Hebreos 9:25 - TÄ̧DO Ä̧CUÄ̧ I̧HUȨNȨ

²⁵ Ja̧u̧ judíos ttö̧ja̧ i̧sa̧ sacerdote ru̧hua̧, koro a̧'ȩ'i̧nä̧, koro a̧'ȩ'i̧nä̧ Ji̧nä̧ Isocu Adihuo̧ca̧cu̧ ya'utenätä do'ächödo, koro hua̧tä̧ ucuoja ȩpö̧ suronä jȩttö̧ micuä päi'önä. Ja̧'hua̧nö̧ ja̧'a̧nä̧ Cristomä koronö'inä, koronö'inä sacrificio päi'önä iyähuocödo.

Nuevo Testamento Uwotjüja

²⁵ Pi̧jä̧ttü̧ sacerdote tturuwotü jȩtti̧nü̧'a̧nü̧mä̧, ya'ute año-nä̧ kko̧ro̧nü̧ jü̧ta̧'a̧nü̧ sacrificio jȩa̧ pä'ümä̧ do'ächokü pinü̧, kkorotü i̧sa̧ ukuojakumä̧.

Hebreos 9:25 Referans Kwoze

Hebreos 9:12

Chutä Cristo Ji̧nä̧ Isocu Adihuo̧ca̧cu̧ täcö do'ächinödo. Juhua'attö oveja i̧tti̧'i̧nä̧, päcäyä i̧tti̧'i̧nä̧ ttucuoja iyocödo. Ja̧'hua̧ta̧nö̧ chutä amönä ucuojatä iya pä'ö do'ächinödo. Chutä ya'utenätä do'ächinödo, o'ca toi'önä suronä jȩttö̧ jȩpö̧ icu. Ja̧'hua̧nö̧ jȩpö̧, kä̧cuä̧huä̧ i'co ȩmö̧ iyinä̧u̧jä̧.

Hebreos 9:7

Ja̧'hua̧nö̧ ja̧'a̧nä̧ juhua'a yabocu i̧so̧ca̧nä̧ sacerdote ru̧hua̧ koro a̧'ȩ'i̧nä̧, koro a̧'ȩ'i̧nä̧ ya'utenätä do'ächödo. Ju̧huo̧ca̧nä̧ doächomenä, äji cuäcuähuotö ttucuoja ȩpö̧do, chutä suronä jȩö̧'i̧nä̧, korotö suronä jȩttö̧'i̧nä̧ micuä päi'önä.

Hebreos 9:14

Ja̧'hua̧ ja̧'a̧ ja̧'hua̧nö̧ jö̧ttö̧mä̧, Cristo ucuoja ji̧nä̧ isocu ujuru'a̧nö̧ ja̧'a̧. Espíritu Santo 'cuäopönä kö̧mä̧, Cristorö ppädomenä, chutä Cristo amönä Diosrö iyähuinödo, adihuä juäi, idicu juiyönä sacrificio päi'önä. Ujutu 'corupäi'äcuähuä jȩtö̧mä̧ ucuojanä töcö icuä̧u̧jä̧, Dios kö̧ hueö jȩta̧ pä'ö.

Hebreos 10:19

Ja̧'hua̧nö̧ ja̧'a̧ttö̧ chö̧jä̧hua̧tö̧, jitämä Jesucristo ucuojanä esetö, eseunu dotächö'a̧nö̧ ja̧'a̧ Ji̧nä̧ Isocu Adihuo̧ca̧cu̧, chutä jä̧ttä̧pä̧ya̧nä̧ jareö kä̧cuä̧huä̧ mä̧nä̧, chutä iyinä̧mä̧nä̧ i̧sä̧ta̧ abonä 'chä̧nö̧.

Hebreos 9:26

Ja̧'hua̧nö̧ jȩö̧ttö̧mä̧, pi̧jä̧ aditinö o'ca'a, rö̧ȩnä̧ 'corupä'i'aji. Juhua'acucö̧. Pi̧yȩ pä̧nä̧ 'cuäopa'anä, Cristo ya'utenätä ichö, amönä iyähuinödo sacrificio päi'önä, o'ca toi'önärö suronä jȩttö̧ jȩpö̧ icu.

Hebreos 10:10

Jesucristo, Diosrö pä̧huä̧ rö̧jo̧mȩnä̧, chutä jä̧ttä̧pä̧ya̧ o'ca toi'önärö sacrificio päi'önä ya'utenätä iyähua'attö, Dios ujuturu aditö icuinödo.

Hebreos 9:2

Pi̧jä̧ttö̧ Diosrö ucuocuäcuähuode pa̧'a̧nö̧ ji̧nodedo. Äcuomenä i̧so̧ca̧nä̧, Adihuo̧ca̧ pätto̧ca̧nä̧ lámpara ku̧nä̧huä̧cä̧'i̧nä̧, adihuä juäi pan'inä, mesa isodänä rötähua'a ki̧na̧'a̧do.