Hechos 1:4 - TÄ̧DO Ä̧CUÄ̧ I̧HUȨNȨ

⁴ Jesúsmä chutä hueinä̧u̧cu̧ kä̧nö̧ hue'inödo: —Jerusalén ötahuiyättömä räcuhuo'ächätucuä'. Tta̧'ä̧rä̧tu̧cui̧ Chä'o iya päinö. Ja̧u̧ päinömä jidähuinö ä̧ju̧cui̧nä̧tö̧jä̧.

Nuevo Testamento Uwotjüja

⁴ Ja̧'wa̧ta̧nü̧ umüwäyotü apótore-ku pä̧mä̧dä̧ji̧'ka̧ päinä̧u̧: Jerusarȩ́-ttü̧mä̧ dükuekuächätukuä, Chä'o iya päinü̧ iyätukuaku, —Ttü jidäwa'a kuä̧ju̧kui̧nä̧tu̧ku̧ta̧'a̧nü̧ 'kuäopäkua'a;

Hechos 1:4 Referans Kwoze

San Lucas 24:49

Ä̧ju̧cuä̧tu̧cui̧. Ttö Chä'o iya päinö huȩdä̧cua̧sä̧ ucuturu. Ja̧'hua̧nö̧ ja̧'a̧nä̧ cujurutucu ju'tojuttu cuȩmä̧tu̧cua̧'a̧ jubö päi'önä, pȩnȩtä̧ Jerusalén ötahuiyänätä ka̧cuä̧tu̧cui̧.

San Juan 14:16

Ja̧'hua̧nö̧ ja̧'a̧ttö̧ Chä'orö jä̧dȩpä̧cua̧sä̧ ucuturu huea pä'ö ka̧ra̧ Ppädäcuähuä I̧sa̧rö̧. Ja̧u̧ ö̧jä̧cua̧'a̧nö̧ ucutucu 'cuäopönä.

San Juan 15:26

“Ucuturu Ppädäcuähuä I̧sa̧, iso päi'önä Espíritu, Chä'ottö huȩdä̧cua̧mä̧ ichomenä, ttörö adiu u̧cuo̧cuä̧cua̧.

Hechos 2:33

Ja̧'hua̧nö̧ ja̧'a̧ Dios u̧mö̧ u̧huo̧jua̧'a̧nä̧ 'chu'ädö, tto'ädinö I̧tti̧ Jesúsru. Ja̧'hua̧ta̧nö̧ Jä'o iya päinö ta'anö, iyinö Espíritu Santorö Jesúsru. Ja̧'hua̧nö̧ ja̧'a̧ttö̧ ucutu cuä̧ju̧cuä̧jä̧tu̧cu̧mä̧, tocu'äjätucu'inä Jesústtu icha'a.

San Juan 7:39

Jesús ja̧'hua̧nö̧ päomenä, ja̧u̧ru̧ esetätö Espíritu Santorö ttȩmä̧cuo̧tö̧ pä'ö pä'inödo. Ja̧u̧nu̧ pä̧nä̧ Espíritu Santo ji̧nä̧ ichoca'a ji̧na̧'a̧do, Jesús ji̧nä̧ ttoächoca'attö ttucuotarö pä'ö.

San Juan 20:22

Ja̧'hua̧nö̧ päomenä, jahuätörö ami yuppa ppö'ö pä'inödo: —Espíritu Santorö ku̧nä̧rä̧tu̧cui̧.

San Lucas 12:12

Ja̧u̧nu̧ cucuocuätucuomenä, Espíritu Santotä u̧huo̧juȩtä̧cuo̧tö̧jä̧ cuädätucuä̧cuȩmä̧.

San Lucas 11:13

Ucutu suronä jȩä̧cuä̧huä̧ ttö̧ja̧'i̧nä̧ cui̧tti̧mö̧tu̧cu̧ru̧mä̧ adiutä iyähuänä huo̧juä̧tö̧jä̧. Ju̧huȩnȩ abonänö Cuä'o Dios mo̧ro̧jä̧ra̧'a̧ kö̧mä̧, Espíritu Santorö i̧yä̧cua̧ churutä jä'epätörömä, —pä'inödo Jesús.

Hechos 10:41

Ttö̧ja̧ o'ca toi'önärö i̧jȩcuo̧cö̧ pi̧nö̧. Ujuturutä i̧jȩcui̧nö̧. Dios ä'canä ujuturu ȩmi̧nä̧u̧ru̧ jitähua pä'ö ttoächinö huȩnȩ. Hua'arettö ttoächinö o'ca'a, ujutu ja̧u̧cu̧ tu̧cuȩ cuinätöjä, au'inä ahuinätöjä.

San Mateo 10:20

Ja̧u̧nu̧mä̧ ucutu cuamönätucumä ucuocuocotöjä. Espíritu Santotä ucutu cui̧huȩnȩtu̧cu̧nä̧ u̧cuo̧cuä̧cua̧.