Hechos 17:34 - TÄ̧DO Ä̧CUÄ̧ I̧HUȨNȨ

³⁴ Yotöte ja̧u̧cu̧ ca̧ca̧cui̧pö̧ Jesucristorö esetinätödo. Jahuätöttö Areópagonä ca̧ca̧cui̧pä̧tö̧ttö̧ ya̧tȩ Dionisio pä'ö mi̧cua̧ esetinödo. Yajute isaju'inä Dámaris pä'ö micuaju esetinäjudo. Korotö'inä Jesucristorö esetinätödo.

Nuevo Testamento Uwotjüja

³⁴ Ja̧'wa̧nü̧ ja̧'a̧nä̧, kkorotümä̧ Pauru-ku ppä'ächi'ü esetinä̧tü̧; juätükumä̧ Areópago jäwänä̧ wotü i̧sa̧ Dionisio'i̧nä̧, isaju Dámari pättäkua'i̧nä̧, kkorotü'i̧nä̧ ji̧na̧'a̧.

Hechos 17:34 Referans Kwoze

Hechos 17:19

Ja̧'hua̧nö̧ ja̧'a̧ Pablorö Areópago pä'ö micuome ca̧ca̧cui̧pä̧jä̧tö̧ ttä'ca jo̧mȩ o'ipinätödo. Ju̧huȩnȩ kä̧nö̧ pä'inätödo: —Tu̧huo̧jua̧ pä'ö tä̧ju̧cua̧ pä'ätöjä pi̧yȩ jareö huȩnȩ cu̧huo̧juȩtö̧mä̧.

Hechos 17:4

Yotöte judíos ttö̧ja̧ttö̧ Pablo jiähuäjimä esetinätödo. Pablocu, Silascu ji̧nä̧ yo̧mȩtȩ ca̧ca̧cui̧pi̧nä̧tö̧do. Recuätö judíos huocotö Diosrö amöcuädätö'inä, nä̧tö̧ ucuotäcuähuotö'inä Jesucristorö esetinätödo.

Hechos 13:48

Judíos huocotömä, Pablocu, Bernabécu jittähua'a ä̧ju̧cu̧, esehuinätödo. —Tu̧ru̧hua̧ i̧hu̧ȩnȩ iso päi'önä adihuä huȩnȩ, —pä'inätödo. Dios ȩmi̧nä̧u̧mä̧ kä̧cuä̧huä̧ i'co ttu̧ju̧nä̧ra̧ pä'ö esetinätödo.

Filipenses 4:22

O'ca toi'önä pȩnȩ ka̧cuä̧tö̧mä̧ Dios i̧tti̧mö̧'i̧nä̧, romanos ttu̧ru̧hua̧ ojusodettö'inä te'ähuätö ucuturu.

Hechos 17:22

Ja̧'hua̧nö̧ ja̧'a̧ Pablo Areópagonä ca̧ca̧cui̧pä̧tö̧ ttä'ca jo̧mȩ kä̧mä̧dö̧ pä'inödo: —Chahuaruhuä Atenas ötahuiyä ttö̧ja̧, ucutu cuä̧do̧ ä̧cua̧tö̧rö̧ rö̧ȩnä̧ cuamöcuädätucua'a topösä.

San Mateo 20:16

Ja̧'hua̧ta̧nö̧ jä̧cua̧'a̧do. Röjinä pä'i'ätö, ä'canä pätti'äcuotö. Ja̧'hua̧ta̧nö̧ ä'canä pä'i'ätö, röjinä pätti'äcuotö. Dios recuätörö huomenä, a̧'u̧cu̧nä̧tä̧ esetätö, —pä'inödo Jesús.

Hechos 17:33

Ja̧'hua̧nö̧ ja̧'a̧ Pablo jahuätöttö rä'opächinödo.