Hechos 10:35 - TÄ̧DO Ä̧CUÄ̧ I̧HUȨNȨ

³⁵ O'ca juiyönä pi̧jä̧nä̧ ka̧cuä̧tö̧rö̧ Diosrö ye'ecunänö ucuotätömä, adiu jȩpä̧tö̧mä̧ Dios ȩmä̧cuo̧tö̧.

Nuevo Testamento Uwotjüja

³⁵ Isopäi'ünä̧ kko̧ro̧jä̧ ttü̧ja̧rü̧'i̧nä̧ Churutä ukuotü esetätürümä̧, Dio-mä̧ repe'ü eseuti̧ pä'ü.

Hechos 10:35 Referans Kwoze

1 Juan 2:29

Ucutu huo̧juä̧tö̧jä̧ Jesucristo adiu jȩpö̧ pä'ö. Ja̧'hua̧ta̧nö̧ cu̧huo̧juä̧tu̧cu̧'a̧nö̧ ja̧'a̧ o'ca toi'önä adiu jȩpö̧ ka̧cuä̧tö̧mä̧, Dios i̧tti̧mö̧ pä'ö.

Hechos 10:2

Cornelio Diosrö amöcuädinödo. O'ca toi'önä ahuaruhuä'inä Diosrö ye'ecunu amöcuädinätödo. Öäre pärätättö rö̧ȩnä̧ iyö ppä'ädinödo judíos ttö̧ja̧ttö̧ usurä isotörö. Ja̧'hua̧ta̧nö̧ 'cuäopönä Diosrö ucuocuinödo.

Colosenses 3:11

Jitämä o'ca toi'önä yorätehuätöjä Dios ä'ca jo̧mȩttö̧. Yoröiso toa'a judíos ttö̧ja̧ i̧sa̧'i̧nä̧, judíos huocö'inä, circuncidado hua̧'i̧nä̧, circuncidado huocö'inä. Ja̧'hua̧ta̧nö̧ ru̧hua̧cu̧ aditö'inä, aditocö'inä, kara'a ka̧cuä̧tö̧'i̧nä̧, o'ca toi'önä yorätehuätöjä. Iso päi'önä o'ca juiyönä ka̧'a̧ Cristonä. Ja̧'hua̧ta̧nö̧ Cristo o'ca toi'önärö kö̧.

Hechos 15:9

Dios judíos huocotö ttami iso'quittö suronä jȩtti̧nö̧ jȩpö̧ icuinö, ujutu judíos ttö̧ja̧rö̧ jȩpö̧ icuinö ta'anö, Jesucristorö tesetomenä. Ja̧'hua̧nö̧ jahuätö'inä, ujutu'inä yoräteunä tö̧ja̧ pä'ö i̧jȩpi̧nö̧.

2 Corintios 7:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ja̧'hua̧nö̧ iya pä'inö Dios ujuturu. Jitämä ujutu jättäpäyotönä'inä, ta̧'cua̧ru̧hua̧nä̧'i̧nä̧ idicuächö juäittö'inä i̧mi̧cu̧nä̧ cuetächäcua'a̧nö̧. Ja̧'hua̧ta̧nö̧ Diosrö ye'ecu kä̧nö̧, tami iso'quinä o'ca juiyönä esetö tiyäcuähuätucuaja Diosrö.

Colosenses 1:6

Ja̧u̧ huȩnȩ, cuä̧ju̧cui̧nä̧tu̧cu̧ huȩnȩ, pi̧jä̧nä̧ o'ca juiyönä rö̧ä̧cha̧'a̧. Ja̧'hua̧ta̧nö̧ ucutu äcuomenä Dios i̧huȩnȩ, iso päi'önä repeähuä huȩnȩ, ä̧ju̧cu̧ jȩcu̧'i̧nä̧tu̧cu̧ ta'anö, pärocuätä amöcuädö jȩpä̧tö̧ korotö'inä.

Hechos 9:31

Ja̧'hua̧nö̧ ja̧'a̧ Jesucristorö esetätömä Judea rȩjȩnä̧'i̧nä̧, Galilea rȩjȩnä̧'i̧nä̧, Samaria rȩjȩnä̧'i̧nä̧ o'ca juiyönä eseunu kä̧nö̧, juhua'a yabonö rö̧ä̧chö̧nä̧ esetinätödo. Diosrö ye'ecunänö ucuotönö amöcuädö kä̧nö̧, Espíritu Santo ppädomenä recuächinätödo.

Efesios 5:21

Diosrö cucuotätucuomenä, adiunä kä̧nö̧ korotö korotönö ppä'ädätucui.

Efesios 1:6

Ja̧'hua̧nö̧ ja̧'a̧ttö̧ chutä adihuä I̧tti̧rö̧ tesetomenä, ujuturu adihuä juäi iyinömä amöcuädö, 'cuäopönä eseäcuähuätöjä Diosrö.

Gálatas 3:28

Yoröiso yorätehuätöjä Cristo Jesúsru cuesetätucuomenä, judíos ttö̧ja̧'i̧nä̧, griegos ttö̧ja̧'i̧nä̧, ttu̧mö̧huä̧ya̧'i̧nä̧, ttu̧mö̧huä̧ya̧cö̧'i̧nä̧, ubo'inä, isaju'inä.

1 Corintios 12:13

Ujutumä o'ca toi'önä judíos ttö̧ja̧'i̧nä̧, griegos ttö̧ja̧'i̧nä̧, ka̧ra̧ hueähuä i̧sa̧cu̧ aditätö'inä, korotö ja̧'hua̧nö̧ aditocotö'inä bautizando päti'omenä, ji̧nä̧ ji̧yȩtȩ huotö pä'i'ätöjä Espíritu Santonä. Ja̧'hua̧ta̧nö̧ o'ca toi'önä ji̧nä̧ ji̧yȩtȩ Espíritu Santottö ahuätöjä.

Romanos 3:22

Dios ttö̧ja̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö Jesucristorö esetäcuähuänä. Ja̧'hua̧nö̧ yoräteunä jȩpö̧ o'ca toi'önärö Jesucristorö esetätörö.

Romanos 2:13

Moisés hueähuä huȩnȩ ä̧ju̧cu̧tä̧ ä̧ju̧cuä̧tö̧mä̧, Diosttömä adihuä isotöcö̧. Moisés hueähuä huȩnȩ jȩpä̧tö̧tä̧, Diosttömä adihuä isotö.

San Lucas 1:28

Angel 'chä̧hui̧'i̧nö̧do jahuäju kö̧jo̧mȩ. Pa̧'a̧nö̧ pä'inödo: —Tedähuäcuajä, ucuotäcuähuä isaju. Ucucu kö̧ Tu̧ru̧hua̧mä̧. Dios ppädäjäcuajä korotö nä̧tö̧ o'ca toi'önättö'inä abonänö.

Filipenses 3:3

Iso päi'önä ujutumä adiunä circuncidados huotöjä. Ujutumä Cristo Jesúsru esetö Espíritu Santonä eseunu amöcuädö ucuocuätöjä Diosrö. Ujutumä tidepä jähuämä ta̧'cua̧ huȩnä̧ro̧co̧tö̧jä̧.

Hechos 10:28

Jahuätörö pä'inödo Pedro: —Ucututä huo̧juä̧tö̧jä̧ hueähuä huȩnȩ judíos ttö̧ja̧rö̧ huea'a korotö ttö̧ja̧cu̧ cuettächö juiya pä'ö, ja̧'hua̧ta̧nö̧ korotö ttojusodenä dottächö juiya pä'ö. Ja̧'hua̧nö̧ ja̧'a̧nä̧ Dios ttörö ji'ähuäji ya̧tȩrö̧'i̧nä̧ “Ucumä su̧ro̧pa̧jä̧. I̧di̧cua̧jä̧”, pädö juiya pä'ö.

Romanos 2:14

Ja̧'hua̧nö̧ ja̧'a̧nä̧ judíos huocotö Moisés hueähuä huȩnȩ ttieruhua'anä, ttamönä amöcuädö jȩtto̧mȩnä̧, hueähuä huȩnȩ huea'a jä̧'i̧nö̧'a̧nö̧ jȩpä̧tö̧. Ja̧'hua̧nö̧ jȩtto̧mȩnä̧, ttamönä hueähuä huȩnȩ päi'önä jȩpä̧tö̧.