Hebreos 9:26 - TÄ̧DO Ä̧CUÄ̧ I̧HUȨNȨ

²⁶ Ja̧'hua̧nö̧ jȩö̧ttö̧mä̧, pi̧jä̧ aditinö o'ca'a, rö̧ȩnä̧ 'corupä'i'aji. Juhua'acucö̧. Pi̧yȩ pä̧nä̧ 'cuäopa'anä, Cristo ya'utenätä ichö, amönä iyähuinödo sacrificio päi'önä, o'ca toi'önärö suronä jȩttö̧ jȩpö̧ icu.

Nuevo Testamento Uwotjüja

²⁶ Ja̧'wa̧nü̧ jü̧ juiyüttümä̧, Crito-mä̧ kko̧ro̧nü̧ jü̧ta̧'a̧nü̧, pi̧jä̧ uwäbe'inomȩttü̧ kkä̧mä̧dü̧ 'koru juoächä'cha pä'ü ji̧na̧'a̧. Ja̧'wa̧nü̧ ja̧'a̧nä̧, jitä rüjí mo̧ro̧ päi'omȩnä̧, ya'utenä̧tä̧ usurä ȩmä̧u̧ iyäu ikuinü̧, suronä̧ jȩttä̧'i̧jü̧ jȩpü̧ ikua pä'ümä̧.

Hebreos 9:26 Referans Kwoze

1 Pedro 1:20

Äcuomenä pi̧jä̧ juiyäi ja̧'hua̧nö̧ 'cuäopä̧cuȩ amöcuädinö Dios. Ja̧'hua̧nö̧ ja̧'a̧nä̧ jitä jareönätä ichinö ucutu cu̧huo̧juä̧tu̧cua̧ pä'ö.

Hebreos 9:12

Chutä Cristo Ji̧nä̧ Isocu Adihuo̧ca̧cu̧ täcö do'ächinödo. Juhua'attö oveja i̧tti̧'i̧nä̧, päcäyä i̧tti̧'i̧nä̧ ttucuoja iyocödo. Ja̧'hua̧ta̧nö̧ chutä amönä ucuojatä iya pä'ö do'ächinödo. Chutä ya'utenätä do'ächinödo, o'ca toi'önä suronä jȩttö̧ jȩpö̧ icu. Ja̧'hua̧nö̧ jȩpö̧, kä̧cuä̧huä̧ i'co ȩmö̧ iyinä̧u̧jä̧.

San Mateo 25:34

Ja̧u̧nu̧ o'ca'a Ru̧hua̧ u̧huo̧jua̧'a̧nä̧ pȩjä̧tö̧rö̧ pä̧cua̧: “Ichätucui ttöcu. Chä'o Dios ucuturu ppädinä̧u̧jä̧. Do'ächätucui Dios ö̧jo̧mȩcu̧. Pi̧jä̧ aditinö o'ca'a, jo̧mȩ päi'önä cä'ädö aditö ucuturu iya pä'ö.

1 Pedro 3:18

Iso päi'önä Cristomä ya'utenätä o'ca toi'önärö suronä jȩttö̧ jȩpö̧ icua pä'ö ubara ttu'u 'corupä'i'inö. Chutä yoröiso adihuä i̧sa̧ ja̧'a̧nä̧, ujutu suronä jȩpä̧tö̧mä̧ suronä jȩtö̧ jȩpö̧ icu, ubara ttu'inö Dios ö̧ja̧'a̧cu̧ ti̧'cha̧ pä'ö. Chutä idepämä 'corupäi'äja'anä, a̧'cua̧ru̧hua̧ pä'äji ta'anö tto'ächäji'ca̧ ki̧nö̧.

Hebreos 1:2

Ja̧u̧nu̧ o'ca'a, jitämä I̧tti̧rö̧tä̧ ucuocuinödo ujuturu. Ja̧'hua̧ta̧nö̧ chutä I̧tti̧, Jä'o ujurunä aditinödo pi̧jä̧ o'ca juiyönä. Ja̧'hua̧ta̧nö̧ Dios o'ca juiyönä ku̧ni̧pi̧nö̧do ja̧u̧ru̧, I̧tti̧rö̧.

Hebreos 10:4

Iso päi'önä pä̧cä̧yö̧'i̧nä̧, o̧vȩja̧stö̧'i̧nä̧ ttucuoja päcua'acutä yoröiso suronä jȩttö̧ jȩpö̧ icuocödo.

Hebreos 7:27

Ja̧u̧mä̧, korotö sacerdotes ruhuotö ta'anö, äji cuäcuähuotö isotörö, mo̧ro̧ji̧nö̧ a̧'u̧cuä̧, chutä suronä jȩö̧'i̧nä̧, korotö ttö̧ja̧ suronä jȩttö̧'i̧nä̧ jȩpö̧ icuäu, sacrificios jȩa̧ pä'ö, cuä'ö icuocödo. Chutä sacrificio päi'önä 'corupäi'omenä, ya'utenätä o'ca toi'önärö sacrificio päi'önä iyähuinödo Jesús.

1 Juan 3:5

Ucutu huo̧juä̧tö̧jä̧ Jesucristo pi̧jä̧ra̧'a̧ ichinö suronä jȩtö̧ jȩpö̧ icua pä'ö. Chutä yoröiso surojö jui̧'a̧.

Hebreos 10:12

Ja̧'hua̧nö̧ ja̧'a̧nä̧ Jesucristo ya'utenätä iyähuinödo, suronä jȩttö̧ 'cuäopönä jȩpö̧ icua pä'ö. Ja̧u̧nu̧ o'ca'a Dios u̧huo̧jua̧'a̧nä̧ pä̧mä̧di̧nö̧do.

Hebreos 10:10

Jesucristo, Diosrö pä̧huä̧ rö̧jo̧mȩnä̧, chutä jä̧ttä̧pä̧ya̧ o'ca toi'önärö sacrificio päi'önä ya'utenätä iyähua'attö, Dios ujuturu aditö icuinödo.

Hebreos 9:14

Ja̧'hua̧ ja̧'a̧ ja̧'hua̧nö̧ jö̧ttö̧mä̧, Cristo ucuoja ji̧nä̧ isocu ujuru'a̧nö̧ ja̧'a̧. Espíritu Santo 'cuäopönä kö̧mä̧, Cristorö ppädomenä, chutä Cristo amönä Diosrö iyähuinödo, adihuä juäi, idicu juiyönä sacrificio päi'önä. Ujutu 'corupäi'äcuähuä jȩtö̧mä̧ ucuojanä töcö icuä̧u̧jä̧, Dios kö̧ hueö jȩta̧ pä'ö.

1 Pedro 2:24

Cristo ujutu suronä jȩtö̧ chutä jä̧ttä̧pä̧ya̧nä̧ ȩpi̧nö̧ daunä kä̧nö̧ 'corujuoächomenä. Ja̧'hua̧nö̧ ȩpi̧nö̧ suronä jȩpö̧ 'corupäti'a'acu. Adiunätä tö̧ja̧cua̧ pä'ö ȩpi̧nö̧. Ucuturu aditö icua pä'ö ubara ttu'inö.

Apocalipsis 17:8

Ja̧u̧ pä̧i̧cua̧ i̧sa̧ tocu'äcumä, täbocö ki̧nö̧. Ja̧'hua̧nö̧ ja̧'a̧nä̧ jitämä yoröiso toa'a. Ja̧'hua̧ ja̧'a̧nä̧ reju, yoröiso beipocojuttu 'cha̧huä̧chä̧cua̧ röji hua'ö icuäcua'a ä'canänö. Pi̧jä̧ ttö̧ja̧, pi̧jä̧nä̧ ka̧cuä̧tö̧mä̧, pi̧jä̧ ttaditinö mo̧ro̧ kä̧cuä̧huä̧ i'co cuyäru'tä tti̧huȩyu̧ti̧nö̧'tänä tti̧mi̧ huȩyu̧cuo̧co̧tö̧mä̧, ja̧u̧ pä̧i̧cua̧ i̧sa̧, jitämä ö̧jo̧ca̧'a̧nä̧ täbocö ö̧ji̧na̧'a̧, yodoji'inä pä'äji ta'anö ö̧jä̧cua̧rö̧ ye'ö tottäcuotö.

Hebreos 4:3

Ja̧'hua̧nö̧ ja̧'a̧nä̧ ujututä esetinätötä, dotächäcuotöjädo, 'cuä'ächi'ö tö̧ja̧cua̧ pä'ö. Dios pa̧'a̧nö̧ pä'inödo: Ja̧'hua̧ ji̧yä̧cu̧ ra̧huä̧rö̧ pä'inösä: “Ttöcumä do'ächö 'cuä'ächi'ömä ka̧cuo̧co̧tö̧.” Ja̧'hua̧ ja̧'a̧nä̧ Dios pi̧jä̧ aditö cädomenä, aditähuä cä'ädinödo.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Efesios 5:2

Cristo ujuturu repeinö ta'anö, repe'äu ka̧cuä̧tu̧cui̧. Ujuturu repe'ö chutä iyähuinö cuä'ö tticuarö pä'ö, adihuä juäi ameu ta'anö sacrificio päi'önä jȩtta̧rö̧ pä'ö Dios ä'ca jo̧mȩttö̧, Dios esehuarö pä'ö.

Efesios 1:10

Ja̧u̧ huȩnȩ amöcuädinömä, churutä pä̧huä̧ rö̧jo̧mȩnä̧ 'cuäopäcua'a. Ja̧u̧nu̧mä̧ Dios o'ca juiyönä, mo̧ro̧jä̧nä̧ ka̧cu̧'i̧nä̧, pi̧jä̧nä̧ ka̧cu̧'i̧nä̧, ca̧ca̧tö̧ i̧yä̧cua̧ Cristorö, o'ca juiyönä hueäcua'a̧nö̧.

1 Corintios 10:11

Täbocö ja̧u̧ juäi o'ca juiyönä 'cuäopina'ado ujutu tä̧do̧tö̧ mi̧nä̧rö̧. Ja̧'hua̧ta̧nö̧ Huȩyu̧cuä̧ Huȩnȩ huȩyu̧cua̧'a̧ ujuturu, jitä mo̧ro̧ röji mo̧ro̧ ka̧cuä̧tö̧rö̧, tä̧bo̧tö̧.

Apocalipsis 13:8

O'ca toi'önä pi̧jä̧nä̧ ka̧cuä̧tö̧mä̧, Cordero 'corupä'i'inö u̧ju̧närä̧'tänä, kä̧cuä̧huä̧ i'co cuyäru'tänä, Dios pi̧jä̧ aditinö mo̧ro̧ i̧huȩyu̧ti̧nö̧'tänä tti̧mi̧ jui'ätömä, ja̧u̧ pä̧i̧cua̧ i̧sa̧rö̧ esehuinätö.

Hebreos 10:26

Iso päi'önä huȩnȩ esetö tu̧huo̧ju̧ o'ca'a, juhua'a yabonö ujuturutä pä̧huä̧ rö̧jö̧tä̧ suronä jȩtö̧ttö̧mä̧, juhua'a yabonö sacrificios ujutu suronä jȩtö̧ jȩpö̧ icuähuä juiyäcua'a ujuturu.

Gálatas 4:1

Pi̧yȩjä̧ päda pädömä, ya̧tȩ jä'o retä chutä i̧tti̧ öäre päi'ö. Ji̧nä̧ a̧'u̧cuä̧i̧mä̧ chutä öäre ja̧'a̧nä̧, be'epö icuocö. Ja̧'hua̧nö̧ böo juoa'anä, korotö jä'o umöhuäyotö jö̧ ta'anö yo̧rä̧tȩhua̧.

San Juan 17:24

“Chä'o, ttörö cuiyinä̧u̧. Ttö chö̧jo̧mȩ'í̧nä̧ ttö̧ja̧cua̧ pä'ösä, chöadihuä, ttörö cuiyinömä, totta pä'ö. Pi̧jä̧ juiyäi'inä ttörö repe'inöjä.

San Juan 1:29

Ja̧u̧nu̧ o'come mo̧ro̧, Juan Jesúsru topinödo. Jesús Juanrö tö'cönänö ichinödo. Juan pä'inödo: —Topätucui, pidemä Dios I̧tti̧, oveja ji̧'qui̧cha̧hua̧, Cordero pättäcu, jä̧'i̧nö̧'a̧nö̧ hua̧. Pide pi̧jä̧ ttö̧ja̧ suronä jȩttö̧ jȩpö̧ i̧cuä̧cua̧.

San Mateo 13:39

Ja̧u̧ surä'cua ku̧ni̧nö̧mä̧, ähuettä pi̧nö̧do. Koro settinömä yodoji röji mo̧ro̧ päi'omenä, jä̧cuȩ päa'a. Ja̧'hua̧ta̧nö̧ se'inätömä ángeles pi̧nä̧tö̧do.

San Mateo 13:40

Ja̧'hua̧ta̧nö̧ surä'cua que'ö icu ocuränä ku tticu'a̧nö̧ jä̧cua̧'a̧ yodoji röji mo̧ro̧ päi'omenä.

1 Pedro 4:7

O'ca juiyö beipächäcuome tö'cöhuächa'ado. Ja̧'hua̧nö̧ ja̧'a̧ttö̧ cua̧'cua̧ pö̧nö̧ ka̧cuä̧tu̧cui̧. Adiunä Diosrö amöcuädö ucuocu ka̧cuä̧tu̧cui̧.

1 Juan 3:8

Suronä jȩpö̧ kö̧mä̧, ähuettä i̧tti̧. Ähuettä äcuomenä kä̧mä̧dö̧ suronä jȩi̧na̧'a̧ ja̧'a̧'i̧nä̧, ji̧nä̧ suronä jȩpö̧. Dios I̧tti̧ ichinö ähuettä jȩi̧nö̧mä̧ o'ca juiyönä be'epäjipö icua pä'ö.