Hebreos 9:5 - TÄ̧DO Ä̧CUÄ̧ I̧HUȨNȨ

⁵ Ja̧huä̧ca̧ i̧sä̧ca̧ huämenä, koro juäi querubines pättö, ki̧na̧'a̧do. Ja̧u̧ juäi ka̧'a̧ttö̧, Dios kö̧ pä'inätödo. Ja̧u̧ juäi huotömä, ttujuabiyänä, suronä jȩtti̧nö̧ jȩpö̧ icuähuäca mö̧ttȩpa̧'a̧ ji̧na̧'a̧do. Ja̧'hua̧nö̧ ja̧'a̧nä̧ jitämä ja̧u̧ huȩnȩ juhua'a yabonö jitäu juiyö'a̧nö̧ ja̧'a̧.

Nuevo Testamento Uwotjüja

⁵ Ji̧nä̧so ji̧ka̧tä̧ wä̧mȩmä̧ kki̧na̧'a̧: Ttujuabiyä kkä̧u̧, juo̧ka̧ tta̧'a̧rä̧tü̧ «Querubines» pä̧ttä̧u̧, Dio ü̧ja̧'a̧ wȩnȩkuä̧chü̧nä̧ kka̧kuä̧tü̧. Ja̧'wa̧nü̧ ja̧'a̧nä̧, jua̧u̧ o'kajuiyünä̧ jua̧u̧ tukuokua pä'ümä̧ juiya'a jitämä̧.

Hebreos 9:5 Referans Kwoze

1 Pedro 1:12

Ja̧'hua̧nö̧ ja̧'a̧nä̧ jahuätö ttȩmö̧ juiya pä'ö huo̧juȩti̧nö̧do Dios. Ujututä tȩmä̧cuȩ pä'ö huo̧juȩti̧nö̧do. Täbocö Dios i̧huȩnȩ jiäcuähuä isotörö Espíritu Santo u̧huo̧juȩti̧nö̧ ta'anö, ä̧ju̧cui̧nä̧tö̧jä̧ ucutu. Iso päi'önä Espíritu Santo, mo̧ro̧jä̧ra̧'a̧ttö̧ huȩ'ä̧hua̧ ujurunä, adihuä juäi huȩnȩ, suronä jȩttö̧ jȩpö̧ icu huȩnȩ, jittähua'a ä̧ju̧cui̧nä̧tö̧jä̧ ucutu. Angeles'inä ttä̧ju̧cua̧ pä'ätö pi̧yȩ huȩnȩmä̧.

Hebreos 4:16

Ja̧'hua̧nö̧ ja̧'a̧ttö̧ adihuä Dios ö̧jo̧mȩ, eseunu tötö'cöhuächö'a̧nö̧ ja̧'a̧, ja̧u̧ re rö̧jö̧nä̧ toäcua'a̧nö̧ ujuturu. Ja̧'hua̧ta̧nö̧ ujuturu suronä 'cuäopomenä, adiu ppädäcua'a̧nö̧.

Efesios 3:10

Ja̧'hua̧nö̧ 'cuäopina'ado jitä o'ca toi'önä pi̧jä̧ isoppanä ka̧cuä̧tö̧ hue'ähuotömä Diosrö esetätörö topö, ttu̧huo̧jua̧ pä'ö o'ca juiyönä Dios u̧huo̧ju̧mä̧.

Romanos 9:4

Jahuätömä Israel ttö̧ja̧. Dios ȩmi̧nä̧u̧ i̧tti̧mö̧ jö̧nä̧. Dios tȩa̧u̧nä̧ dä'änö ki̧nö̧ jahuätöcu. Amöcuädömä ucuocuinö jahuätörö. Moisés hueähuä huȩnȩ iyinä̧u̧. Diosrö ucuocuäcuähuodenä jȩä̧cuä̧huä̧ iyinä̧u̧. Adihuä juäi iya pä'inö jahuätörö.