Hebreos 9:9 - TÄ̧DO Ä̧CUÄ̧ I̧HUȨNȨ

⁹ Ja̧u̧ juäi o'ca juiyönä jitä mo̧ro̧ päi'önä Diosrö ucuocuäcuähuode huo̧juȩcuä̧ huȩnȩdo. Juhua'attö ofrendascu, sacrificioscu Diosrö amöcuädö jȩtto̧mȩnä̧, jȩpä̧tö̧ ttamöcuädömä yoröiso adiunä aditö icuocödo.

Nuevo Testamento Uwotjüja

⁹ Ja̧'wa̧nü̧ ja̧'a̧ jua̧u̧mä̧ jitä mo̧ro̧ wȩnȩkuä̧cha̧ pä'ütä ji̧na̧'a̧; ja̧'wa̧nü̧ jȩpü̧ ofrenda pättü'i̧nä̧, sacrificio pättü'i̧nä̧ iyinä̧tü̧ ja̧'wa̧nü̧ ja̧'a̧nä̧ tta̧mü̧kuädü jakuänämä̧ aditü ikuokü ji̧na̧'a̧ ja̧'wa̧nü̧ jȩpü̧tä̧ Dio-rü esewätürümä̧.

Hebreos 9:9 Referans Kwoze

1 Pedro 3:21

Ja̧u̧ aje suhuädinömä bautizando jȩtta̧'a̧ jä̧'i̧nö̧'a̧nö̧ ji̧na̧'a̧do. Ujutu'inä bautizando jȩto̧mȩnä̧, suronä jȩtö̧ jȩpö̧ icu Dios. Bautizando jȩtö̧mä̧, ujutu tidepämä töcö icuocödo. Ji̧yȩä̧cuȩtä̧ Diosrö jäecuätä ta̧'cua̧ adiu iyömä. Ja̧'hua̧ta̧nö̧ Jesucristo ttoächinö huȩnȩ esetö, ujutu suronä jȩtö̧ jȩpö̧ icudo.

Hebreos 5:1

Pi̧jä̧ttö̧ sacerdote ru̧hua̧mä̧, pi̧jä̧ ttö̧ja̧ttö̧ pojopö topö ku̧nä̧hua̧, Diosrö jä'epö ucuocua pä'ö, Dios pi̧jä̧ ttö̧ja̧rö̧ ppäda pä'ö. Ja̧'hua̧ta̧nö̧ pi̧jä̧ ttö̧ja̧ suronä jȩtto̧mȩnä̧, sacrificios jȩpö̧ Diosrö jä'epö ucuocu.

Romanos 5:14

Ja̧'hua̧nö̧ ja̧'a̧nä̧ Adán ö̧ji̧nö̧ pä̧nä̧ kä̧mä̧dö̧, Moisés ö̧ji̧no̧mȩ jubö päi'önä, o'ca toi'önä ttö̧ja̧ suronä jȩtto̧mȩnä̧ hua'ö icuinätö. Adán Dios ro̧ȩcuä̧ huȩnȩ iyinö huȩnȩ jȩo̧ca̧'a̧ ji̧nö̧'a̧nö̧mä̧, jȩpo̧co̧tö̧ pi̧nä̧tö̧ jahuätö ttö̧ja̧, hueähuä huȩnȩ juiya'attö. Ja̧'hua̧ta̧nö̧ Adánmä yodoji i̧chä̧cua̧ a̧'cua̧rö̧nä̧ ki̧nö̧.

Hebreos 11:19

Abraham huo̧jui̧nö̧do, iso päi'önä Dios 'corupä'i'ätörö ttoädö'a̧nö̧ hua̧ pä'ö. Ja̧'hua̧ta̧nö̧ Abraham i̧tti̧ 'corupäi'äjittö pä'äji ta'anö ȩmi̧nä̧cu̧ pätö'a̧nö̧ ja̧'a̧.

Hebreos 10:11

Judíos ttö̧ja̧ttö̧ sacerdotes huotö mo̧ro̧ji̧nö̧ a̧'u̧cuä̧ sacrificios jȩpä̧tö̧do. Koronö'inä, koronö'inä jȩtto̧mȩnä̧, ji̧yȩä̧cuȩtä̧, suronä jȩttö̧ jȩpö̧ icuocö juäitä jȩpä̧tö̧do.

Hebreos 9:24

Cristomä, ja̧u̧ juäi Diosrö ucuocuäcuähuode, ttö̧ja̧ ttaditode, mo̧ro̧jä̧nä̧ kode a̧'cua̧rodenä do'ächocö pi̧nö̧do. Mo̧ro̧jä̧nä̧tä̧ do'ächinödo. Jitä'inä Dios ä'ca jo̧mȩttö̧ ujuturu ucuocu kö̧do.

Hebreos 7:11

Israel ttö̧ja̧, Aarón ahuaruhuä o'cotö, Leví isotö sacerdotes huotöttö hueähuä huȩnȩ ȩmi̧nä̧tö̧do. Iso päi'önä, jahuätömä ja̧u̧ hueähuä huȩnȩ päö'a̧nö̧ jȩpö̧, pi̧jä̧ ttö̧ja̧ adiunä jȩtta̧ pä'ö huettinöttömä, ka̧ra̧ sacerdote hua̧, Melquisedec ta'anö hua̧mä̧, ichocö paji. Chutä Melquisedec Aarónttö'inä i̧mi̧cu̧nä̧ hua̧ pi̧nö̧do.

Gálatas 3:21

¿Moisés hueähuä huȩnȩmä̧ Dios iya päinö huȩnȩttö̧'i̧nä̧ i̧mi̧cu̧nä̧ päa'a tä̧ji̧? Juhua'acumäcö̧. Ja̧u̧ hueähuä huȩnȩ kä̧cuä̧huä̧ i'co ttu̧ju̧nä̧ra̧ pä'ö iyinö jö̧ttö̧mä̧, ja̧u̧nu̧mä̧ Diosmä jȩpa̧ji̧ ja̧u̧cu̧ ji̧nä̧ ji̧yȩtȩ huotö tta pä'ö hueähuä huȩnȩ esetö jȩpä̧tö̧rö̧.

Hebreos 8:4

Pi̧jä̧nä̧ ö̧jö̧ttö̧mä̧, sacerdote hua̧ päi'önä ko̧cö̧ paji, korotö Moisés hueähuä huȩnȩ päö ta'anö, ofrendas jȩpä̧tö̧ ttö̧ja̧cua̧'a̧ttö̧.