Ja̧'wa̧nü̧ ja̧'a̧ttü̧, jitämä̧ wo̧jua̧sä̧, täkü ttürümä̧ topokotü kuäkuotüjä̧, ku̧'kä̧tȩtu̧ku̧nä̧ jareünä̧ ru̧wa̧ Dio weü wȩnȩ jidäwä'ija'amä̧.

Hechos 20:25 Referans Kwoze

Hechos 20:38

—Jitämä yabocumä tocu'ätucuococusä —pä̧u̧, juiyo tta̧'cua̧ ta̧'ȩcui̧nä̧tö̧. Ja̧'hua̧nö̧ ja̧'a̧ huoi'cara̧'a̧ ja̧u̧cu̧ 'chi̧nä̧tö̧.

San Mateo 4:23

Jesús Galilea rȩjȩnä̧ pa̧ja̧cu̧nä̧ huo̧juȩtö̧ cue'ächinödo, o'ca juiyönä judíos ttu̧huo̧jui̧'i̧nodehuiyänä koromecu, koromecu'inä. Adihuä huȩnȩ, Dios Ru̧hua̧ päi'önä ö̧jä̧cuȩ huȩnȩ, ji'ähuinödo. Ja̧'hua̧ta̧nö̧ o'ca toi'önä na̧'ä̧chä̧tö̧rö̧mä̧ aditö icuinödo.

Colosenses 2:1

Ucuturu'inä, Laodicea ötahuiyänä ka̧cuä̧tö̧rö̧'i̧nä̧, o'ca toi'önä ttörö topocotörö'inä rö̧ȩnä̧ chamöcuädömä cu̧huo̧juä̧tu̧cua̧ttö̧ pä'ösä.

Gálatas 1:22

Chö̧jä̧hua̧tö̧ Cristorö esetinätö, Judea rȩjȩ ttö̧ja̧ yoröiso ttieruhuinäcusä.

Romanos 15:23

Jitä täcö cä'ädäcuäusä chaditähuämä porömä. Recuo a̧'ȩ pä̧huä̧ rö̧jö̧nä̧ amöcuädinösä, ucutu cu̧ja̧cuä̧tu̧cua̧'a̧ chicha pä'ö.

Hechos 8:12

Ja̧'hua̧nö̧ ja̧'a̧ adihuä huȩnȩ, Jesucristo i̧huȩnȩ, Dios Ru̧hua̧ päi'önä ö̧jä̧cuȩ huȩnȩ, Felipe jiähua'a ttesetomenä, bautizados pä'i'inätödo u̧mä̧tö̧'i̧nä̧, nä̧tö̧'i̧nä̧.

San Lucas 16:16

“Juan ö̧ji̧no̧mȩ jubötä ki̧na̧'a̧ Moisés hueähuä huȩnȩmä̧. Ja̧'hua̧ta̧nö̧ ki̧na̧'a̧ Dios i̧huȩnȩ jiäcuähuä isotö ttu̧huo̧juȩti̧nö̧'i̧nä̧. Ja̧u̧ ö̧ji̧nö̧ o'ca'a ji'ähuätö adihuä huȩnȩ, Dios Tu̧ru̧hua̧ päi'önä ö̧jä̧cuȩ huȩnȩ. O'ca toi'önä yo̧mȩtȩnä̧ dottächa pä'ö jȩpä̧tö̧.

San Lucas 9:60

Ja̧'hua̧ ja̧'a̧ Jesús ädätinäcudo: —'Corupä'i'ätö a̧'cua̧rä̧tö̧ ttuhuapiyä ttu'turäcuotö. Ja̧'hua̧nö̧ ja̧'a̧nä̧ ucu Dios Ru̧hua̧ päi'önä ö̧jä̧cuȩ huȩnȩ ji'ähuäji.

San Mateo 13:52

Ja̧'hua̧ ja̧'a̧ jahuätörö pä'inödo: —Ya̧tȩ huo̧juȩcuä̧ i̧sa̧ Dios Ttu̧ru̧hua̧ päi'önä ö̧jä̧cuȩ huȩnȩ adiu u̧huo̧jui̧'o̧mȩnä̧, ja̧u̧ ka̧ra̧ ru̧hua̧ öärettö koro juäi jareö'inä, täbo jähuä'inä ȩmö̧ jä̧'i̧nö̧'a̧nö̧ hua̧, —pä'inödo Jesús.

San Mateo 13:19

Korotömä Dios Ttu̧ru̧hua̧ päi'önä ö̧jä̧cuȩ huȩnȩ 'cucuächi'oca'a ä̧ju̧cuä̧tö̧mä̧ jacuä jähuä mä̧nä̧ jäyänä ma̧ä̧chö̧ jä̧'i̧nö̧'a̧nö̧ huotö. Ähuettä ichi'ö 'cho'ipö Dios i̧huȩnȩ ttami iso'quittö.

San Mateo 10:7

Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a pä'ö ji'ähuäjätucui.

San Mateo 4:17

Juhuorö kä̧nö̧ Jesús kä̧mä̧dö̧ ji'ähuinödo: —Pärocuäcutä amöcuädätucui. Dios Cu̧ru̧hua̧ päi'önä ö̧jä̧cua̧'a̧ tö'cöhuächa'a, —pä'ö ji'ähuinödo.