Hebreos 6:19 - TÄ̧DO Ä̧CUÄ̧ I̧HUȨNȨ

¹⁹ Huoi'ca ti̧ä̧dä̧cuä̧huä̧'quȩ 'quiyönä 'chu̧huä̧ra̧'a̧ jä̧'i̧nö̧'a̧nö̧, ja̧u̧ iya päinö tta̧tä̧ro̧mȩnä̧ tami iso'quinä 'quiyönä tta̧huä̧rö̧. Ujuturu tta̧huä̧rä̧cuä̧huä̧ Dios adihuä ö̧jo̧mȩttö̧ i̧sä̧ta̧ abonä isäcä todehua'a jä̧'i̧nö̧'a̧nö̧ ja̧'a̧.

Nuevo Testamento Uwotjüja

¹⁹ Jua̧u̧ tta̧tä̧ra̧'a̧mä̧, jua̧u̧tä̧ ja̧'a̧ 'kiyü tü̧ja̧ku̧nä̧'i̧nä̧, ta̧'kua̧rü̧'i̧nä̧ 'kiyü 'chu̧ä̧rü̧nä̧ jȩü̧mä̧, woi'ka 'chu̧ä̧räkä Ancla pättäkä 'chu̧ä̧rü̧'a̧nü̧. Jua̧u̧ tta̧tä̧rü̧mä̧ Dio-rü ukuokuäkuäwodenä̧ rä̧ta̧, i̧sä̧ta̧ abora̧'a̧ päi'ünä̧ 'kuäo'ina̧'a̧.

Hebreos 6:19 Referans Kwoze

Hebreos 9:7

Ja̧'hua̧nö̧ ja̧'a̧nä̧ juhua'a yabocu i̧so̧ca̧nä̧ sacerdote ru̧hua̧ koro a̧'ȩ'i̧nä̧, koro a̧'ȩ'i̧nä̧ ya'utenätä do'ächödo. Ju̧huo̧ca̧nä̧ doächomenä, äji cuäcuähuotö ttucuoja ȩpö̧do, chutä suronä jȩö̧'i̧nä̧, korotö suronä jȩttö̧'i̧nä̧ micuä päi'önä.

Hebreos 9:3

Ju̧huȩnȩ yabonä, koro i̧sä̧ta̧ abonä, ko̧ro̧ca̧ ji̧na̧'a̧do. Ju̧huo̧ca̧ i̧mi̧mä̧ Ji̧nä̧ Isocu Adihuo̧ca̧ pätti̧no̧ca̧do.

San Mateo 27:51

Jesús ja̧'hua̧nö̧ 'corupäi'omenä, Diosrö ucuocuäcuähuodenä Ji̧nä̧ Isocu Adihuo̧ca̧ äpate ä'ca tto̧ȩcuä̧ta̧ huämettö kä̧mä̧dö̧, rȩjȩcu̧ päi'önä sȩrä̧chi̧pi̧na̧'a̧do yoröiso juiyönä päi'önä. Rȩjȩ'i̧nä̧ ttö̧ȩpi̧na̧'a̧do. Inähuiyä'inä rireipina'ado.

Colosenses 3:1

Iso päi'önä ucutumä Cristocu tto'ächinätöjä. Ja̧'hua̧nö̧ ja̧'a̧ttö̧ tö̧ä̧nä̧hua̧'a̧ jähuä, mo̧ro̧jä̧ jähuä, usätucui. Juhua'attö, mo̧ro̧jä̧ttö̧, Cristomä Dios u̧huo̧jua̧'a̧nä̧ pö̧.

2 Timoteo 2:19

Ja̧'hua̧nö̧ ja̧'a̧nä̧ Diosrö teseta pä'ö äcuomenä aditinömä, 'quiyö ka̧'a̧. Dios aditinömä pa̧'a̧nö̧ päa'a: “Tu̧ru̧hua̧ chutä umöhuäyotörö huo̧jua̧.” Ja̧'hua̧ta̧nö̧ päa'a: “O'ca toi'önä Cristo i̧mi̧nä̧ ucuocuätömä, surojöttö 'quȩtti̧pä̧chö̧'a̧nö̧ ja̧'a̧.”

Hechos 27:29

Inähuänä dötä pä'ö ye'ecu, pa̧ja̧cuä̧nö̧ cuo̧rä̧u̧jä̧ amäcö o̧juä̧ huoi'ca 'chu̧huä̧rö̧ o̧juä̧ kä'ö icuinätö huoi'ca ubö'cattö. Ja̧'hua̧nö̧ ja̧'a̧ ye'ecu tta̧'ä̧ri̧nä̧tö̧ mo̧ro̧ juoa'anä.

Romanos 4:16

Dios iya pä'ö amöcuädinömä, churutä esetäcuähuänätä iyö. Ja̧u̧ mippoönä iya pä'inö o'ca toi'önä Abraham i̧tti̧mö̧ isotörö, Moisés hueähuä huȩnȩ jȩpä̧tö̧rö̧'i̧nä̧, Abraham esetinö ta'anö esetätörö'inä. Ja̧'hua̧nö̧ ja̧'a̧ttö̧ ja̧u̧ Abraham ujutu tä'o ja̧'a̧, o'ca toi'önä esetätömä.

Hechos 27:40

Cuo̧rä̧u̧jä̧ to̧dȩhuo̧chu̧ ä̧nu̧chu̧ 'cui'opö icuinätö cuo̧rä̧u̧jä̧ jacuoto jaropi'ö. Pȩä̧dä̧rä̧cuä̧huä̧ odä ejädinätö huoi'ca pȩttä̧dä̧ra̧ pä'ö. Päjure'ca i̧sä̧ta̧ pä'äji ta'anö 'cha'ädö nö'cö ku̧ni̧nä̧tö̧. Ja̧'hua̧nö̧ ja̧'a̧ kä̧ru̧'coppatä ȩpa̧'a̧nä̧ tö'cöpächi'inätöjä rȩba̧ra̧'a̧.

Hebreos 4:16

Ja̧'hua̧nö̧ ja̧'a̧ttö̧ adihuä Dios ö̧jo̧mȩ, eseunu tötö'cöhuächö'a̧nö̧ ja̧'a̧, ja̧u̧ re rö̧jö̧nä̧ toäcua'a̧nö̧ ujuturu. Ja̧'hua̧ta̧nö̧ ujuturu suronä 'cuäopomenä, adiu ppädäcua'a̧nö̧.

Efesios 2:6

Ja̧'hua̧ta̧nö̧ Cristorö teseta'attö, Dios Cristo Jesúscu ji̧nä̧ yo̧mȩtȩnä̧ ttoädinä̧u̧jä̧. Ja̧'hua̧ta̧nö̧ chutäcu tö̧'ä̧mä̧da̧ pä'ö hue'inödo mo̧ro̧jä̧ra̧'a̧.

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

Hechos 23:6

Ja̧'hua̧nö̧ ja̧'a̧ Pablomä u̧huo̧jua̧'a̧ttö̧ judíos ttö̧ja̧ ji̧nä̧ iso ruhuotöttö korotö saduceos huotö pi̧nä̧tö̧, korotö fariseos huotö pi̧nä̧tö̧, jahuätö ttä'ca jo̧mȩ huopinö: —Chahuaruhuä, ttömä fariseo ttö̧jä̧ i̧sa̧sä̧. Chä'o'inä, cha̧ju̧'i̧nä̧ fariseos ttö̧ja̧ pi̧nä̧tö̧. 'Corupä'i'ätö ttoächäcuähuä huȩnȩ esetö tta̧dä̧ra̧'a̧ttö̧, ttörö jä'epö ä̧ju̧cuä̧tö̧jä̧.

Romanos 4:18

Abraham täbocö tta̧ttä̧rä̧cuä̧huo̧ca̧'a̧nä̧, esetö tta̧'ä̧rä̧cuä̧hui̧nö̧. Ja̧'hua̧nö̧ ja̧'a̧ttö̧ recuätö ttö̧ja̧ ttä'o pi̧nö̧, Dios päina'attö. Dios päinäcu: “Ja̧'hua̧nö̧ jä̧cua̧'a̧ ucu isotö.”

Romanos 5:4

Tami 'qui'ächi'ö tö̧ja̧cuo̧mȩnä̧, ji̧nä̧ isocu tami 'qui'ächi'ö ka̧cuä̧tö̧jä̧. Ja̧'hua̧ta̧nö̧ tami 'quitächi'a'attö, eseunu tta̧'ä̧rä̧tö̧jä̧.

1 Corintios 13:13

Ja̧'hua̧nö̧ ja̧'a̧ttö̧ adiu esetäcuähuä'inä, Diosrö tta̧huä̧rä̧cuä̧huä̧'i̧nä̧, ttahuaruhuärö repeähuä'inä yoröiso beipocö. 'Cuäopönä kä̧cua̧'a̧. Juhuorö'inä ttahuaruhuärö repeähuämä korottö'inä abonänö adihua'a.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

1 Pedro 1:3

Tu̧ru̧hua̧ Jesucristo Jä'o Diosrö teseäcuähuätucuaja. Dios ujuturu hue'inö jareönä tuhuäpächa pä'ö, Jesucristo 'corupäi'äja'attö ttoächinö huȩnȩ esetö. Ja̧'hua̧nö̧ esetö, adihuä juäi huȩnȩ tta̧'ä̧rä̧tö̧jä̧.