Hechos 2:42 - TÄ̧DO Ä̧CUÄ̧ I̧HUȨNȨ

⁴² Jesús hue'ähuotö ttu̧huo̧juȩti̧nö̧mä̧ ttä̧ju̧cua̧ pä'ö, korotö Jesucristorö esetätöcu ji̧nä̧ yo̧mȩtȩ ca̧ca̧cui̧pä̧'i̧jä̧tö̧. Ji̧nä̧ yo̧mȩtȩ ca̧ca̧cu̧, ttu̧cuȩ cuä'ijätö. Ji̧nä̧ yo̧mȩtȩ Diosrö ucuocuä'ijätö.

Nuevo Testamento Uwotjüja

⁴² Ja̧'wa̧nü̧ ja̧'a̧, apótore ttu̧wo̧juȩtü̧nä̧ kka̧kui̧nä̧tü̧, rekuä rü̧jü̧ ppä'ädäkuäu, ji̧nä̧ yo̧mȩtȩnä̧ kuä̧nü̧ ja̧'wa̧ta̧nü̧ Dio-rü ukuoku'i̧nä̧, jü̧nä̧.

Hechos 2:42 Referans Kwoze

Hebreos 10:25

Korotö cultora̧'a̧, Diosrö ttucuocuomecu 'cho̧co̧tö̧ jȩttö̧'a̧nö̧mä̧, jȩtö̧ juiyö'a̧nö̧ ja̧'a̧ ujutumä. Ujutumä, korotö korotönörö juhua'a yabonö adiu ppätädö'a̧nö̧ ja̧'a̧. Iso päi'önä Tu̧ru̧hua̧ ichä̧cuȩ mo̧ro̧ ötö'cöhuächa'a topö, ja̧'hua̧nö̧ jȩtö̧'a̧nö̧ ja̧'a̧.

Hechos 1:14

Jahuätö Jesús hue'ähuotö o'ca toi'önä ca̧ca̧cuä̧rö̧ Diosrö ucuocuinätödo nä̧tö̧cu̧, Jesús ja̧ju̧ Maríacu, Jesús ö̧jä̧hua̧tö̧cu̧.

1 Juan 1:3

Ja̧'hua̧nö̧ ja̧'a̧ttö̧ totinö'inä, tä̧ju̧cui̧nö̧'i̧nä̧ ucuturu ji'ähuätöjä, ujutu Tä'o Dioscu, I̧tti̧ Jesucristocu ji̧nä̧ ji̧yȩtȩ huotö tö'a̧nö̧, ucutu'inä ujutucu ji̧nä̧ ji̧yȩtȩ huotö cu'ätucua pä'ö.

1 Juan 1:7

Dios tȩa̧u̧nä̧ ö̧jö̧'a̧nö̧ tȩa̧u̧nä̧ tö̧jö̧ttö̧mä̧, ji̧nä̧ ji̧yȩtȩ huotö ka̧cuä̧tö̧jä̧. Ja̧'hua̧nö̧ tö̧jo̧mȩnä̧, Dios I̧tti̧ Jesucristo ucuojanä o'ca juiyö suronä jȩtö̧ töcö icu.

Hechos 2:46

Mo̧ro̧ji̧nö̧ a̧'u̧cuä̧ Diosrö ucuocuäcuähuodenä ca̧ca̧cui̧pi̧nä̧tö̧do. Ja̧'hua̧ta̧nö̧ ttahuaruhuärö'inä ji̧nä̧ yo̧mȩtȩ Diosrö'inä eseunu amöcuädö ttu̧cuȩ cuinätödo ttojusode pö̧nä̧.

Hechos 20:7

Ja̧'hua̧nö̧ ja̧'a̧ semana ä'canä mo̧ro̧ pan 'te'chäu ca̧ca̧cui̧pi̧nä̧tö̧jä̧. Pablo Jesucristorö esetätörö huo̧juȩti̧nö̧, ja̧u̧nu̧tä̧ mo̧ro̧ juomenä rätopa pä'ö. Juhua'a yabocutä ji'ähuinö yodo kä'co päi'önä.

Efesios 6:18

Espíritu Santo u̧huo̧juȩta̧'a̧nä̧, 'cuäopönä Diosrö jä'epö ucuocuätucui, o'ca juiyönä iyätucuacu pä'ö jäcuhue'ätucumä. Cuamöcuädätucu jaroi'äcuähuä juiyönä, adiu a̧mö̧cuä̧rö̧nö̧ ka̧cuä̧tu̧cui̧. Ja̧'hua̧ta̧nö̧ o'ca toi'önä Diosrö esetätörö amöcuädö, ucuocuätucui Diosrö.

Judas 1:20

Ja̧'hua̧nö̧ ja̧'a̧nä̧ ucutu, chö̧jä̧hua̧tö̧, adihuä Dios i̧huȩnȩ rö̧ä̧chö̧nä̧ adiu esetö ka̧cuä̧tu̧cui̧. Espíritu Santo ujurunä ucuocuätucui Diosrö.

Colosenses 4:2

'Cuäopönä mo̧ro̧ji̧nö̧ a̧'u̧cuä̧ ucuocuätucui Diosrö. Ja̧'hua̧ta̧nö̧ eseunu ucuocu tta̧'ä̧rä̧tu̧cui̧ ja̧u̧ru̧tä̧.

Colosenses 1:23

Ja̧'hua̧nö̧ ja̧'a̧nä̧ dau po'tiyä 'quiyönä 'chuhuädö'a̧nö̧, adiu esetätucui. Jarocuhui'ätucuä' adiu tta̧cu̧huä̧rä̧tu̧cu̧ huȩnȩ, ttö̧ja̧ suronä jȩttö̧ jȩpö̧ icu huȩnȩ. Ja̧u̧ huȩnȩ pi̧jä̧ pa̧ja̧cu̧nä̧ ji'ähuätö. Ttö'inä, Pablo, ji'äusä ja̧u̧ huȩnȩ.

2 Timoteo 3:14

Ja̧'hua̧nö̧ ja̧'a̧nä̧ cu̧huo̧jui̧'i̧nö̧mä̧, adiu jȩpi̧. Ja̧u̧mä̧ iso päi'önä huȩnȩ huo̧jua̧jä̧. Ja̧'hua̧ta̧nö̧ ucu huo̧jua̧jä̧ ucuru huo̧juȩti̧nö̧rö̧.

Efesios 2:20

Ucutumä isode jä̧'i̧nö̧'a̧nö̧ huotöjä. Jesús hue'ähuotö'inä, Dios i̧huȩnȩ jiäcuähuä isotö'inä, jittähuinö huȩnȩ esetö ka̧cuä̧tö̧jä̧. Chutä Jesucristo ji̧nä̧ isocu adihuo'qui isode jueö isä'ca kö̧'a̧nö̧ kö̧do.

Hechos 14:22

Koro ötahuiyänä'inä, koro ötahuiyänä'inä Jesucristorö esetätörö huo̧juȩtö̧ ji'ähuinätödo, juhua'a yabonö adiu tteseta pä'ö. —Adiu esetö cu̧ja̧cuä̧tu̧cu̧'a̧nö̧ ja̧'a̧. Rö̧ȩnä̧ surojö 'cuäopäcua'a ujuturu, Dios ö̧jo̧mȩ dotächäcua'a ä'canä, —pä'inätödo.

Hechos 6:4

Ujutu 'cuäopönä Diosrö tucuocuäcuotöjä. I̧huȩnȩ'i̧nä̧ huo̧juȩtö̧ jitähuäcuotöjä, —pä'inätödo Jesús hue'ähuotö.

Hechos 4:31

Diosrö ucuocu cättädomenä, ttö̧'ö̧jo̧mȩ ttö̧ȩpi̧na̧'a̧do. O'ca toi'önä Espíritu Santo ujuru rö̧ȩnä̧ ttu̧ju̧nä̧ra̧'a̧ttö̧, yettoca'a ji'ähuinätödo Dios i̧huȩnȩ.

1 Corintios 10:21

Iso päi'önä ucutumä yoräteunä au jȩpo̧co̧tö̧jä̧ Tu̧ru̧hua̧ttö̧'i̧nä̧, espíritus suropätöttö'inä. Ja̧'hua̧ta̧nö̧ Tu̧ru̧hua̧ öärettö'inä, espíritus suropätö ttöarettö'inä yoräteunä cuocotöjä.

Romanos 12:12

Eseunu ka̧cuä̧tu̧cui̧, esetönö tta̧cu̧huä̧rä̧tu̧cua̧. Ubara ttucuhuätucuomenä, cuami 'qui'ächi'ö ka̧cuä̧tu̧cui̧. Diosrö ucuocu ka̧cuä̧tu̧cui̧ 'cuäopönä.

Hebreos 10:39

Ja̧'hua̧nö̧ ja̧'a̧nä̧ o'ca'acu ppa̧'ä̧chö̧, be'ipächätö isotömäcö̧jä̧ ujutumä. Ujutu Diosrö esetätöjä. Ja̧'hua̧nö̧ esetö kä̧nö̧, ta̧'cua̧ru̧hua̧rö̧ adiu tta̧'ä̧rä̧cuä̧huä̧tö̧jä̧.

Hechos 11:23

Bernabé juhua'a i̧'chi̧'o̧mȩnä̧, Diosmä ttö̧ja̧rö̧ adiu ppädina'a topö, esehuinödo. O'ca toi'önärö adiu ppä'ädö ucuocuinödo. Ji'ähuinödo Tu̧ru̧hua̧rö̧ adiu esetö ttö̧ja̧cua̧ pä'ö jarotti'ö juiyönä.

1 Corintios 11:2

Chö̧jä̧hua̧tö̧, ucuturu eseusä 'cuäopönä ttörö amöcuädö jȩcu̧'ä̧tu̧cuo̧mȩnä̧, ttö jidähuinö huȩnȩ.

Hechos 20:11

Ja̧'hua̧nö̧ ja̧'a̧ Pablo pä'äji ta'anö ppa̧'ä̧chä̧chö̧ ju'toju i̧so̧ca̧ttö̧, pan 'te'ädö cuinö. Jahuätörö mo̧ro̧ juoächönä rö̧ȩnä̧ ucuocu cä'ädö, rä'opö 'chi̧nö̧.

1 Juan 2:19

Ujututtu jaropi'inätömä yoröiso ujutu isotöcö̧. Ujutu isotö jö̧ttö̧mä̧, ujutucu ka̧cua̧ja̧tö̧. Ja̧'hua̧nö̧ ja̧'a̧ jaropi'inätörö topö tu̧huo̧jua̧ pä'ö jahuätömä o'ca toi'önä ujutu isotöcö̧ pä'ö.

Gálatas 1:6

Diosrö, Jesucristo ucuturu repea'attö huoinä̧u̧ru̧, koro huȩnȩ suronä jȩttö̧ jȩpö̧ icu pättö huȩnȩ i̧mi̧cu̧nä̧ jö̧ esetö o'ca päi'önä jarocuhui'ätucua'a chä̧ju̧cuo̧mȩnä̧, rö̧ȩnä̧ amöcuädösä ucuturu.

Hechos 4:23

Pedrorö, Juanrö ruhuotö rä'epö tticuäji o'ca'a, ttahuaruhuä ttö̧jo̧mȩ ppa̧'ä̧chö̧, jahuätörö ji'ähuinätödo o'ca juiyönä sacerdotes tturuhuotö'inä, judíos ttö̧ja̧ ancianos huotö'inä pättäjimä.

San Lucas 24:35

Ja̧'hua̧ ja̧'a̧ttö̧ mä̧nä̧nä̧ 'cuäopäji'inä, i̧ri̧si̧ 'tȩ'chä̧rö̧ iyomenä Jesúsru ttu̧huo̧jui̧pä̧ji̧'i̧nä̧ ji'ähuinätödo jahuätörö.

San Lucas 24:30

Ja̧u̧nu̧ o'ca'a jahuätöcu mesa isodänä ttö̧'ä̧mä̧do̧mȩnä̧, i̧ri̧si̧ u̧mö̧nä̧ ȩmö̧, Diosrö ucuocuinödo. Ucuocuäji'ca̧, 'tȩ'chä̧rö̧ iyinödo jahuätörö.

1 Corintios 14:6

Ja̧'hua̧nö̧ ja̧'a̧ttö̧ chö̧jä̧hua̧tö̧, ucuturu topö ichö, koro cuieruhuätucu huȩnȩ chucuocuttumä, ¿adiu ppä'ädösä tä̧ji̧ ucuturu? Isocö̧. Koro huȩnȩ, Diosrö adiu cuesetätucu huȩnȩ jidäuttutä, ja̧u̧ adihua'a ucuturu. Ja̧'hua̧ta̧nö̧ koro huo̧juȩcuä̧nä̧, Dios iyähuä huȩnȩ, ja̧u̧ru̧tä̧, Diosrötä, adiu cu̧huo̧juä̧tu̧cua̧rö̧ pä'ö jidähuomenä, adiu ppä'ädösä ucuturu.

Filipenses 1:5

Iso päi'önä äcuomenä cuesetinätucu mo̧ro̧ kä̧mä̧dö̧, jitä mo̧ro̧ päi'önä, ji̧nä̧ yo̧mȩtȩ Dios i̧huȩnȩ aditätöjä.