Hebreos 9:12 - TÄ̧DO Ä̧CUÄ̧ I̧HUȨNȨ

¹² Chutä Cristo Ji̧nä̧ Isocu Adihuo̧ca̧cu̧ täcö do'ächinödo. Juhua'attö oveja i̧tti̧'i̧nä̧, päcäyä i̧tti̧'i̧nä̧ ttucuoja iyocödo. Ja̧'hua̧ta̧nö̧ chutä amönä ucuojatä iya pä'ö do'ächinödo. Chutä ya'utenätä do'ächinödo, o'ca toi'önä suronä jȩttö̧ jȩpö̧ icu. Ja̧'hua̧nö̧ jȩpö̧, kä̧cuä̧huä̧ i'co ȩmö̧ iyinä̧u̧jä̧.

Nuevo Testamento Uwotjüja

¹² Ja̧'wa̧ta̧nü̧ cabrío pä̧ttä̧u̧, pä̧kä̧yü̧ ppo̧'ä̧tü̧ ttukuoja'i̧nä̧ ttȩpa̧jü̧ jueimä̧ Chutä a̧mü̧nä̧ pa̧ja̧tü̧ ukuoja ȩpi̧nü̧, I̧so̧ka̧ Rü̧ȩnä̧ Ro̧ka̧nä̧, ya'utenä̧tä̧ do'ächinü̧ 'kuäopünä̧tä̧ mikuäwa pä'ü, surojü mikuäwächünä̧ mitäu kä'ädäji̧'ka̧mä̧.

Hebreos 9:12 Referans Kwoze

Hebreos 10:4

Iso päi'önä pä̧cä̧yö̧'i̧nä̧, o̧vȩja̧stö̧'i̧nä̧ ttucuoja päcua'acutä yoröiso suronä jȩttö̧ jȩpö̧ icuocödo.

Hebreos 9:15

Ja̧'hua̧nö̧ ja̧'a̧ttö̧ chutä Jesucristo ja̧u̧ jareö huȩnȩ tta̧huä̧rä̧cuä̧huä̧ i̧sa̧do. Cristo 'corupä'i'inödo, pä'äji huȩnȩ jȩtti̧nö̧ ka̧cui̧nä̧tö̧'i̧nä̧ suronä jȩtti̧nö̧ jȩpö̧ icua pä'ö. Ja̧'hua̧ta̧nö̧ Dios huoinä̧u̧'i̧nä̧ adihuä juäi kä̧cuä̧huä̧ iya päinö ttȩmä̧ pä'ö, 'corupä'i'inödo.

Efesios 1:7

Dios ujuturu rö̧ȩnä̧ repea'attö, I̧tti̧ 'corupäi'omenä, ujutu suronä jȩtö̧ jȩpö̧ icuinö.

Hebreos 5:9

Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.

Hebreos 10:19

Ja̧'hua̧nö̧ ja̧'a̧ttö̧ chö̧jä̧hua̧tö̧, jitämä Jesucristo ucuojanä esetö, eseunu dotächö'a̧nö̧ ja̧'a̧ Ji̧nä̧ Isocu Adihuo̧ca̧cu̧, chutä jä̧ttä̧pä̧ya̧nä̧ jareö kä̧cuä̧huä̧ mä̧nä̧, chutä iyinä̧mä̧nä̧ i̧sä̧ta̧ abonä 'chä̧nö̧.

Hebreos 9:28

Iso päi'önä Cristo ya'utenätä sacrificio jȩpi̧nö̧do recuätö ttö̧ja̧ suronä jȩttö̧ jȩpö̧ icu. Ja̧u̧nu̧ o'ca'a, pä'äji ta'anö i̧chä̧cua̧. Ja̧u̧nu̧ suronä jȩttö̧ jȩpö̧ icua pä'ö ichocö jä̧cua̧. Ja̧u̧ru̧ tta̧'ä̧rä̧tö̧rö̧ ȩmö̧ i̧chä̧cua̧do.

Hebreos 7:27

Ja̧u̧mä̧, korotö sacerdotes ruhuotö ta'anö, äji cuäcuähuotö isotörö, mo̧ro̧ji̧nö̧ a̧'u̧cuä̧, chutä suronä jȩö̧'i̧nä̧, korotö ttö̧ja̧ suronä jȩttö̧'i̧nä̧ jȩpö̧ icuäu, sacrificios jȩa̧ pä'ö, cuä'ö icuocödo. Chutä sacrificio päi'önä 'corupäi'omenä, ya'utenätä o'ca toi'önärö sacrificio päi'önä iyähuinödo Jesús.

Hebreos 9:13

Iso päi'önä pä̧cä̧yö̧'i̧nä̧, o̧vȩja̧stö̧ tti̧tti̧mö̧'i̧nä̧ ttucuoja, päcäyärö ku tticuäji o'ca'a, i̧sa̧ppȩ'i̧nä̧ suronä jȩpä̧tö̧rö̧ ttuhuämenä tticuomenä, huämenätä surojö aditö icu, töcö icuähuänä juruhua'ado.

Hebreos 1:3

Chutä, Dios I̧tti̧mä̧, Dios i̧tȩa̧u̧. Ja̧u̧mä̧ yoröiso Dios ta'anö hua̧do. Ja̧'hua̧ta̧nö̧ ja̧u̧tä̧ i̧huȩnȩ, adiu juruhua'attö, o'ca juiyönä huȩ'ä̧rö̧do. Ujutu suronä jȩti̧nö̧ jȩpö̧ icuinö o'ca'a, mo̧ro̧jä̧ra̧'a̧ttö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

1 Tesalonicenses 1:10

Ja̧'hua̧ta̧nö̧ Dios I̧tti̧ Jesúsru, Dios ttoädinäcuru, mo̧ro̧jä̧ra̧'a̧ttö̧ icha pä'ö tta̧cu̧huä̧rä̧tu̧cua̧'a̧ ji'ähuätö. Chutä ujuturu ppä'ädö Dios ö̧tä̧bo̧tä̧cuȩttö̧ tö̧ji̧pa̧ pä'ö.

Colosenses 1:14

Ja̧u̧ 'corupäi'omenä, ujutu suronä jȩtö̧ jȩpö̧ icuinö.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

San Marcos 3:29

Ja̧'hua̧nö̧ ja̧'a̧nä̧ ya̧tȩ Espíritu Santorö suronä ucuocuttumä, ja̧u̧mä̧ suronä ucuocumä, yoröiso jȩpö̧ icuocödo. Ja̧u̧mä̧ suronä ucuocumä 'cuäopönä u̧ju̧nä̧rä̧cua̧, —pä'inödo Jesús.

Apocalipsis 5:9

Ja̧'hua̧ta̧nö̧ pi̧yȩ jareö ra̧huä̧huä̧ ra̧'i̧nä̧tö̧: Iso päi'önä ucutä adihuä i̧sa̧jä̧. Ucutä ja̧u̧ cuyäru'tä ȩmö̧, sellos jȩpö̧ cuicu'a̧nö̧ hua̧. Ucurutä sacrificio päi'önä cuä'ö tticuinäcujä. Ucutä cucuojanä Dios i̧tti̧mö̧ päti'a pä'ö ȩmi̧nö̧jä̧ o'ca toi'önä pa̧ja̧cu̧nä̧ ttö̧ja̧ttö̧'i̧nä̧, tti̧huȩnȩ pö̧nä̧ ucuocuätöttö'inä, o'ca juiyönä ötahuiyä ttö̧ja̧ttö̧'i̧nä̧, korotö tti̧rȩjä̧ttö̧'i̧nä̧.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Hebreos 9:7

Ja̧'hua̧nö̧ ja̧'a̧nä̧ juhua'a yabocu i̧so̧ca̧nä̧ sacerdote ru̧hua̧ koro a̧'ȩ'i̧nä̧, koro a̧'ȩ'i̧nä̧ ya'utenätä do'ächödo. Ju̧huo̧ca̧nä̧ doächomenä, äji cuäcuähuotö ttucuoja ȩpö̧do, chutä suronä jȩö̧'i̧nä̧, korotö suronä jȩttö̧'i̧nä̧ micuä päi'önä.

San Lucas 1:68

Adiu ttucuocuaja Tu̧ru̧hua̧rö̧, Israel ttö̧ja̧ Ttä̧do̧ ä̧cua̧ Diosrö. Ichäji ujutu umöhuäyotörö surojöttö ejädö icua pä'ö.

Hebreos 9:14

Ja̧'hua̧ ja̧'a̧ ja̧'hua̧nö̧ jö̧ttö̧mä̧, Cristo ucuoja ji̧nä̧ isocu ujuru'a̧nö̧ ja̧'a̧. Espíritu Santo 'cuäopönä kö̧mä̧, Cristorö ppädomenä, chutä Cristo amönä Diosrö iyähuinödo, adihuä juäi, idicu juiyönä sacrificio päi'önä. Ujutu 'corupäi'äcuähuä jȩtö̧mä̧ ucuojanä töcö icuä̧u̧jä̧, Dios kö̧ hueö jȩta̧ pä'ö.

Hebreos 9:19

Moisés o'ca juiyönä hueähuä huȩnȩ ji'ähuinödo ttö̧ja̧rö̧. Ja̧u̧nu̧ o'ca'a pö̧jä̧ta̧, o̧vȩja̧stö̧ ttuhuo'chettö adicuä̧ta̧ tu̧huä̧ta̧cu̧, hisopo dau ä̧na̧juä̧cu̧ 'chu̧'ä̧rö̧, pä̧cä̧yö̧ tti̧tti̧mö̧'i̧nä̧, o̧vȩja̧stö̧ tti̧tti̧mö̧'i̧nä̧ ttucuojacu, ajiyacu huihuacua'a da'epäji'ca̧, hueähuä huȩnȩ cuyäru'tänä'inä, ttö̧ja̧rö̧'i̧nä̧ icuähuinödo.

Hebreos 13:12

Ja̧'hua̧ta̧nö̧ Jesús ötahuiyä abocu 'corupä'i'inödo, pi̧jä̧ ttö̧ja̧rö̧ aditö icua pä'ö chutä ucuojanä.