Hechos 20:19 - TÄ̧DO Ä̧CUÄ̧ I̧HUȨNȨ

¹⁹ Ucutucu kä̧nö̧, 'cuäopönä Tu̧ru̧hua̧ aditähuä ya̧tȩ huȩ'ä̧hua̧ huettö jȩö̧'a̧nö̧ jȩpö̧ ajuäunu aditinösä. Judíos ttö̧ja̧ ttörö suronä jȩtta̧ pä'ö ka̧cuä̧mö̧ totta'anä'inä aditinösä.

Nuevo Testamento Uwotjüja

¹⁹ Tu̧ru̧wa̧ weäwä aditümä̧, ukuotünü̧'i̧nä̧, ajuäunü̧'i̧nä̧ aditä'ijüsä ja̧'wa̧ta̧nü̧ ttünä̧ ichina̧'a̧ kka̧kuä̧mü̧ toäkuäwä, judío suronä̧ jȩtta̧ttü̧ pä'ü tta̧mü̧kuädomȩnä̧.

Hechos 20:19 Referans Kwoze

Colosenses 3:24

Iso päi'önä ucutu huo̧juä̧tö̧jä̧, Tu̧ru̧hua̧ i̧yä̧cua̧ ucuturu adihuä juäi u̧ju̧nä̧rö̧mä̧. Ucutumä Tu̧ru̧hua̧ Cristorö amöcuädö aditätöjä. Ja̧u̧mä̧ iso päi'önä Tu̧ru̧hua̧ päi'önä kö̧.

2 Corintios 2:4

Ucuturu ja̧'hua̧nö̧ chi̧huȩyu̧to̧mȩnä̧, rö̧ȩnä̧ cha̧'cua̧ tta̧'ȩcu̧ a̧mö̧cuä̧ri̧nö̧sä̧ chajuähuipönä. Ucutu cua̧'cua̧ tta̧cu̧huȩcuä̧tu̧cua̧ pä'ö huȩyu̧to̧cö̧ pi̧nö̧sä̧. Iso päi'önä ucuturu rö̧ȩnä̧ repeda'a cu̧huo̧juä̧tu̧cua̧ pä'ö huȩyu̧ti̧nö̧sä̧.

Romanos 12:11

Adiu aditätucui, ötäcuähuä juiyönä. Cu̧ru̧hua̧tu̧cu̧ Cristo hueömä, cuami iso'quitucunä eseunu aditätucui.

Hechos 20:3

Pablo juhua'a huämetucuä kä̧hua̧tö̧ ki̧nö̧do. Siria rȩjȩra̧'a̧ huoi'canä i̧'cha̧ pä'ö amöcuädomenä, “Judíos ttö̧ja̧ ucuru suronä jȩttä̧cuo̧tö̧do” jittähua'a ä̧ju̧cui̧nö̧do. Ja̧'hua̧nö̧ ja̧'a̧ttö̧ de'anä ppa̧huä̧cha̧ pä'ö Macedonia rȩjȩnä̧ 'cuä'opö i̧'cha̧ pä'ö amöcuädinödo.

2 Corintios 7:5

Macedonia rȩjȩra̧'a̧ rȩbȩhuä̧jä̧tö̧'co̧tö̧ 'cuätächi'ö'a̧nö̧ ja̧'a̧nä̧, ji̧nä̧ isocu aditäjätöjä. Rö̧ȩnä̧ rohuäcuähuä 'cuäopäja'a ujutu tö̧ja̧cuo̧mȩttö̧. Ja̧'hua̧ta̧nö̧ tami iso'quinä'inä ye'ecu ka̧cuä̧jä̧tö̧jä̧.

Santiago 1:2

Chö̧jä̧hua̧tö̧, eseunu ka̧cuä̧tu̧cui̧ surojö 'cuäopomenä.

Filipenses 3:18

Pä'äji recuo jidähuinö, pä'äji ta'anö ajuäu ji'äusä ucuturu. Korotömä recuätö Cristo dau isodänä 'corupäi'inö huȩnȩ aboiyotö ja̧'a̧nä̧, ka̧cuä̧tö̧ Diosrö esetätö ttö̧'quȩtȩnä̧.

Efesios 6:7

Adiunä aditätucui Diosrö pä̧huä̧ rö̧jo̧mȩnä̧tä̧, pi̧jä̧ ttö̧ja̧rö̧ pä̧huä̧ rö̧jo̧mȩnä̧mä̧cö̧.

Gálatas 1:10

Ja̧'hua̧nö̧ pädomenämä, ¿ttö̧ja̧ ttöjö'cattö pä'ö päda'a tä̧ji̧? Tta̧'a̧huä̧jä̧. Diostä öjö'cattö pä'ö pä'ösä. ¿Ttö̧ja̧ ttörö pä̧huä̧ rö̧jö̧ tottattö pä'ö jȩcha̧'a̧ tä̧ji̧? Ttö ji̧nä̧ ttö̧ja̧ ttöjö'cattö pä'ö jȩcha̧ pädöttömä, Cristomä u̧mö̧huä̧ya̧ pocö pajisä.

2 Corintios 3:5

Ujutu tamönä tujurunä yoröiso koro juäi jȩä̧cuä̧huä̧nä̧ juiyupätöjä. O'ca juiyönä jȩtö̧mä̧, Dios ppäda'attö jȩpä̧tö̧jä̧.

Hechos 20:31

Ja̧'hua̧nö̧ ja̧'a̧ttö̧ ttu̧'ȩpä̧rö̧nö̧ amöcuädätucui. Huäbodäcuä a̧'ȩ 'cuäoi'önä mo̧ro̧'i̧nä̧, yodo'inä ucutu o'ca toi'önärö ajuäunu ji'ähuo'ä̧ri̧nö̧sä̧ jarochi'ö juiyönä.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.

1 Pedro 1:6

Ja̧'hua̧nö̧ ja̧'a̧ttö̧ ucutu rö̧ȩnä̧ eseunu ka̧cuä̧tö̧jä̧. Ja̧'hua̧nö̧ ja̧'a̧nä̧'i̧nä̧ a̧'u̧cua̧'a̧tä̧ ucuturu suronä 'cuäopäcua'a.

1 Tesalonicenses 1:9

Pärocua'acu jitötä ji'ähuätö ucutucu tö̧ja̧cui̧nö̧mä̧. Ja̧'hua̧ta̧nö̧ ujuturu ppäcuhuädätucumä ji'ähuätö. Ttö̧ja̧ i̧sa̧ a̧'u̧cuä̧ ttu̧mö̧nä̧ adicuä juäi esetäcuähuä jaropi'ö, Dios kö̧rö̧, yoröiso yaparehuocörö, cuesetätucua'a ji'ähuätö.

Romanos 1:9

Ja̧'hua̧ta̧nö̧ Dios I̧tti̧ i̧huȩnȩ o'ca juiyönä cha̧'cua̧ eseunu jidähua'attö, Dios huo̧jua̧ ucuturu amöcuädö Diosrö chucuocumä.

Romanos 1:1

Ttö Pablo, Dios huoina'attö, Jesucristo huȩ'ä̧hua̧sä̧. Ttörö pätetö hue'inö Dios, adihuä i̧huȩnȩ jidähua pä'ö.

Hechos 27:23

Mo̧ro̧ji̧ yodo ya̧tȩ ángel Dios huȩ'ä̧hua̧ ttörö i̧jȩcuä̧ji̧. Ttömä Dios u̧mö̧huä̧ya̧ päi'önä chutä hueömä jȩpö̧sä̧.

Hechos 17:13

Ja̧'hua̧nö̧ ja̧'a̧ judíos ttö̧ja̧ Tesalónica ötahuiyänä ka̧cuä̧tö̧mä̧ Pablomä Dios i̧huȩnȩ Berea ötahuiyättö ji'äudo jittähua'a ttä̧ju̧cuo̧mȩnä̧, juhua'atä 'chä̧nö̧ ttö̧ja̧rö̧ ucuocuinätödo suronä jȩtta̧ pä'ö Pablorö.

San Juan 12:26

Ya̧tȩ ttörö ppäda päöttömä, ttöcu cueächäcua'a̧nö̧. Ttö chö̧jo̧mȩ'i̧nä̧, ttörö ppä'ädömä ö̧jä̧cua̧. Ya̧tȩ ttörö ppä'ädörö, Chä'o ja̧u̧ru̧ u̧cuo̧tä̧cua.

San Lucas 19:41

Jerusalén ötahuiyä tö'cö 'chä̧hui̧'ö̧, topö ajuähuinödo ja̧u̧ ötahuiyä ttö̧ja̧rö̧ amöcuädö.

Apocalipsis 7:15

Ja̧'hua̧nö̧ ja̧'a̧ttö̧ jahuätö Dios i̧dȩä̧cä̧ ä'cattö mo̧ro̧'i̧nä̧, yodo'inä, Diosrö pä̧huä̧ rö̧jo̧mȩnä̧ jȩpä̧tö̧ churutä ucuocuäcuähuodettö. Ja̧'hua̧ta̧nö̧ chutä i̧dȩä̧cä̧nä̧ pö̧mä̧, ö̧ja̧'a̧ttö̧ jahuätörö tta̧huä̧rä̧cua̧.

2 Timoteo 1:4

Ucu cuajuähuina'a chamöcuädomenä, ucuru tocha pä'ösä rö̧ȩnä̧ chesehua pä'ö.

Hechos 17:5

Ja̧'hua̧nö̧ ja̧'a̧nä̧ korotö judíos ttöja̧ esetocotö pi̧nä̧tö̧do. Jahuätö ra̧huä̧rö̧ a'cuoyähuinätödo. Ttaditoca'ara̧'a̧ suronä jȩpö̧ cue'ächö ka̧cuä̧tö̧rö̧ ca̧ca̧ti̧nä̧tö̧do ra̧huä̧rö̧ huotta pä'ö. Judíos ttö̧ja̧'i̧nä̧, korotö recuätö'inä Pablorö, Silasrö Jasón ojusodettö usinätödo. Pablorö, Silasrö isode jacuättö 'chu'ädö rä'epö tticua pä'inätödo, ttö̧ja̧rö̧ ttiya pä'ö.

Hechos 21:27

Ko̧ro̧mö̧ttö̧nö̧ todäre mo̧ro̧ beipächäcuome tö'cöhuächi'omenä, korotö judíos ttö̧ja̧ Asia rȩjȩttö̧ ichinätömä Pablorö topinätödo Diosrö ucuocuäcuähuodenä. O'ca toi'önä ttö̧ja̧rö̧ huopinätödo ttö̧ra̧huä̧ra̧ pä'ö. Ja̧'hua̧nö̧ ja̧'a̧ Pablorö 'chu'ädinätödo.