Hebreos 8:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧nä̧ jahuätö ttö̧ja̧ suronä jȩtta̧'a̧ topinödo Dios. Dios Huȩyu̧cuä̧ Huȩnȩnä̧ päa'a jahuätörö: Tu̧ru̧hua̧ pä'ödo: koronö mo̧ro̧ päi'äcua'a Israel ttö̧ja̧rö̧'i̧nä̧, Judá ttö̧ja̧rö̧'i̧nä̧ jareö huȩnȩ chiyäcuotö.

Nuevo Testamento Uwotjüja

⁸ Ja̧'wa̧nü̧ ja̧'a̧nä̧, wopäkuäunü̧ pä'inü̧: «Tu̧ru̧wa̧mä̧ pä'ü: Irae ttü̧ja̧rü̧'i̧nä̧ ja̧'wa̧ta̧nü̧ Judá ttü̧ja̧ku̧'i̧nä̧ jareünä̧ cheseku mo̧ro̧ ichäkua'a.

Hebreos 8:8 Referans Kwoze

Hebreos 12:24

Jesús, jareö huȩnȩ tta̧huä̧rä̧cuä̧huä̧ i̧sa̧rö̧'i̧nä̧, ucuoja dattepinoya, Abel ucuojattö'inä abonänö adiu ucuocuoya'inä tö'cöpächätöjä.

Hebreos 9:15

Ja̧'hua̧nö̧ ja̧'a̧ttö̧ chutä Jesucristo ja̧u̧ jareö huȩnȩ tta̧huä̧rä̧cuä̧huä̧ i̧sa̧do. Cristo 'corupä'i'inödo, pä'äji huȩnȩ jȩtti̧nö̧ ka̧cui̧nä̧tö̧'i̧nä̧ suronä jȩtti̧nö̧ jȩpö̧ icua pä'ö. Ja̧'hua̧ta̧nö̧ Dios huoinä̧u̧'i̧nä̧ adihuä juäi kä̧cuä̧huä̧ iya päinö ttȩmä̧ pä'ö, 'corupä'i'inödo.

2 Corintios 3:6

Ja̧u̧mä̧ jareö huȩnȩ iyö, ujuturu ppä'ädö ja̧u̧ huȩnȩ päö'a̧nö̧ jȩta̧ pä'ö. Ja̧u̧ jareö huȩnȩmä̧ huȩyu̧cuo̧ca̧'a̧do. Ja̧u̧mä̧ Espíritu Santottö ȩmä̧huä̧ ja̧'a̧do. Pi̧jä̧ hueähuä huȩnȩ ttö̧ja̧rö̧ cuä'ö icuähuä huȩnȩ. Ja̧'hua̧nö̧ ja̧'a̧nä̧'i̧nä̧ ja̧u̧ Espíritu Santo kä̧cuä̧huä̧ iyö.

1 Corintios 11:25

Ja̧'hua̧ta̧nö̧ ttu̧cuȩ ttucuäji o'ca'a, i̧so̧'ta̧'i̧nä̧ u̧mö̧nä̧ 'chu̧'ä̧rö̧ pä'inödo: “Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Cuahuätucuomenä, ttörö amöcuädö jȩpä̧tu̧cui̧.”

San Lucas 22:20

Ttu̧cuȩ ttucuäji o'ca'a, ja̧'hua̧ta̧nö̧ jȩpi̧nö̧do i̧so̧'ta̧'i̧nä̧ 'chu̧'ä̧rö̧. Pä'inödo: —Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a ucuturu ppäda pä'ö.

San Marcos 14:24

Jahuätörö pä'inödo: —Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätörö ppäda pä'ö.

San Lucas 17:22

Ja̧'hua̧nö̧ ja̧'a̧ pä'inödo u̧huo̧juȩtä̧u̧ru̧: —Yodoji 'cuäopomenä, “Ubo I̧tti̧ ö̧ji̧nö̧ mo̧ro̧ jö̧'a̧nö̧ ja̧'a̧ totahue” päcuhuäcuotöjä. Ja̧'hua̧nö̧ ja̧'a̧nä̧ topocotö cuäcuotöjä.

San Mateo 26:28

Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätö ttö̧jä̧ suronä jȩttö̧ jȩpö̧ icua pä'ö.

Hebreos 7:22

Ja̧'hua̧nö̧ ja̧'a̧ttö̧ Jesúsru esetäcuähuänä pä'äji huȩnȩttö̧'i̧nä̧ abonänö adihua'ado.

Hebreos 8:6

Jesús ujutu ji̧nä̧ isocu sacerdote ru̧hua̧mä̧, ja̧u̧ juäittö'inä abonänö adiu jȩpö̧. Ja̧u̧ jareö huȩnȩ, korottö'inä abonänö adihuä juäi iyähuä huȩnȩ tta̧huä̧rä̧cuä̧huä̧ ru̧hua̧ päi'önä kö̧.

Hebreos 8:13

Dios jareö huȩnȩ ucuocuomenä: “Pä'äji huȩnȩ täcö täbo jähuä ja̧'a̧” pä'ödo. Ja̧'hua̧ta̧nö̧ ja̧u̧mä̧ pä'äji jähuämä, täbo jähuä päi'omenä, yodojinänö yoröiso juiyönä beipächäcua'a.

San Lucas 5:38

Ja̧'hua̧nö̧ ja̧'a̧ttö̧ vino isoya jareoyamä muri'quiba jareäbanätä 'carähuädo. Ja̧'hua̧nö̧ jȩtto̧mȩnä̧, yoröiso toei'ocö vino isoya'inä, muri'quiba'inä.