Hechos 13:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ 'cuäopa'a topö, Chipre kä'co i̧sä̧sa̧ ru̧hua̧ Jesucristorö esetinödo, Tu̧ru̧hua̧ i̧huȩnȩ ä̧ju̧cuo̧cö̧ jä̧'i̧jö̧ ä̧ju̧cu̧'i̧nä̧, tocö jä̧'i̧jö̧ topö'inä.

Nuevo Testamento Uwotjüja

¹² Ja̧'wa̧nü̧ ja̧'a̧ topü, ru̧wa̧ gobernador-mä̧, esetinü̧, Tu̧ru̧wa̧ i̧wȩnȩnä̧ kkä̧kuä̧wä̧mä̧, ¡isoó! pä'ü amükuädü.

Hechos 13:12 Referans Kwoze

Hechos 13:7

Ja̧u̧ yuhuähuä märi Barjesúsmä Chipre kä'co i̧sä̧sa̧ ru̧hua̧ a̧hua̧ru̧hua̧ pi̧nö̧do. Ja̧u̧ ru̧hua̧mä̧, Sergio Paulo pä'ö mi̧cua̧mä̧, adiu huo̧juä̧huä̧ i̧sa̧ pi̧nö̧do. Chutä huopinödo Bernabérö, Saulorö Dios i̧huȩnȩ ä̧ju̧cua̧ pä'ö.

San Lucas 4:22

O'ca toi'önä Jesúsru adiu ucuocuinätödo. Ja̧'hua̧ta̧nö̧ eseunänö to̧pä̧ri̧nä̧tö̧do adihuä huȩnȩ päiyä̧u̧. Ja̧'hua̧ta̧nö̧ jä'ecue'inätödo: —¿Chujuamä José i̧tti̧cö̧ tä̧ji̧?

Hechos 28:7

Kä'co i̧sä̧sa̧ ru̧hua̧ ti̧rȩbȩhui̧no̧mȩ tö'cönänö ö'ättiyu ku̧nä̧ri̧nö̧. Ja̧u̧mä̧ Publio pä'ö micuinö. Churutä dotächa pä'ö oipa'attö, do'ächinätöjä. Ja̧u̧cu̧ ka̧cui̧nä̧tö̧jä̧ huäbodäcuä mo̧ro̧. Ja̧u̧ ujuturu ppä'ädinö.

Hechos 19:7

Jahuätö o'ca toi'önä ttö̧jä̧pö̧ttö̧nö̧ ta̧ju̧nu̧ u̧mä̧tö̧ ji̧na̧'a̧do.

Hechos 15:35

Pablo'inä, Bernabé'inä Antioquía ötahuiyänä ka̧cui̧pi̧nä̧tö̧do. Ju̧huȩnȩ kä̧nö̧ korotö recuätöcu huo̧juȩtö̧ ji'ähuinätödo Tu̧ru̧hua̧ i̧huȩnȩ.

Hechos 13:49

Recuätö ttö̧ja̧ ja̧u̧ rȩjȩ o'ca juiyönä Tu̧ru̧hua̧ i̧huȩnȩ ä̧ju̧cui̧nä̧tö̧do.

Hechos 6:10

Ja̧'hua̧nö̧ ja̧'a̧ttö̧ Estebanrö ttädätö juiyö'a̧nö̧ ja̧'a̧, Espíritu Santo huo̧ju̧nä̧ jiähua'attö.

San Juan 7:46

Jahuätö su̧ro̧da̧u̧ ädätinätödo: —Ja̧u̧ ucuocu'a̧nö̧, ka̧ra̧mä̧ yoröiso ucuocuocö.

San Lucas 7:16

Ja̧'hua̧nö̧ tottomenä, o'ca toi'önä ye'inätödo. Ja̧'hua̧nö̧ ja̧'a̧ttö̧ Diosrö eseunu ucuocuinätödo. Pä'inätödo: —Ya̧tȩ ucuo i̧sa̧, Dios i̧huȩnȩ jiäcuähuä i̧sa̧ i̧jȩcuä̧jä̧u̧jä̧ ujutu tö̧'quȩtȩttö̧. Ja̧'hua̧ta̧nö̧ pä'inätödo: —Dios umöhuäyotörö ppä'ädö ichäji.

San Mateo 27:54

Juhuorö'inä Jesús 'corupäi'omenä, su̧ro̧da̧u̧ ttu̧ru̧hua̧cu̧, Jesúsru tta̧'ä̧rä̧tö̧cu̧ ja̧u̧ juäi o'ca juiyönä rȩjȩ ttö̧ȩpa̧'a̧'i̧nä̧, koro juäi 'cuäopa'a'inä tottomenä, juiyo rö̧ȩnä̧ ye'ecuinätödo. Jahuätö pä'inätödo: —Iso päi'önä ja̧u̧ Dios I̧tti̧ päji ja̧'a̧.

Hechos 8:25

Pedrocu, Juancu Dios jahuätörö jȩä̧ji̧'i̧nä̧, Dios i̧huȩnȩ'i̧nä̧ jittähuäji o'ca'a rä'opächinätödo. Samaria rȩjȩttö̧ rö̧ȩnä̧ ötahuiyä jo̧mȩ adihuä huȩnȩ, Jesucristo i̧huȩnȩ ji'äu 'chä̧nö̧, Jerusalén ötahuiyära̧'a̧ ppa̧'ä̧chä̧chi̧nä̧tö̧do.

Hechos 13:8

Ja̧u̧ yuhuähuä märi Barjesús, koro i̧mi̧mä̧ Elimas, suronä ucuocuinödo Bernabérö, Saulorö, ru̧hua̧mä̧ Jesucristorö esetö juiya pä'ö.

Hechos 13:48

Judíos huocotömä, Pablocu, Bernabécu jittähua'a ä̧ju̧cu̧, esehuinätödo. —Tu̧ru̧hua̧ i̧hu̧ȩnȩ iso päi'önä adihuä huȩnȩ, —pä'inätödo. Dios ȩmi̧nä̧u̧mä̧ kä̧cuä̧huä̧ i'co ttu̧ju̧nä̧ra̧ pä'ö esetinätödo.

Hechos 15:36

A̧'u̧cua̧'a̧tä̧ ttö̧ja̧cuä̧ji̧ o'ca'a Pablomä Bernabérö pä'inödo: —Korome ötahuiyänä'inä, korome ötahuiyänä'inä Tu̧ru̧hua̧ i̧huȩnȩ jitähuinö o̧du̧nä̧ pä'äji ta'anö tö̧jä̧hua̧tö̧rö̧ dotächäja, tta̧'a̧nö̧ ttö̧ja̧cua̧ pä'ö topö.

Hechos 18:12

Pablo juhua'a ö̧jo̧mȩnä̧, Galiónmä Acaya rȩjȩttö̧ ru̧hua̧ ö̧jo̧mȩnä̧, judíos ttö̧ja̧ Pablorö suronä jȩtta̧ pä'ö ca̧ca̧cui̧pö̧ 'chu'ädö ttȩpi̧nä̧cu̧do ru̧hua̧ ä'ca jo̧mȩttö̧.

Hechos 19:10

Ja̧'hua̧nö̧ jȩpi̧nö̧do todäre a̧'ȩ 'cuäoi'önä. Ja̧'hua̧nö̧ ja̧'a̧ttö̧ o'ca toi'önä Asia rȩjȩnä̧ ka̧cuä̧tö̧mä̧, judíos ttö̧ja̧'i̧nä̧, judíos huocotö'inä Tu̧ru̧hua̧ Jesús jȩi̧nö̧ huȩnȩ ä̧ju̧cui̧nä̧tö̧do.

Hechos 19:20

Ja̧'hua̧nö̧ Tu̧ru̧hua̧ jȩi̧nö̧ huȩnȩ yabocutä rö̧ä̧chö̧nä̧ ä̧ju̧cui̧nä̧tö̧do. Rȩcuä̧tö̧ ttö̧ja̧ ä̧ju̧cu̧ esetinätödo.

Hechos 19:38

Ja̧'hua̧nö̧ ja̧'a̧ttö̧ Demetriocu korotö aditätömä ja̧u̧cu̧ ichäjätöcu “Ka̧ra̧mä̧ suronä jȩpö̧” pättöttömä, koronö mo̧ro̧ päi'omenä, jittäu'a̧nö̧ ja̧'a̧ ruhuotö ttä'ca jo̧mȩttö̧.