Hebreos 9:1 - TÄ̧DO Ä̧CUÄ̧ I̧HUȨNȨ

¹ Äcuomenä pä'äji huȩnȩ Diosrö ucuocuäcuähuä jȩttö̧ hueina'ado. Pi̧jä̧nä̧ Diosrö ucuocuäcuähuodenä jȩpi̧nä̧tö̧do.

Nuevo Testamento Uwotjüja

¹ Ja̧'wa̧ta̧nü̧, Dio ä̧kuo̧mȩnä̧ esekuinü̧nä̧mä̧; Churutä ukuoku jȩä̧kuä̧wä̧mä̧ we'ü kku̧nä̧wi̧na̧'a̧. Ja̧'wa̧ta̧nü̧ jua̧u̧mä̧ pi̧jä̧nä̧ttü̧ Dio-rü ukuokuäkuäwomȩ ro̧mȩ pättomȩttü̧ jȩtta̧ pä'ü ji̧na̧'a̧.

Hebreos 9:1 Referans Kwoze

Hebreos 8:2

Ja̧'hua̧ta̧nö̧ ji̧nä̧ isocu Dios adihuä ö̧jo̧mȩ, Tu̧ru̧hua̧ aditinome, pi̧jä̧ ttö̧ja̧ ttaditocomettö, sacerdote ru̧hua̧ päi'önä kö̧.

Hebreos 8:7

Iso päi'önä äcuomenä hueähuä huȩnȩ adihuinöttömä, koro jareö huȩnȩ Dios hueoca'a ji̧na̧'a̧.

Colosenses 2:8

Ttu̧ȩcuä̧nä̧ ka̧cuä̧tu̧cui̧. Korotömä täbo huȩnȩ'i̧nä̧, yapareu huȩnȩ'i̧nä̧ jittähuomenä, yoröiso cuesetätucuä'. Ja̧'hua̧nö̧ jittähuomenä, Cristo i̧huȩnȩ yoröiso ji'ähuocotö. Pi̧jä̧ ttö̧ja̧ amöcuädäcuähuätä ji'ähuätö.

Hebreos 8:13

Dios jareö huȩnȩ ucuocuomenä: “Pä'äji huȩnȩ täcö täbo jähuä ja̧'a̧” pä'ödo. Ja̧'hua̧ta̧nö̧ ja̧u̧mä̧ pä'äji jähuämä, täbo jähuä päi'omenä, yodojinänö yoröiso juiyönä beipächäcua'a.

San Lucas 1:6

Jahuätö ta̧ju̧ adihuä isotö pi̧nä̧tö̧do Dios ä'ca jo̧mȩttö̧. Eseti'äjinätödo Tu̧ru̧hua̧ hueö huȩnȩ. Ja̧'hua̧nö̧ ja̧'a̧ttö̧ yoröiso ya̧tȩ'i̧nä̧ huȩnȩtä̧rö̧ ttucuocuoco̧u̧ pi̧nä̧tö̧do.

Romanos 9:4

Jahuätömä Israel ttö̧ja̧. Dios ȩmi̧nä̧u̧ i̧tti̧mö̧ jö̧nä̧. Dios tȩa̧u̧nä̧ dä'änö ki̧nö̧ jahuätöcu. Amöcuädömä ucuocuinö jahuätörö. Moisés hueähuä huȩnȩ iyinä̧u̧. Diosrö ucuocuäcuähuodenä jȩä̧cuä̧huä̧ iyinä̧u̧. Adihuä juäi iya pä'inö jahuätörö.

Hebreos 9:24

Cristomä, ja̧u̧ juäi Diosrö ucuocuäcuähuode, ttö̧ja̧ ttaditode, mo̧ro̧jä̧nä̧ kode a̧'cua̧rodenä do'ächocö pi̧nö̧do. Mo̧ro̧jä̧nä̧tä̧ do'ächinödo. Jitä'inä Dios ä'ca jo̧mȩttö̧ ujuturu ucuocu kö̧do.