Hechos 1:13 - TÄ̧DO Ä̧CUÄ̧ I̧HUȨNȨ

¹³ Ötahuiyänä 'chä̧hui̧'ö̧, isodenä do'ächi'ö, ju'toju i̧so̧ca̧nä̧ 'cha'chepächinätödo. Ju̧huo̧ca̧nä̧tä̧ ka̧cui̧nä̧tö̧do Pedro'inä, Jacobo'inä, Juan'inä, Andrés'inä, Felipe'inä, Tomás'inä, Bartolomé'inä, Mateo'inä, Alfeo i̧tti̧ Jacobo'inä, Simón cananista isotö i̧sa̧'i̧nä̧, Jacobo ö̧jä̧hua̧ Judas'inä.

Nuevo Testamento Uwotjüja

¹³ Ja̧'wa̧nü̧ ja̧'a̧ rȩbȩä̧kuä̧wi̧'ü̧mä̧, isode wä̧mȩ i̧so̧ka̧nä̧ ttü̧ja̧kuä̧jä̧ka̧nä̧ dodepinä̧tü̧, juätümä̧: Peduru'i̧nä̧, Ju̧a̧'i̧nä̧, Jacobo'i̧nä̧, André'i̧nä̧, Felipe'i̧nä̧, Tomá'i̧nä̧, Bartoromé'i̧nä̧, Mateo'i̧nä̧, Alfeo i̧tti̧ Jacobo'i̧nä̧, Simón Zerote pä'ü ottinä̧ku̧'i̧nä̧ ja̧'wa̧ta̧nü̧ Juda, Jacobo ü̧jä̧wa̧'i̧nä̧ ji̧na̧'a̧.

Hechos 1:13 Referans Kwoze

Hechos 20:8

Ju'toju i̧so̧ca̧ tö̧ca̧ca̧cui̧'o̧ca̧nä̧ rö̧ȩnä̧ lámparas cuoina'a.

San Lucas 22:12

Ja̧u̧nu̧ o'ca'a i̧so̧ca̧ rö̧o̧ca̧, ju'toju i̧so̧ca̧nä̧, täcö jo̧mȩ päi'ö o'ca'a i̧jȩpä̧cua̧ ucuturu. Ju̧huo̧ca̧nä̧ o'ca juiyönä jo̧mȩ päi'önä jȩcu̧'ä̧tu̧cua̧ja̧, —pä'inödo Jesús.

San Marcos 14:15

Ja̧u̧nu̧ o'ca'a i̧so̧ca̧ rö̧o̧ca̧, ju'toju i̧so̧ca̧nä̧, täcö jo̧mȩ päi'ö o'ca'a i̧jȩpä̧cua̧ ucuturu. Ju̧huo̧ca̧nä̧ o'ca juiyönä jo̧mȩ päi'önä jȩcu̧'ä̧tu̧cua̧ja̧, —pä'inödo Jesús.

San Marcos 2:14

Ju̧huȩnȩ 'cuä'opö topinödo Leví pä'ö mi̧cua̧rö̧, Alfeo i̧tti̧rö̧. Ja̧u̧mä̧ ru̧hua̧ öäre pärätä ttȩmä̧'i̧jo̧mȩ pi̧nö̧do. Ja̧u̧ru̧ pä'inödo: —Ttöcu ichi. Ja̧'hua̧nö̧ päomenä, Leví ä̧rä̧mi̧'ö̧ 'chi̧nö̧do Jesúscu.

Santiago 1:1

Ttömä Santiagosä. Dios'inä, Tu̧ru̧hua̧ Jesucristo'inä hueö jȩpö̧sä̧. Israel ttö̧ja̧ttö̧ dö'ecuächinätö'cotö pi̧jä̧ pa̧ja̧cu̧nä̧ ka̧cuä̧tö̧rö̧, te'äusä.

Hechos 12:17

Pedro u̧mö̧ cä'epinödo ttö'coruchi'a pä'ö. Jahuätörö ji'ähuinödo: —Tu̧ru̧hua̧ ttörö cärenä chö̧'a̧'a̧ttö̧ rä'epö icuäjäcusä. Pi̧yȩ huȩnȩ ji'ähuätucui Jacoborö, korotö tö̧jä̧hua̧tö̧rö̧'i̧nä̧. Ja̧'hua̧nö̧ pä'ipö, kara'acu rä'opächö 'chi̧nö̧do.

Hechos 2:38

Ja̧'hua̧nö̧ ja̧'a̧ Pedro ädätinödo: —Pärocuäcutä amöcuädätucui. O'ca toi'önä Jesucristo i̧mi̧nä̧ bautizado pä'i'ätucui, Dios suronä jȩcu̧'i̧nä̧tu̧cu̧ jȩpö̧ icuätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu i̧yä̧cua̧ Espíritu Santorö Diosmä.

Judas 1:1

Ttömä Judassä. Jesucristo hueö jȩpö̧sä̧, Jacobo ö̧jä̧hua̧sä̧. Chi̧huȩnȩ hue'ösä ucuturu, Dios huoinä̧u̧ru̧, Tä'o Dios repeä̧u̧ru̧, Jesucristo tta̧huä̧rä̧u̧ru̧.

Gálatas 2:9

Ja̧'hua̧nö̧ ja̧'a̧ Jacobocu, Pedrocu, Juancu Dios i̧huȩnȩttö̧ ruhuotö pi̧nä̧tö̧mä̧, huo̧jui̧'i̧nä̧tö̧ ttörö Dios hueina'a ttö jidähua pä'ö i̧huȩnȩ. Jahuätö ujuturu tu̧mö̧nä̧ 'chu'ädö ucuocuinätö ttörö'inä, Bernabérö'inä. Ja̧u̧mä̧ eseunu jȩpi̧nä̧tö̧ ujutu ji̧nä̧ ji̧yȩtȩ tadita pä'ö. Ujutumä judíos huocotöcu tadita'anä, jitö'inä judíos ttö̧ja̧cu̧ ttaditäcua'a̧nö̧ pä'ö.

Gálatas 1:19

Ja̧'hua̧nö̧ ja̧'a̧nä̧ korotö Jesús hue'ähuotörö topocö pi̧nö̧sä̧. Ya̧tȩrö̧tä̧, Tu̧ru̧hua̧ ö̧jä̧hua̧ Jacoborötä, topinösä.

Hechos 15:13

Pablocu, Bernabécu ucuocu cättädomenä, Jacobo pä'inödo: —Chö̧jä̧hua̧tö̧, ä̧ju̧cuä̧tu̧cui̧.

Hechos 4:19

Ja̧'hua̧nö̧ ä̧ju̧cu̧, Pedrocu, Juancu ädätinätödo: —Ucutu amöcuädätöjä Dios hueö jȩä̧cuä̧huä̧ juiyönä ucutu huecuhuätucutä jȩto̧mȩnä̧ ¿adihua'a tä̧ji̧?

Hechos 4:13

Ruhuotö to̧pä̧ri̧nä̧tö̧do Pedrocu, Juancu yettoca'a ttucuocua'a ä̧ju̧cu̧, ruhuotö pocotö ja̧'a̧. Cuyäru huo̧jui̧cuä̧'i̧nä̧ ttieruhua'anä, adiu ttucuocua'a ä̧ju̧cu̧, huo̧jui̧'i̧nä̧tö̧do Jesúscu cue'ächinätö pä'ö.

Hechos 2:14

Ja̧'hua̧nö̧ pättomenä Pedro, ttö̧jä̧pö̧ttö̧nö̧ ya̧tȩnö̧ Jesús hue'ähuotöcu ä̧rä̧mi̧'ö̧, pä̧i̧cu̧nä̧ ucuocu ji'ähuinödo: —Judea rȩjȩ ttö̧ja̧'i̧nä̧, o'ca toi'önä Jerusalén ötahuiyänä ka̧cuä̧tö̧'i̧nä̧, adiu ä̧ju̧cuä̧tu̧cui̧ ttö jidäumä.

San Juan 21:2

Ju̧huȩnȩ ka̧cui̧nä̧tö̧do Simón Pedro'inä, Tomás, Ta̧ju̧hui̧nö̧ pättinäcumä'inä, Natanael, Caná ötahuiyä Galilea rȩjȩ i̧sa̧'i̧nä̧, Zebedeo i̧tti̧mö̧'i̧nä̧, korotö ta̧ju̧ Jesús u̧huo̧juȩtä̧u̧ttu̧'i̧nä̧ ka̧cui̧nä̧tö̧do.

San Juan 18:17

Ja̧'hua̧ ja̧'a̧ttö̧ äpate ä'ca tta̧'ä̧rä̧ju̧mä̧ jä'epinäjudo Pedrorö: —¿Ucu'inä ja̧u̧tä̧ u̧huo̧juȩtä̧u̧ i̧sa̧jä̧ tä̧ji̧? Pedrotä ädätinödo: —Tta̧'a̧huä̧jä̧, ttömä u̧huo̧juȩtä̧u̧ i̧sa̧cö̧sä̧.

San Juan 11:16

Ja̧u̧nu̧ o'ca'a Tomás, Ta̧ju̧hui̧nö̧ pättinäcumä, pä'inödo korotö ahuaruhuärö: —Ujutu'inä ti̧'chä̧tu̧cua̧ ja̧u̧tä̧cu̧ ji̧nä̧ yo̧mȩtȩnä̧ 'corupäti'ätucua.

San Marcos 14:33

Ja̧u̧cu̧ tti̧'cha̧ pä'ö o'ipinödo Pedrorö'inä, Jacoborö'inä, Juanrö'inä. Yabonänö i̧'cho̧mȩnä̧, rö̧ȩnä̧ ye'ö a̧cua̧ tta̧'ȩcui̧pi̧nö̧do.

San Marcos 9:2

Ko̧ro̧mö̧ttö̧nö̧ ya'ute mo̧ro̧ o'ca'a, Jesús o'ipinödo Pedrorö'inä, Jacoborö'inä, Juanrö'inä. Jahuätöcu inähuä, ju'toju isähuära̧'a̧ 'chi̧nö̧do. Juhua'attö Jesús pärohuächinödo jahuätö ttä'ca jo̧mȩttö̧.

San Marcos 5:37

Korotömä chutäcu tti̧'chö̧ juiyönä pä'inödo. Pedrocutä, Jacobocutä, Juan, Jacobo ö̧jä̧hua̧cu̧tä̧ tti̧'cha̧ pä'ö oipinä̧u̧do.

San Mateo 9:9

Jesús juhua'attö rä'opächinödo. Ju̧huȩnȩ yabonänö ya̧tȩ Mateo pä'ö mi̧cua̧rö̧ topinödo. Ja̧u̧ Mateomä, ru̧hua̧ öäre pärätä ttȩmä̧'i̧jo̧mȩ pi̧nö̧do. Ja̧u̧ru̧ pä'inödo: —Ttöcu ichi. Ja̧'hua̧nö̧ päomenä, Mateo ä̧rä̧mi̧'ö̧ 'chi̧nö̧do Jesúscu.

2 Juan 1:1

Ttö anciano hua̧ chi̧huȩnȩ hue'ösä ucuru chöjähuaju, Dios ȩmi̧nä̧cua̧rö̧. Cui̧tti̧mö̧rö̧'i̧nä̧ te'äusä. Iso päi'önä ucuturumä ttötä repe'ösä. Ja̧'hua̧nö̧ päda'anä'inä ttötä katämäcö̧. O'ca toi'önä Dios i̧huȩnȩ, iso päi'önä huȩnȩ, esetinätömä ucuturu repe'ätö.

1 Corintios 15:7

Ja̧u̧nu̧ o'ca'a, Jacoborö i̧jȩcui̧nö̧do. Ja̧'hua̧ta̧nö̧ o'ca toi'önä chutä hue'ähuotörö i̧jȩcui̧nö̧do.

San Juan 14:22

Ja̧'hua̧ ja̧'a̧ ka̧ra̧ Judas, Judas Iscariotemäcö̧, pä'inödo: —Chu̧ru̧hua̧ ¿dä̧bö̧ cui̧jȩpä̧cua̧'a̧jä̧ttö̧ ujuturutä, pi̧jä̧ ttö̧ja̧rö̧ cui̧jȩpo̧ca̧'a̧nä̧?