Hebreos 8:9 - TÄ̧DO Ä̧CUÄ̧ I̧HUȨNȨ

⁹ Täbocö, ttä̧do̧tö̧ mi̧nä̧rö̧ chi̧huȩnȩ iyö Egipto rȩjȩttö̧, ttu̧mö̧nä̧ 'chu̧'ä̧rö̧ rädepinö'a̧nö̧mä̧ jȩpo̧cö̧sä̧. Chi̧huȩnȩ päinö ta'anö jȩpo̧co̧tö̧ pi̧nä̧tö̧. Ja̧'hua̧nö̧ ja̧'a̧ttö̧ jahuätörö jarochi'inä̧u̧, pä'ödo Tu̧ru̧hua̧mä̧.

Nuevo Testamento Uwotjüja

⁹ Ja̧'wa̧nü̧ ja̧'a̧nä̧ ttü̧tä̧mü̧mi̧nä̧rü̧ Egito-ttü, rä'epü iku, chesekuinü̧'anü̧mä̧kü̧; Juätümä̧ ttüarodiyäku, ja̧'a̧tä̧tä̧ ja̧ro̧chi̧nä̧u̧, pä'inü̧ Tu̧ru̧wa̧mä̧.

Hebreos 8:9 Referans Kwoze

Gálatas 4:24

Pi̧yȩ huȩnȩtö̧ pättö'a̧nö̧ jö̧. Jahuätö nä̧tö̧ ta̧ju̧nä̧mä̧ Diosmä todärenä tti̧huȩyu̧ta̧ pä'ö hueina'a jä̧'i̧nö̧'a̧nö̧ ja̧'a̧. Koromä Agarrö pä'ö päömä Sinaí möä'cattö i̧huȩyu̧ti̧nö̧ pä'ö päa'a. Ja̧u̧ huȩyu̧cuä̧ esetö uhuäpächätömä ttumöhuäyotö tta pä'ö uhuäpächätö.

San Marcos 8:23

Ja̧'hua̧ ja̧'a̧ttö̧ Jesús ja̧u̧ ä̧to̧ca̧ u̧mö̧nä̧ 'chu'ädö, ötahuiyä abocu oipinäcudo. Jesús ä isoya tu'epö, u̧mö̧nä̧ mȩ'ö̧ jä'epinödo: —¿Ji̧'qui̧cha̧nö̧tä̧ topöjä tä̧ji̧?

Hechos 13:11

Jitämä Tu̧ru̧hua̧ ucuru ro̧'ȩpö̧ u̧huo̧juȩtä̧cua̧jä̧. Ucu cuä̧to̧cä̧chä̧cua̧jä̧. Recuonänö kä̧hua̧rö̧ tocu'u juiyönä pä̧cu̧'i̧'ä̧cua̧jä̧ Tu̧ru̧hua̧rö̧ pä̧huä̧ rö̧jo̧mȩ jubö päi'önä, —päinäcudo Pablo. Yotäcu isoppa idicuoppa jä̧'i̧nö̧'a̧nö̧ joppa ö'ärenä ma̧ä̧cu̧, yo̧ö̧nä̧ ki̧nö̧do. Ya̧tȩ ja̧u̧ru̧ u̧mö̧nä̧ 'chu̧'ä̧rö̧ ȩpa̧rö̧ pä'ö usu huecähuinödo.

Hechos 9:8

Saulo rȩjȩttö̧ ä̧rä̧mi̧'ö̧, ö'äre yeädomenä, topocö pi̧nö̧do. Ja̧'hua̧ ja̧'a̧ u̧mö̧nä̧ 'chu̧'ä̧rö̧ Damasco ötahuiyära̧'a̧ ttȩpi̧nä̧cu̧do.

Hechos 7:36

Ja̧u̧tä̧ Moisés ujutu tä̧do̧tö̧ mi̧nä̧ Israel ttö̧ja̧rö̧ rä'epö icuinödo Egipto rȩjȩttö̧. Ja̧'hua̧ta̧nö̧ ttö̧ja̧ ttieru juäi'inä i̧jȩpi̧nö̧do Egipto rȩjȩnä̧'i̧nä̧, Rojo duboranä'inä, ttö̧ja̧ tome'inä ttö̧ja̧ ta̧ju̧ a̧'ȩ 'cuäoi'önä.