Biblia Todo Logo
Bib sou entènèt

- Piblisite -




Hechos 10:17 - TÄ̧DO Ä̧CUÄ̧ I̧HUȨNȨ

17 Pedro amöcuädinödo: “¿Däje chamöcuäda pä'ö jiähuättö Diosmä ttu̧'cuo̧ti̧cua̧'a̧ jä̧'i̧nö̧'a̧nö̧ tochäjimä?” Ja̧'hua̧nö̧ amöcuäda'anä, u̧mä̧tö̧ Cornelio huȩä̧u̧mä̧ äpate ä'ca ka̧cui̧nä̧tö̧do. Jahuätö jä'epö ä̧ju̧cu̧ ichi'ö 'chä̧hui̧'i̧nä̧tö̧do.

Gade chapit la Kopi

Nuevo Testamento Uwotjüja

17 Ja̧'wa̧nü̧ 'kuäopäjäku, Peduru-mä̧, tta̧'a̧nü̧ pä'ü ja̧'wa̧nü̧ i̧jȩkuä̧jä̧ku̧sä̧jó, pä'ü amükuäda'anä̧, Cornelio wȩä̧jä̧u̧mä̧, tȩnȩ́jä̧ttü̧ Simón ojusodemä̧ pä'ü jä̧'ȩpä̧rä̧yotü, äpate ä'ka ichi'inä̧tü̧.

Gade chapit la Kopi




Hechos 10:17
9 Referans Kwoze  

Espíritu Santo ä'canä u̧huo̧juȩti̧nä̧u̧do jahuätörö Cristo ubara ttuhuä̧cuȩ huȩnȩ. Ja̧'hua̧ta̧nö̧ ubara ttuhuäji o'ca'a, eseäcuähuä huȩnȩ'i̧nä̧ u̧huo̧juȩti̧nä̧u̧do. Jahuätö jä'epinätödo: “¿Dirö ucuocua'attö pi̧yȩmä̧?” Ja̧'hua̧ta̧nö̧: “Ja̧u̧mä̧, ¿ti̧yȩnö̧ jä̧cuȩttö̧?” pä'ö jä'epinätödo.


Ja̧'hua̧nö̧ ja̧'a̧mä̧ “¿tta̧'a̧nö̧ jȩchä̧cua̧'a̧jä̧ttö̧?” chamöcuädomenä, Pablorö jä'epinösä: “¿Jerusalén ötahuiyära̧'a̧ cui̧'cha̧ pä'öjä? Juhua'attö jahuätö ucuru huȩnȩtö̧ ucuocuätömä ttucuocua'a chä̧ju̧cuä̧cua̧sä̧.”


Koronö mo̧ro̧ ni̧pä̧ro̧mȩcu̧ päi'a'a Cornelio ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä, ya̧tȩ ángelrö, Dios huȩ'ä̧hua̧, doächa'a adiu topinödo. Angel pä'inödo: —Cornelio.


Ja̧'hua̧ ja̧'a̧ Pedro Jope ötahuiyänä recuo mo̧ro̧ ki̧nö̧do ya̧tȩ Simón, isotö tti̧jȩti̧yu̧ 'pa̧'ö̧ adicuä i̧sa̧ ojusodenä.


Ja̧'hua̧nö̧ ttä̧ju̧cuo̧mȩnä̧, sacerdotes ttu̧ru̧hua̧'i̧nä̧, korotö sacerdotes'inä, Diosrö ucuocuäcuähuode su̧ro̧da̧u̧ ttu̧ru̧hua̧'i̧nä̧ ka̧ra̧ ka̧ra̧nö̧ jä'epinätödo: —¿Tta̧'a̧nö̧ pä'ö tottepäjättö?


Ja̧'hua̧ ja̧'a̧ o'ca toi'önä ttä̧ju̧cuo̧cö̧ jä̧'i̧jö̧ ä̧ju̧cu̧, to̧pä̧rö̧ ka̧cu̧ jä'epinätödo: —¿Tta̧'a̧nö̧ pä'ö ttucuocua'attö?


Ttö̧jä̧pi̧yä̧ töcö cä'ädö, chutä ö̧'ca̧tä̧huä̧ta̧ pä'äji ta'anö 'ca̧tä̧u̧, mesa isodänä pä̧mä̧di̧nö̧do. Jahuätörö pä'inödo: —¿Jȩchä̧ji̧mä̧ jȩru̧pä̧tö̧jä̧ tä̧ji̧ ucutumä?


Ja̧'hua̧nö̧ ja̧'a̧ Damasco ötahuiyänä ki̧nö̧do ya̧tȩ Jesucristorö esetömä, Ananías pä'ö mi̧cua̧. Tu̧ru̧hua̧ ja̧u̧ru̧ ttu̧'cuo̧ti̧cua̧'a̧ jä̧'i̧nö̧'a̧nö̧ päi'omenä pä'inödo: —Ananías. Ananías ä̧ju̧cu̧ pä'inödo: —Chu̧ru̧hua̧, pȩnȩtä̧ kö̧sä̧.


Swiv nou:

Piblisite


Piblisite