Hechos 1:6 - TÄ̧DO Ä̧CUÄ̧ I̧HUȨNȨ

⁶ Ja̧'hua̧nö̧ ja̧'a̧ Jesús hue'ähuotömä chutä Jesúscu ca̧ca̧cui̧pö̧, jä'epinätödo: —Tu̧ru̧hua̧, ¿jitämä Israel ttö̧ja̧ pä'äji ta'anö jitötä ttamönä ruhuotörö hue'ö ttö̧ja̧cua̧ pä'ö huȩcu̧huä̧cua̧jä̧?

Nuevo Testamento Uwotjüja

⁶ Ja̧'wa̧nü̧ Jesú-ku ji̧nä̧ yo̧mȩtȩ pȩjü̧, jä'epü ttä̧ju̧kui̧nä̧ku̧: —Chu̧ru̧wa̧, ¿Jitä pi̧yȩtä̧ pä̧nä̧, Irae ttü̧ja̧ tturuwomä̧ weäwi'ünä̧ ppa̧kuä̧dä̧kua̧'a̧ tä̧jí̧?

Hechos 1:6 Referans Kwoze

San Lucas 19:11

Ttö̧ja̧ Jesús jiähua'a ttä̧ju̧cuo̧mȩnä̧, juhua'a yabonö koro juäi jä̧'i̧nö̧'a̧nö̧ jö̧ huȩnȩ ji'ähuinödo Jesús, Jerusalén ötahuiyä tö'cö pätti'a'a. Jahuätö ttö̧ja̧ täcö Dios Ttu̧ru̧hua̧ päi'önä ichäcuome tö'cöhuächi'a'a pä'ö amöcuädinätödo.

San Lucas 17:20

Fariseos huotö jä'epinätödo Jesúsru: —Dios Tu̧ru̧hua̧ päi'önä ö̧jä̧cuȩmä̧, ¿ti̧yȩnö̧ kä̧cua̧'a̧ttö̧? Ja̧'hua̧nö̧ ja̧'a̧ Jesús ädätinä̧u̧do: —Dios Tu̧ru̧hua̧ päi'önä ö̧jä̧cua̧'a̧mä̧ topö toäcuähuocö.

San Mateo 24:3

Ja̧u̧nu̧ o'ca'a Olivos inähuära̧'a̧ 'chi̧nä̧tö̧do. Jesús juhua'atä ö̧'o̧mȩnä̧, u̧huo̧juȩtä̧u̧mä̧ korotö tomettö jä'epinätödo: —Jitä päcuhuäjimä 'cuäopä̧cuȩ mo̧ro̧ jicuhuähuatö pä'ätöjä. Ucu cuichäcua'a, ¿tta̧'a̧nö̧ tu̧huo̧juä̧cua̧'a̧jä̧ttö̧? Röji mo̧ro̧ päi'omenä, ¿tta̧'a̧nö̧ tu̧huo̧juä̧cua̧'a̧jä̧ttö̧?

San Lucas 22:29

Ja̧'hua̧nö̧ ja̧'a̧ttö̧ huecuhuätucuä̧cuȩmä̧ chi̧yä̧cuä̧u̧jä̧ ucuturu, ttö Chä'o ttörö iyinö ta'anö, ucutu'inä ttö huedomettö chöäre mesa isodänä cuä̧nö̧'i̧nä̧, au'inä cu̧ja̧cuä̧tu̧cuä̧cua̧'a̧nö̧. Ja̧'hua̧ta̧nö̧ Israel ttö̧ja̧ ttö̧jä̧pö̧ttö̧nö̧ ta̧ju̧nu̧ ruhuä ttahuaruhuärö ruhuotö päi'önä päcuhuätucua pä'ö cuhuäretucu adihuä juäi cui̧dȩä̧cä̧tu̧cu̧nä̧ pä̧nö̧ chi̧yä̧cuä̧u̧jä̧.

San Mateo 17:11

Jesús jahuätörö ädätinödo: —Iso päi'önä Elías ä'canä i̧chä̧cua̧. Ja̧u̧ jo̧mȩ päi'önä o'ca juiyönä a̧di̧tä̧cua̧.

San Mateo 20:21

Chutä pä'inödo: —¿Däje jäcuhue'a päcuhuättö? Ja̧'hua̧nö̧ päcua, pä'inäjudo: —Ucu cu̧jo̧mȩttö̧ pitö chi̧tti̧mö̧mä̧, ya̧tȩ cu̧huo̧jua̧'a̧nä̧, ka̧ra̧mä̧ cuieruhua'anä ttö̧'ä̧mä̧da̧ pä'äjusä.

San Juan 21:21

Ja̧'hua̧ ja̧'a̧ttö̧ Pedro ja̧u̧ru̧ tomenä, Jesúsru jä'epinödo: —Chu̧ru̧hua̧, piderömä, ¿tta̧'a̧nö̧ päi'äcua'ajä̧ttö̧ ja̧u̧ru̧?

San Marcos 9:12

Jesús jahuätörö ädätinödo: —Iso pai'önä Huȩyu̧cuä̧ Huȩnȩ päa'a Elías ä'canä i̧chä̧cua̧ pä'ö. Ja̧u̧ jo̧mȩ päi'önä o'ca juiyönä a̧di̧tä̧cua̧. Huȩyu̧cuä̧ Huȩnȩ, ¿tta̧'a̧nö̧ päa'attö Ubo I̧tti̧rö̧? Ubo I̧tti̧mä̧ ubara ttu̧huä̧cua̧ päa'ado. Ja̧'hua̧ta̧nö̧ Ubo I̧tti̧rö̧ ttöjö'cococu jä̧cua̧ päa'ado.