Hechos 19:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧ yotöcunä jarode'ö esetocotö pi̧nä̧tö̧do. O'ca toi'önä ttä'ca jo̧mȩttö̧ Dioscu adiu kä̧cuä̧huä̧ huȩnȩ jarode'ö “Surojö” pä'inätödo. Ja̧'hua̧nö̧ jȩtto̧mȩnä̧, Pablo jahuätöttö 'quȩ'i̧pä̧chi̧nö̧do. Jesucristorö esetätömä chutäcu tti̧'cha̧ pä'ö o'ipinödo. Tiranno ojusodettö jahuätörö Dios i̧huȩnȩ rä'epö ucuocuinödo mo̧ro̧ji̧nö̧ a̧'u̧cuä̧.

Nuevo Testamento Uwotjüja

⁹ Ja̧'wa̧nü̧ ja̧'a̧nä̧ yotukunä̧, tta̧mi̧ 'ki'eku, jua̧u̧nä̧ kkä̧kuä̧wä̧ wȩnȩ esetü jui'ü ttü̧ja̧ ttä'ka jo̧mȩttü̧ jȩpü̧ wottiyäku Pauru-mä̧ juätüttü 'kȩ'i̧pä̧chü̧, Jesucrito-rü esetätürü'i̧nä̧ 'kȩ'ȩpü̧ ikuinü̧ ja̧'wa̧ta̧nü̧ Tirano pättäku u̧wo̧juȩtodettü rü̧ȩnä̧ ukuokuinü̧, mo̧ro̧ ji̧nü̧'a̧kuä̧.

Hechos 19:9 Referans Kwoze

Hechos 19:23

Ja̧u̧nu̧ pä̧nä̧ Efeso ötahuiyä ttö̧ja̧ Dioscu adiu kä̧cuä̧huä̧ huȩnȩ ttä̧ju̧cuo̧mȩnä̧, rö̧ȩnä̧ ucuocu suronä jȩpi̧nä̧tö̧do.

2 Pedro 2:12

Pitö u̧mä̧tö̧ de'a isotö ta'anö ä̧ju̧cuo̧co̧tö̧. Topötä ka̧cuä̧tö̧do. 'Chu'ädö cuä'ö tticuatö pä'ötä böo juo'ätö. Ttä̧ju̧cu̧ juiyönä ucuocuätö suräjuä huȩnȩ. De'a i̧sa̧ 'corupäi'ö'a̧nö̧ 'corupätti'äcuotö.

Hechos 14:4

Iconio ötahuiyä ttö̧ja̧ttö̧ korotö judíos ttö̧ja̧ jittäu huȩnȩ esetinätödo. Ja̧'hua̧ta̧nö̧ korotö Pablocu, Bernabécu jittäu huȩnȩ esetinätödo.

Judas 1:10

Ja̧'hua̧nö̧ ja̧'a̧nä̧ jitö Diosrö jarode'ätömä, ji̧nä̧ iso huo̧juä̧huä̧ huo̧jui̧cuä̧ juiyönä suronä ucuocuätö. Ja̧'hua̧nö̧ ja̧'a̧ koro huo̧juä̧huä̧, de'a ka̧cuä̧tö̧ jȩttö̧'a̧nö̧ jȩpä̧tö̧mä̧, tottei'a pä'ö jȩpä̧tö̧.

2 Pedro 2:2

Jitörötä pä̧huä̧ rö̧jö̧ jȩpö̧ kä̧nö̧ ttu̧huo̧juȩto̧mȩnä̧, recuätö ttesetäcuotö jahuätörö. Ja̧'hua̧ta̧nö̧ adihuä huȩnȩmä̧, suräjuä huȩnȩ pä'ö ttucuocuäcuotö.

Hebreos 3:13

Pärocua'acu mo̧ro̧ji̧nö̧ a̧'u̧cuä̧ eseäcuäu ka̧cuä̧tu̧cui̧ korotörö ppä'ädö, jitä mo̧ro̧ ji̧nä̧ cu̧ja̧cuä̧tu̧cuä̧i̧tä̧, ucututtu ya̧tȩ suronä 'cuäopomenä, cuesetö juiya pä'ö. Ja̧'hua̧ta̧nö̧ cuami iso'quitucunä cuami 'quicuhuächi'ätucu juiya pä'ö ka̧cuä̧tu̧cui̧.

1 Timoteo 6:5

Ja̧'hua̧ta̧nö̧ u̧mä̧tö̧ rohuähuätö korotö u̧mä̧tö̧cu̧. Jahuätömä yoröiso adiu amöcuädocotö. Iso päi'önä huȩnȩ päö'a̧nö̧ jȩpo̧co̧tö̧. Jahuätö amöcuädätö järe ȩmä̧huä̧ huȩnȩcö̧ pä'ö Dios i̧huȩnȩmä̧. Jahuätöttö 'quȩ'i̧pä̧chi̧.

Romanos 11:7

Ja̧'hua̧nö̧ ja̧'a̧nä̧ ¿tta̧'a̧nö̧ ja̧'a̧cuä̧? Israel ttö̧ja̧ ttamönä jähuänätä usätömä, po̧cui̧po̧co̧tö̧ pi̧nä̧tö̧ ttusumä. Dios ȩmi̧nä̧u̧tä̧ po̧cui̧pi̧nä̧tö̧. Korotö järiyähuätö a̧'cua̧rö̧nä̧ hui̧nä̧tö̧.

Romanos 9:18

Ja̧'hua̧nö̧ ja̧'a̧ttö̧ Dios re rö̧jö̧nä̧ toa pä̧u̧ru̧, re rö̧jö̧nä̧ topö. Ja̧'hua̧ta̧nö̧ chutä ttöaroda pä̧u̧mä̧, ji̧nä̧ isocu jarodätö.

Hechos 22:4

Adiu kä̧cuä̧huä̧ huȩnȩ esetätörö suronä jȩpi̧nö̧sä̧ bettipächönä cuä'ö chicua pä'ö. U̧mä̧tö̧rö̧'i̧nä̧, nä̧tö̧rö̧'i̧nä̧ cuoräusanä nö̧'cä̧rö̧ ȩpi̧'ä̧ji̧nö̧sä̧ cärenä chöta pä'ö.

Hechos 7:51

Juhua'a yabonö pä'inödo Esteban: —Juiyo jarode'ätöjä ucutumä. Diosrö esetocotö ttamöcuädö'a̧nö̧ amöcuädätöjä. Iso päi'önä huȩnȩ ä̧ju̧cuo̧co̧tö̧jä̧. Espíritu Santorö 'cuäopönä jarode'ätöjä ucutumä. Cuä̧do̧tö̧ mi̧nä̧ jȩtti̧nö̧'a̧nö̧, ucutu'inä ja̧'hua̧ta̧nö̧ jȩpä̧tö̧jä̧.

2 Timoteo 4:2

'Cuäopönä ji'ähui pi̧yȩ huȩnȩ. Ttä̧ju̧cuo̧mȩnä̧'i̧nä̧, ttä̧ju̧cuo̧co̧mȩnä̧'i̧nä̧ ji'ähui. Korotörö tä̧bo̧tö̧ ji'ähui. Cuami 'qui'ächi'ö kä̧nö̧, adiu huo̧juȩti̧.

2 Timoteo 3:5

Dios i̧huȩnȩ esetätöjä pätta'anä, Dios i̧huȩnȩ ujuru ttä̧ppö̧tä̧rä̧cuo̧tö̧. Ja̧'hua̧nö̧ jȩpä̧tö̧ttö̧ 'quȩ'i̧pä̧chi̧.

2 Timoteo 1:15

Ucu huo̧jua̧jä̧, o'ca toi'önä Asia rȩjȩ ttö̧ja̧'i̧nä̧, Figelo'inä, Hermógenes'inä, juhua'atä ttö̧ja̧, ttörö jaropi'inätö.

Hechos 28:22

Ucutä cuamöcuädö jicuhuähua'a tä̧ju̧cua̧ pä'ätöjä. Ujutu huo̧juä̧tö̧jä̧ pi̧jä̧ o'ca juiyönä ka̧cuä̧tö̧mä̧ suronä ucuocuätö pi̧yȩ jareö esetäcuähuä huȩnȩ, —pä'inätödo.

Hechos 24:21

Pi̧yȩtä̧ jȩpä̧ji̧sä̧. Jahuätö ttö̧'quȩtȩ kä̧nö̧ huopäjisä: “Corupä'i'ätö ttoächäcuähuä cheseta'attö, jitä mo̧ro̧ ucutu ttörö jä'epö ä̧ju̧cuä̧tö̧jä̧” pä'äjisä, —pä'inödo Pablo.

Hechos 20:31

Ja̧'hua̧nö̧ ja̧'a̧ttö̧ ttu̧'ȩpä̧rö̧nö̧ amöcuädätucui. Huäbodäcuä a̧'ȩ 'cuäoi'önä mo̧ro̧'i̧nä̧, yodo'inä ucutu o'ca toi'önärö ajuäunu ji'ähuo'ä̧ri̧nö̧sä̧ jarochi'ö juiyönä.

Hechos 19:30

Pablo doächa pä'inödo ttö̧ja̧rö̧ ucuocua pä'ö. Ja̧'hua̧nö̧ ja̧'a̧nä̧ korotö Jesucristorö esetätömä: —Docuhuächä' —pä'inätödo.

Hechos 17:4

Yotöte judíos ttö̧ja̧ttö̧ Pablo jiähuäjimä esetinätödo. Pablocu, Silascu ji̧nä̧ yo̧mȩtȩ ca̧ca̧cui̧pi̧nä̧tö̧do. Recuätö judíos huocotö Diosrö amöcuädätö'inä, nä̧tö̧ ucuotäcuähuotö'inä Jesucristorö esetinätödo.

Hechos 11:26

Ya'ute a̧'ȩ 'cuäo'i'önä iglesia ruhuäcu ka̧cui̧nä̧tö̧do. Recuätörö huo̧juȩti̧nä̧tö̧do. Ju̧huȩnȩtä̧ Antioquía ötahuiyänä Jesucristorö esetätörö äcuomenä o'inätödo Cristo umöhuäyotö pä'ö.

San Juan 12:40

Jahuätörö ä̧to̧cä̧chö̧nä̧'i̧nä̧, ttami iso'qui 'quiyönä juoächönä jȩi̧nä̧u̧do Dios, ttö'ärenä'inä tottö juiya pä'ö, ttami iso'quinä'inä ttä̧ju̧cu̧ juiya pä'ö, ja̧'hua̧ta̧nö̧ jahuätörö aditö chicuatö pä'ö ttichö juiya pä'ö.

San Mateo 26:55

Ja̧u̧nu̧ o'ca'a Jesús ttö̧ja̧rö̧ pä'inödo: —Ucutumä ya̧tȩ nä̧u̧cuä̧rä̧cuä̧huä̧ i̧sa̧rö̧ ȩmö̧ ttichö'a̧nö̧ curodiyä'inä, dauhuiyä'inä 'chu̧huä̧rä̧nö̧ ichäjätöjä. 'Cuäopönä mo̧ro̧ji̧nö̧ a̧'u̧cuä̧ ucutu cu̧'quȩtȩtu̧cu̧nä̧ Diosrö ucuocuäcuähuodenä pä̧nö̧ huo̧juȩti̧nö̧sä̧. Ja̧'hua̧nö̧ chu̧huo̧juȩto̧mȩnä̧, 'chu'ädocotö pi̧nä̧tö̧jä̧.

San Mateo 16:4

Pitö ttö̧ja̧ suropätö'inä, esetocotö'inä jarode'ö jä̧'ȩpä̧rä̧tö̧ ttö̧ja̧ ttieru juäi totta pä'ö. Ja̧'hua̧nö̧ pä'ösä ttömä, koro juäi Jonásrö 'cuäopinöttö'inä i̧mi̧cu̧nä̧ jö̧mä̧ topocotö ttäcuotö, —pä'inödo Jesús. Ja̧'hua̧nö̧ pä'ipö, kara'a 'chi̧nö̧do.

San Mateo 15:14

Huäinä 'chä̧tö̧. Jahuätömä, ttä̧to̧cä̧cha̧'a̧nä̧ korotö ä̧to̧cä̧tö̧ ttä̧'canä 'chä̧tö̧. Ja̧'hua̧ta̧nö̧ ya̧tȩ ä̧to̧ca̧mä̧ ka̧ra̧ ä̧to̧ca̧ ä'canä i̧'chö̧ttö̧mä̧, ta̧ju̧cuä̧yo̧tö̧ rȩju̧ jacuä ma̧ttä̧chö̧'a̧nö̧ ja̧'a̧.

1 Corintios 16:9

Pȩnȩmä̧ recuätö ka̧cuä̧tö̧mä̧ ttä̧ju̧cu̧'a̧nö̧ ja̧'a̧ Tu̧ru̧hua̧ i̧huȩnȩ. Ja̧'hua̧ta̧nö̧ recuätö ttä̧ju̧cua̧ pä'ocotö'inä ka̧cuä̧tö̧.