Hechos 10:40 - TÄ̧DO Ä̧CUÄ̧ I̧HUȨNȨ

⁴⁰ Ja̧'hua̧nö̧ ja̧'a̧nä̧ huäbodäcuä mo̧ro̧ päi'omenä, Dios Jesúsru tto'ädinö. Ja̧u̧ru̧ hue'inö ujuturu i̧jȩcua̧ pä'ö.

Nuevo Testamento Uwotjüja

⁴⁰ Ja̧'wa̧nü̧ ja̧'a̧nä̧, Dio-mä̧ wäbodäkuä mo̧ro̧ päi'omȩnä̧ ttoädinä̧ku̧, pä'äjita'anü̧ ujuturu i̧jȩkua̧ pä'ümä̧.

Hechos 10:40 Referans Kwoze

1 Pedro 1:21

Ucutumä Cristorö esetö kä̧nö̧, esetätöjä Diosrö. Ja̧u̧tä̧ Dios Cristorö, 'corupä'i'äjirö, tto'ädinö. Ja̧'hua̧ta̧nö̧ o'ca toi'önä ttucuotarö pä'ö hue'inö. Ja̧'hua̧nö̧ ja̧'a̧ttö̧ ucutu Diosrö amöcuädö tta̧'ä̧rä̧tö̧jä̧.

2 Corintios 4:14

Iso päi'önä huo̧juä̧tö̧jä̧ pi̧yȩmä̧. Dios, Tu̧ru̧hua̧ Jesúsru 'corupätti'inomettö tto'ädinömä, ujuturu'inä Jesúscu tto̧ä̧dä̧cua̧. Ja̧'hua̧ta̧nö̧ ucutucu ji̧nä̧ yo̧mȩtȩnä̧ ȩpä̧cuo̧tö̧jä̧ chutäcu tö̧ja̧cua̧ pä'ö.

Hechos 2:24

Ja̧'hua̧nö̧ ja̧'a̧ Dios ja̧u̧ru̧ tto'ädinö. Hua'arettö rä'epö icuinö, hua'are ja̧u̧ru̧ juruhuoca'attö.

Hebreos 13:20

Dios, eseäcuähuä Ru̧hua̧, Tu̧ru̧hua̧ Jesucristorö, o̧vȩja̧stö̧ adiu Tta̧huä̧rä̧cuä̧huä̧ I̧sa̧rö̧, ucuojanä jareö huȩnȩ, beipocö huȩnȩ Tta̧huä̧rä̧cuä̧huä̧ I̧sa̧rö̧, 'corupätti'inomettö tto'ädinömä, o'ca juiyönä adihuä isotö päi'önä ucuturu aditö icuäcua'a̧nö̧, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristorö teseta'attö, ujuturu o'ca toi'önärö churutä pä̧huä̧ rö̧jo̧mȩnä̧ jȩä̧cua̧'a̧nö̧. ¡'Cuäopönä Cristorö tesehuäcua'a̧nö̧! Amén.

Romanos 14:9

Cristomä 'corupä'i'äji'ca̧ tto'ächinö, hua'ö icuinätö'inä, a̧'cua̧rä̧tö̧'i̧nä̧ Ttu̧ru̧hua̧ päi'önä ö̧ja̧ pä'ö.

Romanos 8:11

Dios tto'ädinö Cristo Jesúsru hua'arettö. Ja̧'hua̧ta̧nö̧ Espíritu Santo ucutucu ö̧jö̧ttö̧mä̧, ja̧u̧tä̧ Dios, Cristo Jesúsru ttoädinömä, i̧yä̧cua̧ cua̧'cua̧rä̧tu̧cu̧ jareö ucuturu, hua'ä ttö̧ja̧rö̧, Espíritu Santo ucutucu ö̧ja̧'a̧ttö̧.

Romanos 1:4

Ja̧'hua̧nö̧ ja̧'a̧nä̧ Dios I̧tti̧ jö̧nä̧ Espíritu Santo ujurunä i̧jȩcui̧nä̧cu̧do, Dios ja̧u̧ru̧ ttoädomenä.

Hechos 17:31

Ji̧yȩnö̧ mo̧ro̧ tä̧bo̧cuä̧ mo̧ro̧mä̧ chutä amöcuädinö. Ja̧u̧ mo̧ro̧ chutä pätetö hueinäcumä jueönä pä̧cua̧. Ka̧ra̧rö̧: “Ucumä adiu jȩpö̧jä̧”, ka̧ra̧rö̧: “Ucumä suronä jȩpö̧jä̧” pä̧cua̧. Iso päi'önä ja̧'hua̧nö̧ jȩä̧cua̧ ttu̧huo̧jua̧ pä'ö, ja̧u̧ hueinäcuru 'corupäi'äji o'ca'a tto'ädinö Diosmä, —pä'inödo Pablo.

San Juan 14:22

Ja̧'hua̧ ja̧'a̧ ka̧ra̧ Judas, Judas Iscariotemäcö̧, pä'inödo: —Chu̧ru̧hua̧ ¿dä̧bö̧ cui̧jȩpä̧cua̧'a̧jä̧ttö̧ ujuturutä, pi̧jä̧ ttö̧ja̧rö̧ cui̧jȩpo̧ca̧'a̧nä̧?

Hechos 2:32

Ja̧u̧tä̧ Jesúsru tto'ädinö Diosmä. Tto'ächinörö topinätö'cotö ji'ähuätöjä ujutu o'ca toi'önä.