Hechos 12:19 - TÄ̧DO Ä̧CUÄ̧ I̧HUȨNȨ

¹⁹ Herodes Pedrorö ttusa pä'ö hueäjä̧u̧ ttusomenä, po̧cui̧po̧co̧tö̧ pi̧nä̧tö̧do. Ja̧'hua̧ ja̧'a̧ Herodes su̧ro̧da̧u̧ Pedrorö tta̧'ä̧rä̧jä̧tö̧rö̧ jä'epö ä̧ju̧cuä̧ji̧'ca̧, hue'inödo jahuätörö cuä'ö tticua pä'ö. Herodes ja̧'hua̧nö̧ jȩpä̧ji̧'ca̧, Judea rȩjȩttö̧ rä'opächö Cesarea ötahuiyära̧'a̧ i̧hui̧nö̧do juhua'atä ö̧ja̧ pä'ö.

Nuevo Testamento Uwotjüja

¹⁹ Ja̧'wa̧nü̧ ja̧'a̧, Herode-mä̧ ttusäjarü pä'ü weäja'anä̧, ttü̧'o̧kui̧'i̧yo̧ko̧ku̧ pä̧ji̧'ka̧mä̧, kuä'ü ttikuarü pä'ü we'inü̧. Pi̧yȩ o'ka'a Herode-mä̧, Judea rȩjȩra̧'a̧ttü̧ rä'opächäji̧'ka̧mä̧, Cesarea-ra̧'a̧tä̧ kki̧'i̧pi̧nü̧.

Hechos 12:19 Referans Kwoze

Hechos 16:27

Cärenä päcuähuode tta̧'ä̧rö̧mä̧ porächi'ö, äpatiyä bachächipäja'a topö, ucurodä ȩmä̧hua̧'i̧nö̧ cuä'äu icuähua pä'ö. Cärenä päcuähuode pȩjä̧tö̧mä̧ tö'ipächäjätöcö̧ pä'ö amöcuädinödo.

Hechos 21:8

Ti̧'chi̧'ä̧ji̧ ya'ute mo̧ro̧ o'ca'a ujutu Pablocu rä'opö 'chi̧nä̧tö̧jä̧ Cesarea ötahuiyära̧'a̧. Juhuorö Felipe ojusodenä do'ächinätöjä. Felipe adihuä huȩnȩ ji'ähuinö. Chutä Jerusalénra̧'a̧ttö̧ ko̧ro̧mö̧ttö̧nö̧ ta̧ju̧nu̧ diácono hua̧ pi̧nö̧. Ja̧u̧cu̧ ka̧cui̧nä̧tö̧jä̧.

Hechos 12:6

Ja̧u̧tä̧ yodo, mo̧ro̧ juomenä, Herodes cärenä päcuähuodettö Pedrorö rä'epö icua päji ä'canä yodo, Pedro su̧ro̧da̧u̧ ta̧ju̧ ttö̧'quȩtȩnä̧ cuoräusa tosarenä nö'cähua'a ä'inödo. Korotö su̧ro̧da̧u̧ cärenä päcuähuode äpate ä'ca tta̧'ä̧ri̧nä̧tö̧do.

Hechos 12:4

Herodes Pedrorö 'chu'ädäji'ca̧ cärenä rötinödo. Juhuodenä pa̧ja̧cuä̧nö̧ su̧ro̧da̧u̧ pärocuotönö Pedrorö tta̧'ä̧ri̧nä̧tö̧do. Herodes ttö̧ja̧ ttä'ca jo̧mȩ Pedrorö i'cächa pä'ö amöcuädinödo pascua fiesta jȩtti̧nö̧ mo̧ro̧ o'ca'a.

Hechos 8:40

Ja̧'hua̧nö̧ ja̧'a̧ Felipe Azoto ötahuiyänä 'chä̧hui̧'i̧nö̧do. Juhua'a yabo 'chä̧nö̧, koro ötahuiyänä o'ca juiyönä ji'ähuinödo Jesucristo i̧huȩnȩ Cesarea ötahuiyära̧'a̧ i̧rȩbȩhua̧'a̧ päi'önä.

San Mateo 2:13

Jahuätö mo̧ro̧jä̧ jähuä huo̧juä̧tö̧ tti̧'chä̧ji̧ o'ca'a, ya̧tȩ ángel, Tu̧ru̧hua̧ huȩ'ä̧hua̧ i̧jȩcui̧nö̧do Josérö 'cuo̧ti̧nä̧. Ja̧u̧ pä'inödo: —Ä̧rä̧mi̧'ö̧, ji̧'qui̧cha̧hua̧cu̧, ja̧ju̧cu̧ tö'ipächätucui Egipto rȩjȩra̧'a̧cu̧. Juhua'atä ka̧cuä̧tu̧cui̧ ttö jidähuome jubö päi'önä. Herodes ji̧'qui̧cha̧hua̧rö̧ cuä'ö icua pä'ö u̧sä̧cua̧, —pä'inödo ángel.

Hechos 27:42

Ja̧'hua̧nö̧ päi'omenä, su̧ro̧da̧u̧ cuä'ö tticua pä'inätö cärenä pȩjä̧tö̧rö̧, ajenä cuo'ö döttecuächö juiya pä'ö.

Hechos 25:13

Koronö mo̧ro̧ päi'omenä, ru̧hua̧ Agripa, Berenicecu Cesarea ötahuiyära̧'a̧ Festorö do'ächö te'äu 'chi̧nö̧do.

San Mateo 2:16

Jahuätö mo̧ro̧jä̧ jähuä huo̧juä̧tö̧ ko̧ro̧mä̧nä̧ ppa̧'ä̧chö̧ tti̧hui̧na̧'a̧ ä̧ju̧cu̧, juiyo ra̧huä̧ri̧nö̧do Herodesmä. Ja̧'hua̧ ji̧yä̧cu̧ su̧ro̧da̧u̧ru̧ hue'inödo o'ca toi'önä ppo̧'ä̧tö̧ u̧mä̧tö̧rö̧, todäre a̧'ȩ jui'ätörö, cuä'ö tticua pä'ö Belén ötahuiyänä ka̧cuä̧tö̧rö̧'i̧nä̧, tö'cönänö ka̧cuä̧tö̧rö̧'i̧nä̧. Ja̧'hua̧nö̧ hue'inödo jahuätö mo̧ro̧jä̧ jähuä huo̧juä̧tö̧ jittähuinö huȩnȩ amöcuädö.

San Mateo 2:1

Jesús Belén ötahuiyättö Judea rȩjȩttö̧ uhuäpächinödo. Ja̧u̧nu̧ pä̧nä̧ Herodes pä'ö mi̧cua̧ juhua'attö ru̧hua̧ pi̧nö̧do. Ja̧'hua̧nö̧ ja̧'a̧ korotö, mo̧ro̧jä̧ jähuä huo̧juä̧tö̧mä̧, kara'attö kä̧hua̧ räopa'acuttu ichö, rȩbȩhui̧nä̧tö̧do Jerusalén ötahuiyära̧'a̧.

Hechos 12:18

Mo̧ro̧ juomenä, su̧ro̧da̧u̧ ttieruhua'attö “¿Pedrorömä tta̧'a̧nö̧ päi'äjättö?” pä'ö ye'ö ucuocuinätödo.