Hechos 11:3 - TÄ̧DO Ä̧CUÄ̧ I̧HUȨNȨ

³ Pä'inätödo: —Ucu do'ächinöjä circuncisión jui'ätö ttojusodenä. Jahuätöcu cu̧cuȩ cuinöjä.

Nuevo Testamento Uwotjüja

³ pättinä̧ku̧: —¿Tta̧'a̧nü̧ pä'ü, ukumä̧ circuncisión ukuotokotükumä̧ pä̧mä̧dü̧ kukua'ajä̧ttü̧?

Hechos 11:3 Referans Kwoze

Hechos 10:28

Jahuätörö pä'inödo Pedro: —Ucututä huo̧juä̧tö̧jä̧ hueähuä huȩnȩ judíos ttö̧ja̧rö̧ huea'a korotö ttö̧ja̧cu̧ cuettächö juiya pä'ö, ja̧'hua̧ta̧nö̧ korotö ttojusodenä dottächö juiya pä'ö. Ja̧'hua̧nö̧ ja̧'a̧nä̧ Dios ttörö ji'ähuäji ya̧tȩrö̧'i̧nä̧ “Ucumä su̧ro̧pa̧jä̧. I̧di̧cua̧jä̧”, pädö juiya pä'ö.

Gálatas 2:12

Jacobo umöhuäyotö ttichö juiyäimä, judíos huocotöcu u̧cuȩ cuä̧nö̧ ki̧nö̧ Pedro. Jacobo umöhuäyotö tti̧rȩbȩhuä̧ji̧ o'ca'a, täcö cuocö pi̧nö̧ judíos huocotöcu, circuncisión jȩä̧cuä̧huä̧ jȩpä̧tö̧rö̧ ye'ecu.

San Lucas 15:2

Ja̧'hua̧nö̧ ja̧'a̧ fariseos huotö'inä, hueähuä huȩnȩ huo̧juȩtä̧tö̧'i̧nä̧ suronä pättä'chinäcudo. Pä'inätödo: —Chujuamä eseunu jȩpö̧ suronä jȩpä̧tö̧rö̧. Ja̧'hua̧ta̧nö̧ u̧cuȩ jahuätötäcu cu.

2 Juan 1:10

Ya̧tȩ ucuturu huo̧juȩtö̧ ichömä, Jesucristo u̧huo̧juȩti̧nö̧ttö̧'i̧nä̧ i̧mi̧cu̧nä̧ u̧huo̧juȩtö̧ttö̧mä̧, cuojusodera̧'a̧ doächö juiya pä'ätucuirö. Ja̧'hua̧ta̧nö̧ ja̧u̧ru̧ tecuhuähuätucuä'.

1 Corintios 5:11

Ja̧'hua̧nö̧ chi̧huȩyu̧to̧mȩnä̧, ya̧tȩ Cristonä tö̧jä̧hua̧ pättäcuru ja̧'hua̧nö̧ cue'ächöcu, cuecuhuächätucu juiyäcua'a̧nö̧ pä'inösä. Iso päi'önä ya̧tȩ tö̧jä̧hua̧tö̧ ja̧'hua̧nö̧ jȩpö̧mä̧, ka̧ra̧ irecuarö usu, korotö ttu̧ju̧nä̧rö̧ ta'anö u̧ju̧nä̧ra̧ pä'ö'inä, pi̧jä̧ ttu̧mö̧nä̧ adicuä esetö'inä, yapareu ji'äu'inä, tä̧'ä̧mö̧'i̧nä̧, nä̧u̧cu̧'i̧nä̧, ja̧u̧cu̧mä̧ cu̧cuȩ'i̧nä̧ cucuätucuä'.

Hechos 10:48

Pedro ja̧'hua̧nö̧ päji o'ca'a, hue'inödo jahuätörö bautizando jȩtta̧ pä'ö Jesucristo i̧mi̧nä̧. Ja̧u̧nu̧ o'ca'a Pedrorö jä'epinätödo a̧'u̧cua̧'a̧tä̧ jahuätöcu ö̧ja̧ pä'ö.

Hechos 10:23

Ja̧'hua̧nö̧ ja̧'a̧ Pedro jahuätörö o'ipinödo dottächa pä'ö ojusodenä ttä'ecua pä'ö. Ttä'äji mo̧ro̧ juomenä, Pedro jahuätöcu 'chi̧nö̧do. Jesucristorö esetätömä Jope ötahuiyänä ka̧cuä̧tö̧ttö̧ korotö'inä Pedrocu 'chi̧nä̧tö̧do.

San Mateo 9:11

Korotö fariseos huotö ja̧'hua̧nö̧ ttucua'a topö, u̧huo̧juȩtä̧u̧ru̧ jä'epö ä̧ju̧cui̧nä̧tö̧do: —¿Tta̧'a̧nö̧ pä'ö ucua'attö cu̧ru̧hua̧mä̧ suronä jȩpä̧tö̧cu̧, ru̧hua̧ öäre pärätä ȩmä̧'i̧jä̧tö̧cu̧? —jä'epinätödo.

San Juan 18:28

Ja̧u̧nu̧ o'ca'a Caifás ojusodettö rä'opö, ji̧nä̧ isocu ttö̧ja̧ ttu̧ru̧hua̧ ojusodera̧'a̧ ȩpi̧nä̧tö̧do Jesúsru. Juhua'a tti̧'cho̧mȩnä̧, pä'ötä mo̧ro̧ juoina'ado. Jitötä judíos ttö̧ja̧, ru̧hua̧ ojusodenä jacuoju do'ächocotö pi̧nä̧tö̧do. Jahuätö amöcuädinätödo: Jacuoju ti̧'chö̧ttö̧mä̧ tamönä iditäcuähuätöjä. Ja̧'hua̧nö̧ jȩpö̧, pascua fiesta ttu̧cuȩ ttucuomettö cuocotöjä, pä'ö amöcuädinätödo judíos ttö̧ja̧. Ja̧'hua̧nö̧ ja̧'a̧ttö̧ ru̧hua̧ ojusodenä do'ächocotö pi̧nä̧tö̧do.

Hechos 10:32

Ja̧'hua̧nö̧ ja̧'a̧ttö̧ Jope ötahuiyära̧'a̧ hue'i u̧mä̧tö̧rö̧ Simón, koro i̧mi̧mä̧ Pedrorö, jittähuäja pä'ö. Ka̧ra̧ Simón, isotö tti̧jȩti̧yu̧ 'pa̧'ö̧ adicuä i̧sa̧ ojusodenä kö̧. Juhuode dubora rö̧ora jäyä huode. Ja̧u̧ ichomenä ucuru u̧cuo̧cuä̧cua̧.”