Biblia Todo Logo
Bib sou entènèt

- Piblisite -




Hechos 16:18 - TÄ̧DO Ä̧CUÄ̧ I̧HUȨNȨ

18 Recuo mo̧ro̧ ja̧'hua̧nö̧ jȩpi̧nä̧ju̧. Ja̧'hua̧ ja̧'a̧ Pablo kö'cocö pi̧nö̧ juhua'a yabo huoja pä'ömä. Kärächi'ö topö pä'inö espíritu su̧ro̧pa̧ yajuru kö̧rö̧: —Jesucristo i̧mi̧nä̧ ucuru hue'ösä yajuttu räcuhuopächa pä'ö. Yotäcu jahuäjuttu rä'opächinö.

Gade chapit la Kopi

Nuevo Testamento Uwotjüja

18 Ja̧'wa̧nü̧tä̧ jȩpi̧nä̧ju̧ rekuäinä̧ mo̧ro̧ ja̧'wa̧nü̧ jȩji̧yä̧ku̧ Pauru-mä̧ kkärächi'ü, juäjunä̧ kkü̧ epíritu su̧ro̧pa̧rü̧ pä'inü̧: —Jesucrito i̧mi̧nä̧ wedäkujä̧, juäjuttümä̧ räkuopächa pä'ü. Ja̧'wa̧nü̧ päomȩnä̧, yotäku rä'opächinü̧, epíritumä̧, juäjuttümä̧.

Gade chapit la Kopi




Hechos 16:18
12 Referans Kwoze  

Ja̧'hua̧ta̧nö̧ esetätömä pa̧'a̧nö̧ ttö̧ja̧ ttieru juäi jȩttä̧cuo̧tö̧. Ttö chi̧mi̧nä̧ espíritus suropätörö rä'epö tticuäcuotö. Korotö tti̧huȩnȩ'i̧nä̧ jareönä ttucuocuäcuotö.


Pedro ja̧u̧ru̧ pä'inödo: —Eneas, Jesucristo ucuru aditö icu. Ä̧rä̧mi̧'ö̧ cu̧rä̧sa̧ ȩmi̧pö̧ täi. Yotäcu Eneas ä̧rä̧mi̧'i̧nö̧do.


Ja̧'hua̧ ja̧'a̧ Pedro pä'inödo: —Pärätä'inä, oro'inä jui̧'a̧sä̧. Chu̧ju̧nä̧rö̧mä̧ chiyäcujä. Ä̧rä̧mi̧'ö̧ cue'ächi Jesucristo Nazaret i̧sa̧ i̧mi̧nä̧.


Recuätö koromenä jö̧ märichei na̧'ä̧chä̧tö̧rö̧ aditö icuinödo. Ja̧'hua̧ta̧nö̧ recuätö espíritus suropätörö rä'epö icuinödo. Ja̧'hua̧nö̧ ja̧'a̧nä̧ jahuätö espíritus suropätö ttucuocu juiyönä hueinä̧u̧do, churutä ttu̧huo̧jua̧'a̧ttö̧.


Cristomä dau isodänä 'corupäi'omenä, o'ca toi'önä pi̧jä̧ isoppanä huȩ'ä̧rä̧tö̧ttö̧'i̧nä̧ abonänö juruhuinö. Ja̧u̧mä̧ o'ca toi'önä ttä'ca jo̧mȩ ujuruhuomenä, jahuätörö ya'opö icuinä̧u̧.


Jesús ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧ru̧ ca̧ca̧ti̧pö̧, ujuru iyinä̧u̧do espíritus suropätörö rä'epö tticua pä'ö. Ja̧'hua̧ta̧nö̧ o'ca juiyönä na̧'ä̧chä̧tö̧rö̧'i̧nä̧ aditö tticua pä'ö ujuru iyinä̧u̧do.


U̧huo̧juȩtä̧u̧mä̧ dubora kä'cora ni̧'ȩcuä̧chi̧nä̧tö̧do. Juhua'a kä̧ru̧'coppa rö̧ȩnä̧ kä̧rö̧'co̧hua̧'a̧ttö̧, dubora ppahuina'ado.


Swiv nou:

Piblisite


Piblisite