Hechos 13:15 - TÄ̧DO Ä̧CUÄ̧ I̧HUȨNȨ

¹⁵ Ya̧tȩ Dios i̧huȩnȩttö̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocuinödo. Ucuocuäji o'ca'a judíos ttö̧ja̧ ttu̧huo̧jui̧'i̧node ruhuotö pättinä̧u̧do: —Chö̧jä̧hua̧tö̧, ttö̧ja̧rö̧ adiu ppädäcuähuä huȩnȩ cu̧ju̧nä̧rä̧tu̧cu̧ttu̧mä̧, ji'ähuätucui.

Nuevo Testamento Uwotjüja

¹⁵ Weäwä wȩnȩ'i̧nä̧, profeta-tü̧ wȩyu̧kuä̧'i̧nä̧ to̧pä̧rü̧ ttukuokuäji o'ka'a, sinagoga isode uruwotümä̧ jättepinä̧u̧: —Chawaruwä chi̧jä̧wa̧tü̧, ttü̧ja̧rü̧ jikuäwa päkuätuku kkü̧ttü̧mä̧ jitätä ji'äwätukui, pättinä̧u̧.

Hechos 13:15 Referans Kwoze

Hebreos 13:22

Chö̧jä̧hua̧tö̧, pi̧yȩ ppädäcuähuä huȩnȩ topö, cuami 'quicuhuächi'ätucua pä'ösä. Pi̧yȩ ji̧'qui̧cha̧nö̧tä̧ huȩyu̧tä̧ji̧sä̧.

Hechos 15:21

Mo täbocö ka̧cui̧nö̧tä̧ jitä mo̧ro̧'i̧nä̧ koro ötahuiyättö'inä, koro ötahuiyättö'inä Moisés hueähuä huȩnȩ ji'ähuätö. Ja̧'hua̧ta̧nö̧ judíos ttu̧huo̧jui̧'i̧nodehuiyättö ja̧u̧ huȩnȩ ucuocuätö ttö̧ja̧ 'cuättächi'ö mo̧ro̧ jö̧ ta'anö, —pä'inödo Jacobo.

San Marcos 5:22

Ja̧'hua̧nö̧ ja̧'a̧ Jairo pä'ö mi̧cua̧, judíos ttu̧huo̧jui̧'i̧node ru̧hua̧, 'chä̧hui̧'i̧nö̧do. Jesúsru tomenä, Jesús ä'ca jo̧mȩ ihue'quiyunä kä̧mä̧di̧nö̧do.

1 Corintios 14:3

Juhuorö'inä ya̧tȩ Dios iyähuä huȩnȩ jiähuomenä, korotörö ppä'ädö ji'äu. Ja̧'hua̧ta̧nö̧ adiu ttesetäcua'a̧nö̧ ji'äu. Ja̧'hua̧ta̧nö̧ tta̧'cua̧ tta̧ttȩcu̧ juiya pä'ö ji'äu.

Romanos 12:8

Korotörö ttesehuächi'önä jittähua pä'ö iyinöttömä, adiu jittäu'a̧nö̧ ja̧'a̧. Ya̧tȩ korotörö iyömä, repeäcuähuä juiyönä iyö'a̧nö̧ ja̧'a̧. Ya̧tȩ hue'ömä, o'ca juiyönä ttu̧ȩcuä̧nä̧ hueö'a̧nö̧ ja̧'a̧. Jui'ätörö ppä'ädömä, eseunu ppädö'a̧nö̧ ja̧'a̧.

Hechos 22:1

Pablo pä'inödo: —Chahuaruhuä, ucutu päcuhuätucu ädätö jidäumä ä̧ju̧cuä̧tu̧cui̧.

Hechos 18:17

Ja̧'hua̧ ja̧'a̧ o'ca toi'önä judíos huocotömä judíos ttu̧huo̧jui̧'i̧node ru̧hua̧ Sóstenesrö 'chu'ädö cuäcuäpinätödo ru̧hua̧ ä'ca jo̧mȩttö̧. Ja̧'hua̧nö̧ jȩtto̧mȩnä̧, Galión ja̧'a̧tä̧ topinödo.

Hechos 13:27

Jerusalén ötahuiyänä ka̧cui̧nä̧tö̧'i̧nä̧, tturuhuotö'inä Jesúsmä ttö̧ja̧ surojöttö ttö̧ji̧pö̧nä̧ jȩä̧cua̧ pä'ö jerupinätödo. Ja̧'hua̧ta̧nö̧ Dios i̧huȩnȩ jiäcuähuä isotö tti̧huȩyu̧ti̧nö̧mä̧, o'ca juiyönä ttö̧ja̧ 'cuättächi'ö mo̧ro̧ ttucuocua'a ttä̧ju̧cua̧'a̧nä̧, 'cucuächi'oca'a ä̧ju̧cui̧nä̧tö̧do. Ja̧'hua̧ ja̧'a̧ jahuätötä, Jesús 'corupäi'a pä'ö jȩtto̧mȩnä̧, Dios i̧huȩnȩ jiäcuähuä isotö tti̧huȩyu̧ti̧nö̧ ta'anö 'cuäopa pä'ö jȩpi̧nä̧tö̧do.

Hechos 20:2

Juhuorö Jesucristorö esetätörö adiu ppä'ädö ucuocu ji'ähuä̧ya̧ 'cuä'opö 'chi̧nö̧do, Grecia rȩjȩra̧'a̧ i̧rȩbȩhua̧'a̧ jubö päi'önä.

Hechos 18:8

Ja̧'hua̧nö̧ ja̧'a̧ judíos ttu̧huo̧jui̧'i̧node ru̧hua̧ Crispo, o'ca toi'önä ahuaruhuäcu, Tu̧ru̧hua̧rö̧ esetinödo. Ja̧'hua̧ta̧nö̧ Corinto ötahuiyä ttö̧ja̧ recuätö, Pablo jiähua'a ä̧ju̧cu̧ esetinätödo. Bautizado pä'i'inätödo.

Hechos 15:7

Rö̧ȩnä̧ ucuocu pättä'chäcuähuäji o'ca'a, Pedro ä̧rä̧mi̧'ö̧ päinä̧u̧do: —Chahuaruhuä chö̧jä̧hua̧tö̧, ucutu huo̧juä̧tö̧jä̧ Dios motä ttörö ucututtu ȩmi̧nö̧, judíos huocotörö adihuä huȩnȩ jidähua'a ttä̧ju̧cuo̧mȩnä̧, Jesucristorö tteseta pä'ö.

Hechos 7:2

Ja̧'hua̧nö̧ ja̧'a̧ Esteban pä'inödo: —Chahuaruhuä, adiu ä̧ju̧cuä̧tu̧cui̧. Dios, tȩa̧u̧nä̧ kö̧mä̧, tä̧do̧ mi̧nä̧ Abrahamrö i̧jȩcui̧nö̧do Mesopotamia rȩjȩnä̧ ö̧jo̧mȩnä̧, Harán ötahuiyänä ö̧ji̧nö̧ ä'canä.

Hechos 2:37

Ja̧'hua̧nö̧ ja̧'a̧ Pedro jiähua'a ttä̧ju̧cuo̧mȩnä̧, tta̧'cua̧ tta̧ päi'önä ä̧ju̧cu̧ jä'epinätödo Pedrorö'inä, korotö Jesús hue'ähuotörö'inä: —Chahuaruhuä, ¿tta̧'a̧nö̧ jȩtä̧cua̧'a̧jä̧ttö̧?

Hechos 2:29

“Chahuaruhuä, ucuturu ji'äusä ujutu tä̧do̧ mi̧nä̧ David 'corupä'i'inö. Ja̧'hua̧nö̧ ja̧'a̧ ahuaruhuä 'turu icuinätö. 'Turu tticuinomemä ji̧nä̧ pȩnȩtä̧ pa̧'a̧.

Hechos 2:4

Ja̧'hua̧nö̧ ja̧'a̧ o'ca toi'önä Espíritu Santo ö̧jä̧mä̧di̧nä̧u̧do. Ja̧u̧nu̧tä̧ Espíritu Santo jiähuomenä, korotö tti̧huȩnȩ ucuocuinätödo.

Hechos 1:16

—Chahuaruhuä, Espíritu Santo ä'canä David änä ucuocuinödo Judas jȩä̧cuȩ huȩnȩ. Judas o'ipinö Jesúsru 'chuttädäcuotörö. Cu̧huo̧juä̧tu̧cua̧ pä'ö Huȩyu̧cuä̧ Huȩnȩ iso päi'önä ja̧'a̧, ja̧u̧ huȩnȩ Espíritu Santo ucuocuinö'a̧nö̧ 'cuäopäja'a.

San Lucas 16:16

“Juan ö̧ji̧no̧mȩ jubötä ki̧na̧'a̧ Moisés hueähuä huȩnȩmä̧. Ja̧'hua̧ta̧nö̧ ki̧na̧'a̧ Dios i̧huȩnȩ jiäcuähuä isotö ttu̧huo̧juȩti̧nö̧'i̧nä̧. Ja̧u̧ ö̧ji̧nö̧ o'ca'a ji'ähuätö adihuä huȩnȩ, Dios Tu̧ru̧hua̧ päi'önä ö̧jä̧cuȩ huȩnȩ. O'ca toi'önä yo̧mȩtȩnä̧ dottächa pä'ö jȩpä̧tö̧.

Hechos 4:36

Ja̧'hua̧nö̧ ja̧'a̧ ya̧tȩ levita i̧sa̧ pi̧nö̧do, José pä'ö mi̧cua̧. Ja̧u̧ Chipre kä'co i̧sa̧sa̧ttö̧ uhuäpächinödo. Jesús hue'ähuotö i̧mi̧ päjure Bernabé ottinäcudo. Jahuätö tti̧huȩnȩnä̧ päa'a Bernabé, ujutu ti̧huȩnȩnä̧ päa'a ahuaruhuärö adiu ucuocu ppädäcuähuä i̧sa̧.

2 Corintios 3:14

Jahuätömä yoröiso ä̧ju̧cuo̧co̧tö̧ pi̧nä̧tö̧do. Jitä mo̧ro̧ päi'önä, ja̧u̧ täbocö hueähuä huȩnȩ ttucuocuomenä, ja̧u̧ juäi i̧sä̧ta̧ ji̧nä̧ ra̧'a̧ jä̧'i̧nö̧'a̧nö̧ ja̧'a̧. Jitä'inä ttucuocumä yoröiso ä̧ju̧cuo̧co̧tö̧. Ja̧u̧ i̧sä̧ta̧ tto̧ȩcuä̧rä̧ta̧, ya̧tȩä̧tä̧ Cristotä jȩpö̧ icu.

1 Tesalonicenses 2:3

Ujutu tieru huȩnȩmä̧ ji'ähuocotöjä. Ja̧'hua̧ta̧nö̧ suronä amöcuädö ji'ähuocotöjä. Ucuturu yapareu ucuocu ji'ähuocotöjä.