Hebreos 9:13 - TÄ̧DO Ä̧CUÄ̧ I̧HUȨNȨ

¹³ Iso päi'önä pä̧cä̧yö̧'i̧nä̧, o̧vȩja̧stö̧ tti̧tti̧mö̧'i̧nä̧ ttucuoja, päcäyärö ku tticuäji o'ca'a, i̧sa̧ppȩ'i̧nä̧ suronä jȩpä̧tö̧rö̧ ttuhuämenä tticuomenä, huämenätä surojö aditö icu, töcö icuähuänä juruhua'ado.

Nuevo Testamento Uwotjüja

¹³ Isopäi'ünä̧ chiwotü̧'i̧nä̧, pä̧kä̧yü̧'i̧nä̧ ttukuojamä̧ ja̧'wa̧ta̧nü̧ ppo̧'ä̧tü̧ pä̧kä̧yü̧ nä̧tü̧rü̧ kkuwü ttiku o'ka̧ppȩnä̧ ririttomȩnä̧mä̧, adiutä päi'ünä̧ ujuru kki̧na̧'a̧ idepänä̧.

Hebreos 9:13 Referans Kwoze

Hechos 15:9

Dios judíos huocotö ttami iso'quittö suronä jȩtti̧nö̧ jȩpö̧ icuinö, ujutu judíos ttö̧ja̧rö̧ jȩpö̧ icuinö ta'anö, Jesucristorö tesetomenä. Ja̧'hua̧nö̧ jahuätö'inä, ujutu'inä yoräteunä tö̧ja̧ pä'ö i̧jȩpi̧nö̧.

1 Pedro 1:22

Jitämä, Espíritu Santo huo̧juȩcuä̧, adihuä huȩnȩ cuesetätucuomenä, cu̧jä̧hua̧tö̧rö̧ Cristonä, adiu eseunu cuamöcuädätucua pä'ö, töcö icuinä̧u̧jä̧. Ja̧'hua̧nö̧ ja̧'a̧ttö̧ o'ca juiyönä cuami iso'quitucunä'inä, cujuruhuätucunä'inä o'ca toi'önärö eseunu ka̧cuä̧tu̧cui̧.

Hebreos 9:19

Moisés o'ca juiyönä hueähuä huȩnȩ ji'ähuinödo ttö̧ja̧rö̧. Ja̧u̧nu̧ o'ca'a pö̧jä̧ta̧, o̧vȩja̧stö̧ ttuhuo'chettö adicuä̧ta̧ tu̧huä̧ta̧cu̧, hisopo dau ä̧na̧juä̧cu̧ 'chu̧'ä̧rö̧, pä̧cä̧yö̧ tti̧tti̧mö̧'i̧nä̧, o̧vȩja̧stö̧ tti̧tti̧mö̧'i̧nä̧ ttucuojacu, ajiyacu huihuacua'a da'epäji'ca̧, hueähuä huȩnȩ cuyäru'tänä'inä, ttö̧ja̧rö̧'i̧nä̧ icuähuinödo.

Hebreos 10:4

Iso päi'önä pä̧cä̧yö̧'i̧nä̧, o̧vȩja̧stö̧'i̧nä̧ ttucuoja päcua'acutä yoröiso suronä jȩttö̧ jȩpö̧ icuocödo.

Hebreos 10:29

Ya̧tȩ, Dios I̧tti̧rö̧ suronä amöcuädö jȩpö̧'i̧nä̧, chutä ucuoja kö'cocö'inä, Espíritu Santo ja̧u̧ru̧ repe'örö, suronä ucuocu'inä, ¿tta̧'a̧nö̧ rö̧ȩnä̧ ro̧ȩcuä̧ ȩmä̧cua̧'a̧jä̧ttö̧? Ja̧u̧tä̧ ucuoja, jareö huȩnȩ iso päi'önä huȩnȩ ja̧'a̧. Ja̧'hua̧ta̧nö̧ ja̧u̧tä̧ ucuoja ja̧u̧ru̧ aditö icuoya.