Hechos 17:28 - TÄ̧DO Ä̧CUÄ̧ I̧HUȨNȨ

²⁸ Ja̧u̧tä̧ tujuru iyö tö̧ja̧cua̧ pä'ö, cuetächa pä'ö. Ucututtu ya̧cu̧nä̧ huȩyu̧ti̧nä̧tö̧do: “Ujutu o'ca toi'önä ja̧u̧tä̧ i̧tti̧mö̧jä̧.”

Nuevo Testamento Uwotjüja

²⁸ Isopäi'ünä̧ jua̧u̧nä̧tä̧, a̧'kua̧rü̧ kuetächa'attü̧; ja̧'wa̧ta̧nü̧ ukutu isotü yotüte poesía ukuokuätü pa̧'a̧nü̧ pättinü̧ta̧'a̧nü̧: Jua̧u̧ Dio-ttütä ichinä̧tü̧jä̧.

Hechos 17:28 Referans Kwoze

Colosenses 1:17

Cristomä o'ca juiyönä aditinö ä'canä ki̧nö̧. Ja̧u̧ o'ca juiyönä hueähuä i̧sa̧ kö̧.

Hebreos 1:3

Chutä, Dios I̧tti̧mä̧, Dios i̧tȩa̧u̧. Ja̧u̧mä̧ yoröiso Dios ta'anö hua̧do. Ja̧'hua̧ta̧nö̧ ja̧u̧tä̧ i̧huȩnȩ, adiu juruhua'attö, o'ca juiyönä huȩ'ä̧rö̧do. Ujutu suronä jȩti̧nö̧ jȩpö̧ icuinö o'ca'a, mo̧ro̧jä̧ra̧'a̧ttö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

San Lucas 20:38

Dios 'corupä'i'ätö Ttä̧do̧ ä̧cua̧ Diosmäcö̧. A̧'cua̧rä̧tö̧tä̧ Ttä̧do̧ ä̧cua̧ Dios päi'önä kö̧. Chutä ä'ca jo̧mȩttö̧ o'ca toi'önä a̧'cua̧rä̧tö̧do.

San Juan 5:26

Chutä Jä'o tta̧'cua̧rö̧ iyähuänä ju̧ru̧hua̧. Ja̧'hua̧ta̧nö̧ ja̧u̧ ujuru iyinö I̧tti̧rö̧, ja̧u̧'i̧nä̧ tta̧'cua̧rö̧ iya pä'ö.

San Juan 11:25

Ja̧'hua̧ ja̧'a̧ Jesús pä'inödo jahuäjuru: —Ttötäsä Ttoädäcuähuä I̧sa̧mä̧. Ttötäsä tta̧'cua̧rö̧mä̧ iyähuä i̧sa̧mä̧. Ttörö esetömä, hua'ö icuipö'inä, pä'äji ta'anö ö̧jä̧cua̧.

Hebreos 12:9

Ja̧'hua̧ta̧nö̧ ji̧nä̧ ta̧'u̧cuä̧i̧, pi̧jä̧ttö̧ tä̧'o̧tö̧ ujuturu ro̧'ȩpi̧nä̧tö̧do. Ja̧'hua̧nö̧ ro̧ttȩpa̧'a̧, jahuätörö ucuotinätöjä. Ja̧'hua̧ ja̧'a̧ttö̧ Tä'o mo̧ro̧jä̧nä̧ kö̧rö̧ ji̧nä̧ isocu repetö'a̧nö̧ ja̧'a̧, kä̧cuä̧huä̧ i'co tu̧ju̧nä̧ra̧ pä'ö.

San Lucas 3:38

Cainánmä Enós i̧tti̧ pi̧nö̧do. Enósmä Set i̧tti̧ pi̧nö̧do. Setmä Adán i̧tti̧ pi̧nö̧do. Adánmä Dios i̧tti̧ pi̧nö̧do.

Tito 1:12

Jahuätöttö ya̧tȩ Dios i̧huȩnȩ jiäcuähuä i̧sa̧ pättinäcumä, jahuätörötä pä'inödo: “Creta kä'co i̧sä̧sa̧ ttö̧ja̧ yaparehuätö. Ja̧'hua̧ta̧nö̧ suropätö. Ja̧'hua̧ta̧nö̧ jahuätö ttu̧cuȩ cuä̧nö̧tä̧ ka̧cuä̧tö̧, yoröiso ttaditoca'a,” pä'inödo.

Hebreos 2:11

O'ca toi'önä aditö icuinä̧u̧'i̧nä̧, chutä, jahuätörö aditö icuinö'inä, ya̧tȩtä̧ ja̧'a̧do Tä'omä. Ja̧'hua̧nö̧ ja̧'a̧ttö̧: “Jahuätö ttö chö̧jä̧hua̧tö̧ ja̧'a̧”, päa pä'ö dä'äcuocödo Dios I̧tti̧mä̧.