Hebreos 6:17 - TÄ̧DO Ä̧CUÄ̧ I̧HUȨNȨ

¹⁷ Ja̧'hua̧nö̧ ja̧'a̧ttö̧ Dios, chutä i̧mi̧nä̧ ucuocu iya pä'inödo. Ja̧u̧ adihuä juäi iya päinö ttȩmä̧cuo̧tö̧mä̧, o'ca juiyönä päinö ta'anö i̧yä̧cua̧, adiunä ttu̧huo̧jua̧ pä'ö pä'inödo.

Nuevo Testamento Uwotjüja

¹⁷ Ja̧'wa̧nü̧ ja̧'a̧ttü̧, iyäkuä̧u̧ru̧ Dio-mä̧ chi̧yä̧kua̧sä̧ päinü̧mä̧ pärowächü juiyünä̧ jueünä̧tä̧ iya pä'ü ukuokuinü̧, juramento pättünä̧ wȩnȩtü̧.

Hebreos 6:17 Referans Kwoze

Hebreos 6:18

Ja̧'hua̧nö̧ ja̧'a̧ttö̧ koro juäi todäre jo̧mȩnä̧mä̧, yoröiso pärohuocö ja̧'a̧. Ja̧u̧ juäimä, Diosmä yoröiso yapareu pä'ocö. Ja̧u̧ juäi amöcuädö, Diosrö esetö kä̧nö̧, ujuturu ppä'ädö eseunu tö̧ja̧cua̧ pä'ö Dios iya päinö tta̧tä̧ro̧mȩnä̧.

Hebreos 11:9

Diosrö esetö, ya̧tȩ korotö tti̧rȩjä̧nä̧ ö̧jö̧'a̧nö̧, Dios iya päinome ki̧nö̧do Abraham, isotö tti̧jȩti̧yu̧ttu̧ adicuodenä Isaaccu, Jacobocu ki̧nö̧do. Jahuätörö'inä ju̧huä̧jä̧ rȩjȩ iya pä'inödo Dios.

San Juan 10:10

“Nä̧u̧cuä̧rö̧ i̧sa̧, nä̧u̧cuä̧rö̧ cuä'ö icua pä'ö ichö bettipächönä. Ttömä ichinösä o'ca juiyönä eseunu adiunätä ttö̧ja̧cua̧ pä'ö.

1 Pedro 3:7

Ucutu'inä u̧mä̧tö̧, cuirecuarö repe'ö ka̧cuä̧tu̧cui̧. Adiu ucuotönö amöcuädätucui jahuätörö, ucututtu'inä abonänö juiyupätörö. Diosrö pä̧huä̧ rö̧jo̧mȩnä̧, ucuturu iyinö ta'anö, jahuätörö'inä iyinö cunichi'ätucuoca'a ka̧cuä̧tu̧cui̧. Ja̧'hua̧nö̧ jȩpä̧tu̧cui̧, Diosrö cucuocuätucuomenä, surojö juiyäcua'a̧nö̧.

1 Pedro 1:3

Tu̧ru̧hua̧ Jesucristo Jä'o Diosrö teseäcuähuätucuaja. Dios ujuturu hue'inö jareönä tuhuäpächa pä'ö, Jesucristo 'corupäi'äja'attö ttoächinö huȩnȩ esetö. Ja̧'hua̧nö̧ esetö, adihuä juäi huȩnȩ tta̧'ä̧rä̧tö̧jä̧.

Santiago 1:17

O'ca juiyönä adiumä ttö̧ä̧nä̧huo̧mȩttö̧ icha'ado. Diosttö kä̧hua̧tö̧rö̧'i̧nä̧, si̧ri̧'cö̧rö̧'i̧nä̧ aditinöttö icha'ado. Diosmä yoröiso pärou icuocö. Tti jo̧mȩ pärohue'ö kö̧'a̧nö̧, pärohuocö Diosmä.

Hebreos 6:16

Pi̧jä̧ ttö̧ja̧ koro juäi jȩtta̧ pätta'anä, ka̧ra̧ jahuätöttö'inä abonänö ju̧ru̧hua̧ i̧mi̧nä̧ jȩtta̧ pä'ö ucuocuätödo. Ja̧'hua̧nö̧ jȩtta̧ pä'ö ttucuocuomenä, juhua'a yabonö ucuocuäcuähuocö.

Hebreos 6:12

Kö'cocotöjä cutähuätucuttumä. Dios adihuä juäi iya päinö Diosrö esetö ttami 'qui'ächi'önö ȩmö̧ jȩttö̧'a̧nö̧, ucutu'inä jȩcu̧'ä̧tu̧cua̧ pä'ätöjä.

Gálatas 3:29

Iso päi'önä Cristorö cuesetätucuttumä, Abraham mi̧nä̧ isotö isotöjä. Ja̧'hua̧ta̧nö̧ o'ca juiyönä Dios iya päinömä cuȩmä̧cuo̧tö̧jä̧.

Romanos 11:29

Dios iyömä ppa̧'ä̧dö̧mä̧ icuocö. Ja̧'hua̧ta̧nö̧ huoä̧u̧ru̧ rä'epö icu'inä, rä'epö icuocö.

Hebreos 11:7

Diosrö esetö, Dios, koro juäi ji̧nä̧ tottocö 'cuäopäcua'a jiähuomenä, Dios päinö ta'anö jȩpi̧nö̧do Noémä. Huoi'ca rö̧ä'ca aditinödo ahuaruhuäcu ö̧ji̧pa̧ pä'ö. Noé Diosrö eseta'attö, pi̧jä̧ ttö̧ja̧rö̧ ro̧ȩcuä̧ 'cuäopina'ado. Ja̧'hua̧ta̧nö̧ Diosrö esetomenä, Dios esehuinäcudo o'ca toi'önä Diosrö esetätörö eseu'a̧nö̧.

Romanos 8:17

Dios i̧tti̧mö̧ päti'a'attö, Dios iya päinömä tȩmä̧cuo̧tö̧jä̧. Ja̧'hua̧ta̧nö̧ Cristorö iyö'inä, yoräteunä tȩmä̧cuo̧tö̧jä̧. Cristo ubara ttuhuinö ta'anö, ubara ttututtumä, Cristocu eseäcuähuä tȩmä̧cuo̧tö̧jä̧.

Santiago 2:5

Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

Efesios 1:11

Ja̧'hua̧ta̧nö̧ ujutu Cristorö tesetomenä, Dios ȩmi̧nä̧u̧jä̧ pi̧jä̧ juiyäi'inä, ujutu'inä iyä̧cuȩ tȩma̧ pä'ö. Ja̧u̧ o'ca juiyönä 'cuäopa'a chutä amöcuädö pä̧huä̧ rö̧jo̧mȩnä̧.