Hechos 17:32 - TÄ̧DO Ä̧CUÄ̧ I̧HUȨNȨ

³² Ja̧'hua̧nö̧ ja̧'a̧nä̧ ttoädäcuähuä huȩnȩ ttä̧ju̧cuo̧mȩnä̧, korotö ya̧'ä̧huȩ'i̧nä̧tö̧do. Korotö pä'inätödo: —Koronö pä'äji ta'anö tä̧ju̧cuä̧cuo̧tö̧jä̧ pi̧yȩ huȩnȩ.

Nuevo Testamento Uwotjüja

³² Pi̧yȩ, wa'arettü ttoächäkuäwä ä̧ju̧ku̧, yotukunä̧mä̧ ya̧'ä̧wä̧'chi̧nä̧tü̧ ja̧'wa̧ta̧nü̧ kkorotümä̧ pä'inä̧tü̧: —Pi̧yȩmä̧ kko̧ro̧nü̧tä̧ adiu tä̧ju̧kuä̧kuo̧tü̧jä̧.

Hechos 17:32 Referans Kwoze

Hechos 26:8

Dios 'corupä'i'ätörö tto̧ä̧dä̧cuȩ huȩnȩ, ¿tta̧'a̧nö̧ pä'ö cuesetätucuoca'ajä̧ttö̧ ucutumä?

Hechos 17:18

Korotö epicúreos huotö ttu̧huo̧juȩti̧nö̧ huo̧jui̧pä̧tö̧mä̧, korotö estoicos huotö ttu̧huo̧juȩti̧nö̧ huo̧jui̧pä̧tö̧mä̧ Pablorö ucuocuinätödo. Korotö pä'inätödo: —¿Däje jiähua'ajä̧ttö̧, pide ujuturu rö̧ȩnä̧ ucuocumä? Korotö pä'inätödo: —Korotö ttä̧do̧ ä̧cua̧tö̧ hueähuä huȩnȩ ucuocu a̧'cua̧ra̧'a̧. Ja̧'hua̧nö̧ pä'inätö Jesús i̧huȩnȩ'i̧nä̧, ttoächäcuähuä huȩnȩ'i̧nä̧ Pablo ucuocua'attö.

2 Corintios 6:2

Huȩyu̧cuä̧ Huȩnȩ päa'a: Ttörö pä̧huä̧ rö̧jo̧mȩnä̧ ä̧ju̧cui̧nö̧sä̧ ucuturu. Ucutu suronä jȩcu̧'ä̧tu̧cu̧ jȩpö̧ chicuinö mo̧ro̧, ucuturu ppä'ädinösä. Jitämä ja̧u̧ru̧ pä̧huä̧ rö̧jo̧mȩnä̧, ä̧ju̧cu̧'a̧nö̧ hua̧. Jitä mo̧ro̧ suronä jȩcu̧'ä̧tu̧cu̧ jȩpö̧ icu'a̧nö̧ hua̧.

Hechos 25:19

Jahuätö ttä̧do̧ ä̧cua̧rö̧ ttesetömä pä'äu ucuocuinätö. Ja̧'hua̧ta̧nö̧ ya̧tȩ 'corupä'i'inö Jesús pä'ö mi̧cua̧ jȩi̧nö̧mä̧ ucuocuinätö. Pablo pä'ö: “Ja̧u̧tä̧ Jesús pä'äji ta'anö tto'ächinö'ca̧ kö̧.”

Hechos 24:25

Ja̧'hua̧nö̧ ja̧'a̧nä̧ suronä jȩä̧cuä̧huä̧ juiyönä adiu kä̧cuä̧huä̧ huȩnȩ'i̧nä̧, Dios ttö̧ja̧rö̧ pojocuä mo̧ro̧'i̧nä̧ Pablo ucuocua'a ä̧ju̧cuo̧mȩnä̧, Félix ye'ecue'inödo. Pä'inödo: —Jitämä täi. Koronö koro juäi jȩcho̧co̧mȩnä̧, pä'äji ta'anö huo̧chä̧cua̧sä̧ cuicha pä'ö.

Hechos 2:13

Ja̧'hua̧nö̧ ja̧'a̧ korotömä ya̧'ä̧huȩ'ö̧ pä'inätödo: —Jahuätömä tä̧'ä̧mä̧chö̧ ucuocuätö.

1 Corintios 4:10

Ujutumä Cristorö esetätörö “Yoröiso ttu̧'ȩpä̧ro̧co̧tö̧” pä'ätö. Pärocua'acu ucuturu “Cristo i̧huȩnȩ rö̧ȩnä̧ huo̧juä̧tö̧” pä'ätö. Ja̧'hua̧ta̧nö̧ ujutu tijuiyuhua'anä, ucutumä juruhuätöjä. Ja̧'hua̧ta̧nö̧ pi̧jä̧ ttö̧ja̧ ujuturu ttöjö'coca'anä, ucuturu ucuotätö.

Hechos 17:31

Ji̧yȩnö̧ mo̧ro̧ tä̧bo̧cuä̧ mo̧ro̧mä̧ chutä amöcuädinö. Ja̧u̧ mo̧ro̧ chutä pätetö hueinäcumä jueönä pä̧cua̧. Ka̧ra̧rö̧: “Ucumä adiu jȩpö̧jä̧”, ka̧ra̧rö̧: “Ucumä suronä jȩpö̧jä̧” pä̧cua̧. Iso päi'önä ja̧'hua̧nö̧ jȩä̧cua̧ ttu̧huo̧jua̧ pä'ö, ja̧u̧ hueinäcuru 'corupäi'äji o'ca'a tto'ädinö Diosmä, —pä'inödo Pablo.

San Lucas 14:18

Ja̧'hua̧nö̧ ja̧'a̧nä̧ o'ca toi'önä: “Tichö juiyö'a̧nö̧ ja̧'a̧” pä'inätödo. Äcuomenä jäepäcu pä'inödo: “Chi̧rȩjä̧ jareönä chȩmä̧ja̧'a̧ topö chi̧'chä̧cua̧sä̧. Ja̧'hua̧nö̧ ja̧'a̧ttö̧ chichö juiyö'a̧nö̧ ja̧'a̧.”

1 Corintios 1:23

Ja̧'hua̧nö̧ ja̧'a̧nä̧ ujutumä ji'ähuätöjä Cristo i̧huȩnȩ, dau isodänä kä̧nö̧ 'corupäi'inö huȩnȩ. Judíos ttö̧ja̧ pi̧yȩ huȩnȩ dä'äcunu ä̧ju̧cuä̧tö̧. Judíos huocotömä, griegos ttö̧ja̧mä̧, pi̧yȩ huȩnȩmä̧ ttu̧'ȩpä̧ro̧co̧tö̧ ttucuocua'a jä̧'i̧nö̧'a̧nö̧ jö̧ huȩnȩ pä'ö amöcuädätö.

Hechos 13:41

Ä̧ju̧cuä̧tu̧cui̧ ucutu Dios päinö ya̧'ä̧huȩ'ä̧tö̧mä̧. Amöcuädätucui. 'Corupäcuhui'äcuotöjä. Ucutu cu̧ja̧cuä̧tu̧cua̧'a̧nä̧ ttö Cuä̧do̧ ä̧cua̧tu̧cu̧ jȩchö̧mä̧, ya̧tȩ ucuturu jiähua'anä'inä, esetocotö cuäcuotöjä, päa'a Huȩyu̧cuä̧ Huȩnȩ, —pä'ö ji'ähuinödo Pablo.

Hebreos 13:13

Ja̧'hua̧ ja̧'a̧ttö̧ ötahuiyä abocu Jesús ö̧jo̧mȩcu̧ ti̧'chä̧tu̧cua̧do, chutä ubara ttuhuinö'a̧nö̧ ubara ttu'u kä̧nö̧.

Hebreos 11:36

Ja̧'hua̧ta̧nö̧ korotö'inä suronä ttucuocuomenä, korotö ttami 'qui'ächi'inätödo. Korotörö'inä ä̧nu̧chu̧nä̧'i̧nä̧ cuäcuäpö, cuoräusanä'inä nö'cö cärenä rötinätödo.

San Lucas 23:36

Su̧ro̧da̧u̧'i̧nä̧ ja̧u̧ru̧ ya̧'ä̧huä̧'chö̧ tö'cönänö 'chä̧hui̧pä̧rö̧, vino a'toya iyinätödo Jesúsru ahua pä'ö.

San Lucas 23:11

Ja̧'hua̧ ja̧'a̧ Herodescu, umöhuäyotö su̧ro̧da̧u̧cu̧ Jesúsru ttöjö'cö juiyönä jȩtti̧nä̧cu̧do. Ja̧u̧ru̧ ya̧'ä̧huä̧'chö̧, ru̧hua̧ ö̧'ca̧tä̧u̧'a̧nö̧ ttö̧'ca̧ti̧nä̧cu̧do. Ja̧u̧nu̧ o'ca'a Herodes pä'äji ta'anö hueinäcudo Pilatorö.

San Lucas 22:63

Jahuätö u̧mä̧tö̧ Jesúsru tta̧'ä̧rä̧tö̧mä̧ ya̧'ä̧huä̧'chö̧ ucuocuinätödo ja̧u̧ru̧. Ja̧'hua̧ta̧nö̧ cuäcuättinäcudo.

Hechos 17:33

Ja̧'hua̧nö̧ ja̧'a̧ Pablo jahuätöttö rä'opächinödo.

1 Corintios 15:12

Iso päi'önä ujutu Cristo 'corupä'i'äji'ca̧ ttoächinö huȩnȩ jitäuttumä, korotömä ucututtu, ¿tta̧'a̧nö̧ pättättö 'corupä'i'ö'cotö yoröiso tto'ächocotö pä'ö?