Hechos 19:29 - TÄ̧DO Ä̧CUÄ̧ I̧HUȨNȨ

²⁹ Juhua'attö o'ca toi'önä Efeso ötahuiyä ttö̧ja̧ ra̧huä̧rö̧ huopinätödo. Macedonia rȩjȩ ttö̧ja̧ Pablocu cue'ächätörö Gayorö'inä, Aristarcorö'inä 'chu'ädinätödo. Jahuätörö jurunä ȩmi̧pi̧nä̧tö̧do ttö̧ja̧ ttö̧ca̧ca̧cui̧'o̧mȩcu̧.

Nuevo Testamento Uwotjüja

²⁹ Ja̧'wa̧nü̧ päi'omȩnä̧, ütawiyämä̧ juo'eku ra̧wä̧ri̧pi̧nä̧tü̧. Ja̧'wa̧nü̧ 'kuäopa'anä̧, kkorotümä̧ Pauru awäruwä Macedonia-ra̧'a̧ttü̧ ichäjätü, Gayo-rü'i̧nä̧, Aritarco-rü'i̧nä̧, 'chu'ädü do'inä̧tü̧ teatro pättomȩku̧.

Hechos 19:29 Referans Kwoze

Hechos 20:4

Recuätö Pablocu 'chi̧nä̧tö̧do. Ka̧ra̧mä̧ Berea ötahuiyä ttö̧ja̧ i̧sa̧ Sópater, korotömä Tesalónica ötahuiyä ttö̧ja̧ Aristarco'inä, Segundo'inä, ka̧ra̧mä̧ Derbe ötahuiyä ttö̧ja̧ i̧sa̧ Gayo, ka̧ra̧mä̧ Timoteo, korotömä Asia rȩjȩ ttö̧ja̧ Tíquico'inä, Trófimo'inä 'chi̧nä̧tö̧do.

Filemón 1:24

Ja̧'hua̧ta̧nö̧ Marcos'inä, Aristarco'inä, Demas'inä, Lucas'inä ttöcu aditätömä te'ähuätö ucuru.

Colosenses 4:10

Pottömä Aristarco, ttöcu cärenä pö̧mä̧, te'äu ucuturu. Ja̧'hua̧ta̧nö̧ Bernabé ö̧jä̧hua̧ Marcos te'äu ucuturu. Ucutu täcö huedinömä ä̧ju̧cui̧nä̧tö̧jä̧ ja̧u̧ru̧. Cuidepiyura̧'a̧ ichöttömä, adiu ppä'ädätucuirö.

Hechos 27:2

Huoi'ca Adramitio ötahuiyä huämicuomera̧'a̧ttö̧ ichinä'ca, Asia rȩjȩttö̧ korome huoi'ca huämicuome rä̧mä̧dö̧, korome huoi'ca huämicuome rä̧mä̧dö̧ ihuä'ca pättä'canä pä̧mä̧dö̧ 'chi̧nä̧tö̧jä̧. Aristarco, Macedonia rȩjȩ ttö̧ja̧ i̧sa̧, Tesalónica ötahuiyättö ichinömä, ujutucu 'chi̧nö̧.

1 Corintios 4:9

Juhuorö'inä ttö pä'ösä, Diosmä Jesús hue'ähuotörö usurä isotö ttö̧jö̧'a̧nö̧ ttö̧ja̧cua̧ pä'ö hue'inödo. Iso päi'önä korotö cuä'ö tticu'a̧nö̧ huotö ttö̧ja̧cua̧'a̧ jä̧'i̧nö̧'a̧nö̧, o'ca toi'önä ángeles'inä, pi̧jä̧ ttö̧ja̧'i̧nä̧ tottönä ka̧cuä̧tö̧jä̧ ujutumä.

1 Corintios 1:14

Diosrö eseusä ucuturu yoröiso bautizando jȩpo̧cö̧ pi̧nö̧sä̧. Ta̧ju̧ru̧tä̧ Crisporönötä, Gayorönötä bautizando jȩpi̧nö̧sä̧.

Romanos 16:23

Gayo'inä ucuturu te'äu. Ttö ja̧u̧ ojusodenä kö̧sä̧. Ja̧u̧ ojusodettö o'ca toi'önä iglesia ruhuä ra̧'ä̧tö̧. Erasto'inä, ötahuiyättö pärätä tta̧'ä̧rö̧mä̧ ucuturu te'äu. Tö̧jä̧hua̧ Cuarto'inä te'äu ucuturu.

Hechos 21:30

Huotta'a ä̧ju̧cu̧, o'ca toi'önä ra̧huä̧ri̧nä̧tö̧do. Jopö ca̧ca̧cui̧pi̧nä̧tö̧do. Pablorö 'chu'ädö, Diosrö ucuocuäcuähuodettö u̧mi̧cu̧ do'inätödo. Yotäcu äpate mö̧'ȩpi̧nä̧tö̧do.

Hechos 19:22

Ja̧'hua̧nö̧ ja̧'a̧ umöhuäyotö churutä ppä'ädä'ijätö ta̧ju̧ru̧ Timoteorö'inä, Erastorö'inä Macedonia rȩjȩra̧'a̧ hue'inödo. Chutä Asia rȩjȩnä̧ a̧'u̧cua̧'a̧ recuo ki̧nö̧do.

2 Corintios 8:19

Ja̧'hua̧ta̧nö̧ pottö, iglesias ruhuä ja̧u̧ru̧ o'ipö hue'inätödo ujuturu ppä'ädö cueächa pä'ö pi̧yȩ eseunu iyähuä ȩpö̧, Tu̧ru̧hua̧rö̧ ttucuota pä'ö. Ja̧'hua̧ta̧nö̧ ucutu eseunu cuiyätucua'a totta pä'ö ppä'ädätöjä.

Hechos 21:38

Egipcio ttö̧ja̧ i̧sa̧ ni̧po̧ ja̧'a̧cu̧ ruhuotö huettö 'choipa pä'ö amöcuädomenä ttö̧ja̧ tomecu cuatro mil ttö̧ja̧rö̧ cuä'ähuätörö ȩpi̧nö̧mä̧, ¿ucutä?

Hechos 20:34

Ucutu huo̧juä̧tö̧jä̧ ttötä chamönä chu̧mö̧nä̧ aditinösä, ttörö'inä, ttöcu cue'ächätörö'inä recuä rö̧jö̧mä̧ chȩma̧ pä'ö.

Hechos 19:32

Ja̧'hua̧nö̧ ja̧'a̧nä̧ ca̧ca̧cui̧pä̧tö̧mä̧ huopinätödo. Korotö i̧mi̧cu̧nä̧ huotta'anä, korotö'inä i̧mi̧cu̧nä̧ huopinätödo. “¿Dä̧bö̧ tö̧ca̧ca̧cui̧'ä̧jä̧ttö̧?” ttamöcuädomenä, recuätö jerupinätödo.

Hechos 17:8

Ja̧'hua̧nö̧ huotta'a ttä̧ju̧cuo̧mȩnä̧, ttö̧ja̧'i̧nä̧, ötahuiyä ruhuotö'inä kö'cö jui'ö ra̧huä̧ri̧nä̧tö̧do.

Hechos 16:9

Ja̧u̧tä̧ yodo Pablo ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, ya̧tȩ Macedonia rȩjȩ ttö̧ja̧ i̧sa̧rö̧ topinödo. Churutä Pablorö jä̧'ȩpä̧rö̧ kä̧nö̧ pä'inödo: “Macedonia rȩjȩra̧'a̧ ppä'ädächitö.”

Hechos 13:5

Huoi'ca huämicuome 'chä̧hui̧'ö̧, Salamina ötahuiyänä Dios i̧huȩnȩ ji'ähuinätödo judíos ttu̧huo̧jui̧'i̧nodehuiyänä. Juan'inä jahuätöcu 'chi̧nö̧do ppäda pä'ö.

Hechos 16:12

Juhua'attö Filipos ötahuiyära̧'a̧ 'chi̧nä̧tö̧jä̧. Macedonia rȩjȩmä̧ koro ötahuiyättö'inä abonänö rö̧ȩi̧na̧'a̧do Filipos ötahuiyä. Ttö̧ja̧ Roma ötahuiyättö ichinätömä Filipos ötahuiyä aditinätö. Ju̧huȩnȩtä̧ ka̧cui̧nä̧tö̧jä̧ recuo mo̧ro̧.

Hechos 19:21

Ja̧'hua̧nö̧ 'cuäopäji o'ca'a Pablo Macedonia rȩjȩttö̧'i̧nä̧, Acaya rȩjȩttö̧'i̧nä̧ 'cuä'opö Jerusalén ötahuiyära̧'a̧ i̧'cha̧ pä'ö amöcuädinödo. Pä'inödo: —Ä'canä Jerusalén ötahuiyära̧'a̧ chi̧'chä̧cua̧sä̧. Ju̧huȩnȩ o'comenä, Roma ötahuiyära̧'a̧ chi̧'chä̧cua̧sä̧.

3 Juan 1:1

Ttö anciano hua̧ chi̧huȩnȩ hue'ösä ucuru, chö̧jä̧hua̧ Gayo. Iso päi'önä ttötä repedäcujä.