Hechos 15:3 - TÄ̧DO Ä̧CUÄ̧ I̧HUȨNȨ

³ Ja̧'hua̧nö̧ ja̧'a̧ttö̧ iglesia ruhuämä Antioquía ötahuiyänä ka̧cuä̧tö̧mä̧ hue'inätödo Pablorö, Bernabérö, ttahuaruhuärö'inä. Fenicia rȩjȩnä̧'i̧nä̧, Samaria rȩjȩnä̧'i̧nä̧ 'cuä'opö 'chä̧nö̧, Jesucristorö esetätörö ji'ähuinätödo judíos huocotö täbocö ttesetinö jaropi'ö, Diosrö esetinätö pä'ö. O'ca toi'önä ttö̧jä̧hua̧tö̧, jittähua'a ä̧ju̧cu̧, juiyo esehuinätödo.

Nuevo Testamento Uwotjüja

³ Ja̧'wa̧nü̧ pä'ü, igresia jü̧nä̧ wȩttä̧jä̧u̧mä̧, Fenicia rȩjȩnä̧'i̧nä̧, Samaria rȩjȩnä̧'i̧nä̧ 'kuä'opü ji'äwinä̧tü̧ judío pokotü Jesucrito-rü jareünä̧ esetü ttiku wȩnȩmä̧; jua̧u̧ ä̧ju̧ku̧ Jesucrito-rü esetätümä̧ rü̧ȩnä̧ eseäkuäwinä̧tü̧.

Hechos 15:3 Referans Kwoze

Hechos 14:27

Antioquía ötahuiyära̧'a̧ 'chä̧hui̧'ö̧, iglesia ruhuärö ji̧nä̧ yo̧mȩtȩ ca̧ca̧tö̧ ji'ähuinätödo o'ca juiyönä Dios jahuätöcu jȩi̧nö̧mä̧. Dios jähuä ba'epö i̧jȩpi̧nö̧ judíos huocotö'inä ttesetarö pä'ö ji'ähuinätödo.

Hechos 21:5

Ko̧ro̧mö̧ttö̧nö̧ todäre mo̧ro̧ o'ca'a rä'opinätöjä. O'ca toi'önä Jesucristorö esetätömä tti̧rȩcua̧mö̧cu̧, tti̧tti̧mö̧cu̧, ujutucu 'chi̧nä̧tö̧ ötahuiyä yabocu. Juhuorö jäyotottö tihue'quiyunä kä̧mä̧dö̧, Diosrö ucuocuinätöjä.

Tito 3:13

Ja̧'hua̧ta̧nö̧ Apolos pä'ö mi̧cua̧rö̧'i̧nä̧, pi̧jä̧ jähuä hueähuä huȩnȩ huo̧jua̧rö̧ Zenas pä'ö mi̧cua̧rö̧'i̧nä̧ tti̧'cho̧mȩnä̧, jahuätörö recuä rö̧jö̧mä̧ iyö ppä'ädi.

1 Corintios 16:11

Ja̧'hua̧nö̧ ja̧'a̧ttö̧ ucututtu korotö suronä ttamöcuädö juiya pä'ätucuirö. Pärocua'attö ppä'ädätucuirö adiunä eseunu ichäcua'a̧nö̧ ttörö topö. Ttöcu korotö tö̧jä̧hua̧tö̧cu̧ ja̧u̧ru̧ tta̧'ä̧rä̧tö̧jä̧.

1 Corintios 16:6

Juhua'atä recuonänö chö̧jö̧'a̧nö̧ ja̧'a̧ ucutucu. Juhuorö'inä chö̧jö̧ttö̧mä, a̧'ȩ 'cuäoi'önä chö̧jä̧cua̧sä̧. Ja̧'hua̧nö̧ ja̧'a̧nä̧ ucutu ppäcuhuädätucu'a̧nö̧ ja̧'a̧ ttörö, kara'a chi̧'cho̧mȩnä̧.

Romanos 15:24

Jitä dodächa pä'ösä España rȩjȩra̧'a̧ 'cuä'opö kä̧nö̧. Ucuturu eseunu tochö o'ca'a, ucutu ppäcuhuädätucu'a̧nö̧ ja̧'a̧ yo chi̧'chö̧mä̧.

Hechos 15:12

Ja̧'hua̧nö̧ ja̧'a̧ o'ca toi'önä 'corunä pȩji̧nä̧tö̧do. Adiu ä̧ju̧cui̧nä̧tö̧do Pablocu, Bernabécu jittähuomenä ttö̧ja̧ ttieru juäi Dios hueinö jahuätö jȩtta̧ pä'ö judíos huocotö ttö̧'quȩtȩttö̧.

2 Corintios 1:16

Äcuomenä Macedonia rȩjȩra̧'a̧ 'chä̧nö̧, ucuturu dodächa pä'inösä. Ja̧'hua̧ta̧nö̧ Macedonia rȩjȩttö̧ i̧u̧, pä'äji ta'anö ucuturu dodächa pä'ö amöcuädinösä. Ja̧'hua̧nö̧ do'ächö 'chä̧nö̧: “Jahuätömä ttörö ppättädäcua'a̧nö̧ Judea rȩjȩra̧'a̧ chi̧'cho̧mȩnä̧” pä'inösä.

Hechos 28:15

Tö̧jä̧hua̧tö̧ Roma ötahuiyänä ka̧cuä̧tö̧mä̧ ujutu ticha'a jittähua'a ä̧ju̧cui̧nä̧tö̧. Ja̧'hua̧nö̧ ja̧'a̧ ujuturu topö ichinätö. Korotö Apio Cuäcuähuä Iyähuome pättome jubötä ichinätö. Korotö Cue'ächäcuähuotö 'Cuä'opö Ttä'ä'ijö Ode Huäbodecuä Ode pättome jubötä ichinätö. Jahuätörö topö, Pablo Diosrö ucuocuinö a̧'cua̧ eseunu kä̧nö̧.

Hechos 13:52

Ja̧'hua̧nö̧ ja̧'a̧nä̧ Jesucristorö esetätömä juiyo esehuinätödo. Ttami iso'quinä Espíritu Santo ujuru rö̧ȩnä̧ ku̧nä̧ri̧nä̧tö̧do.

Hechos 13:48

Judíos huocotömä, Pablocu, Bernabécu jittähua'a ä̧ju̧cu̧, esehuinätödo. —Tu̧ru̧hua̧ i̧hu̧ȩnȩ iso päi'önä adihuä huȩnȩ, —pä'inätödo. Dios ȩmi̧nä̧u̧mä̧ kä̧cuä̧huä̧ i'co ttu̧ju̧nä̧ra̧ pä'ö esetinätödo.

Hechos 8:14

Ja̧'hua̧ ja̧'a̧ Jesús hue'ähuotö Jerusalén ötahuiyänä ka̧cuä̧tö̧mä̧ Samaria ötahuiyä ttö̧ja̧ Dios i̧huȩnȩ esetinätödo pä'ö jittähua'a ttä̧ju̧cuo̧mȩnä̧, Pedrocu, Juancu Samaria ötahuiyära̧'a̧ tti̧'cha̧ pä'ö hue'inätödo.

San Lucas 15:32

Ja̧'hua̧nö̧ ja̧'a̧ttö̧ jitämä juiyo adihua'a cuä̧nö̧ tesehuomenämä. Cu̧jä̧hua̧ 'corupä'i'inö'ca̧, pä'äji ta'anö kö̧. Re'tehuinö'ca̧, pä'äji ta'anö tö̧'o̧cui̧'ä̧cu̧,” pä'inödo ja̧u̧ jä'omä, —pä'ö huo̧juȩti̧nö̧do Jesús.

Hechos 1:15

Ja̧u̧nu̧ mo̧ro̧ Pedro, ö̧jä̧hua̧tö̧ ttö̧'quȩtȩttö̧ ä̧rä̧mi̧'ö̧ ucuocuinödo. Jahuätö ciento veinte ttö̧ja̧ ji̧na̧'a̧do. Jahuätörö pä'inödo:

Hechos 15:1

Ja̧u̧nu̧ pä̧nä̧ korotö u̧mä̧tö̧ Judea rȩjȩttö̧ Antioquía ötahuiyära̧'a̧ ichinätödo. Jahuätö Jesucristorö esetätörö pä'inätödo: —Moisés hueinö ta'anö circuncisión jȩcu̧'ä̧tu̧cu̧ juiyöttömä, Diosmä suronä jȩcu̧'i̧nä̧tu̧cu̧ jȩpö̧ icuoco̧u̧jä̧, —pä'ö huo̧juȩti̧nä̧tö̧do.

Hechos 15:4

Pablocu, Bernabécu, ahuaruhuäcu Jerusalén ötahuiyära̧'a̧ 'chä̧hui̧'ö̧ Jesús hue'ähuotö'inä, ancianos huotö'inä, korotö Jesucristorö esetätö'inä esehuinätödo jahuätörö. Pablocu, Bernabécu ji'ähuinätödo o'ca juiyönä Dios jahuätöcu jȩi̧nö̧.

Hechos 15:22

Jacobo jiähuäji ttä̧ju̧cuo̧mȩnä̧, Jesús hue'ähuotö'inä, ancianos huotö'inä, o'ca toi'önä iglesia ruhuä'inä ji̧nä̧ yo̧mȩtȩ ucuocuinätödo jahuätöttö yotöterö ttȩma̧ pä'ö, Antioquía ötahuiyära̧'a̧ Pablocu, Bernabécu huetta pä'ö. Judasrö, koro i̧mi̧mä̧ Barsabás, Silasrö'inä ȩmi̧nä̧tö̧do. Jahuätömä o'ca toi'önä Jesucristorö esetätömä ttucuotinä̧u̧do.

Hechos 15:32

Ja̧'hua̧ ja̧'a̧ Judas'inä, Silas'inä Dios i̧huȩnȩ jiäcuähuä isotö ja̧'a̧ttö̧, ttö̧jä̧hua̧tö̧rö̧ ttami 'qui'ächi'ö ttö̧ja̧cua̧ pä'ö rö̧ȩnä̧ ppä'ädö ji'äu huo̧juȩti̧nä̧tö̧do.

Hechos 17:15

Pablocu 'chi̧nä̧tö̧mä̧ Atenas ötahuiyära̧'a̧ Pablorö ku̧no̧po̧'ö̧ i̧huä̧jä̧'co̧tö̧ juhua'attö Berea ötahuiyära̧'a̧ pä'aji ta'anö ppa̧'ä̧chi̧nä̧tö̧do jittähua pä'ö Silasrö'inä, Timoteorö'inä Pablo ö̧ja̧'a̧cu̧ jurunä tti̧'cha̧ pä'ö.

Hechos 20:38

—Jitämä yabocumä tocu'ätucuococusä —pä̧u̧, juiyo tta̧'cua̧ ta̧'ȩcui̧nä̧tö̧. Ja̧'hua̧nö̧ ja̧'a̧ huoi'cara̧'a̧ ja̧u̧cu̧ 'chi̧nä̧tö̧.