Hebreos 6:10 - TÄ̧DO Ä̧CUÄ̧ I̧HUȨNȨ

¹⁰ Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

Nuevo Testamento Uwotjüja

¹⁰ Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

Hebreos 6:10 Referans Kwoze

San Mateo 10:42

Ja̧'hua̧ta̧nö̧ pä'ösä, ya̧tȩ, ttöcu cue'ächörö ajiya ji̧'qui̧cha̧nö̧tä̧ eseunu iyöttömä, ja̧u̧'i̧nä̧ adihuä juäi ȩmä̧cua̧, —pä'inödo Jesús.

Hebreos 13:16

Adiu jȩä̧cuä̧huä̧nä̧ cunichi'ätucuä'. Ja̧'hua̧ta̧nö̧ cu̧ju̧nä̧rä̧tu̧cu̧ttu̧'i̧nä̧ iyö, korotörö ppäcuhuädätucua pä'ö cunichi'ätucuä'. Ja̧'hua̧nö̧ jȩpö̧, sacrificio päi'önä jȩpä̧tö̧jä̧ Dios esehua'anä.

Gálatas 6:10

Ja̧'hua̧nö̧ ja̧'a̧ttö̧ koronö'inä o'ca toi'önärö adiu jȩtö̧'a̧nö̧ ja̧'a̧. Iso päi'önä tö̧jä̧hua̧tö̧rö̧ Diosrö esetätörö adiu jȩtö̧'a̧nö̧ ja̧'a̧.

Hechos 10:4

Cornelio ángelrö ye'ö to̧pä̧rö̧ ki̧nö̧do. Pä'inödo: —¿Däjejä̧ttö̧, Chu̧ru̧hua̧? Angel pä'inödo: —Diosmä churutä cucuocua'attö eseunu ä̧ju̧cui̧nö̧. Usurä isotörö ppäcuhuädinömä eseunu topinö.

1 Tesalonicenses 1:3

Tä'o Dios ä'ca jo̧mȩttö̧ amöcuädätöjä ucutu Diosrö adiu esetö cuaditätucua'a. Ja̧'hua̧ta̧nö̧ ucutu cuahuaruhuärö adiu repe'ö cuaditätucua'a amöcuädätöjä. Ja̧'hua̧ta̧nö̧ cuami 'qui'ächi'ö kä̧nö̧, Tu̧ru̧hua̧ Jesucristorö adiu tta̧cu̧huä̧rä̧tu̧cua̧'a̧ amöcuädätöjä.

Colosenses 3:17

O'ca juiyönä jȩcu̧'ä̧tu̧cu̧'i̧nä̧, cucuocuätucu'inä Tu̧ru̧hua̧ Jesucristo i̧mi̧nä̧ jȩpä̧tu̧cui̧. 'Cuäopönä ja̧u̧tä̧ i̧mi̧nä̧ esehuätucui Tä'o Diosrö.

1 Timoteo 6:18

Ya̧tȩ järe ru̧hua̧ rö̧ȩnä̧ u̧ju̧nä̧ra̧'a̧ jä̧'i̧nö̧'a̧nö̧, rö̧ȩnä̧ adihuä juäi ttu̧ju̧nä̧rä̧cua̧'a̧nö̧, adiunätä jȩtta̧ pä'ö ji'ähuitö. Ttöäre'inä korotö jui'ätörö ttiya pä'ö ji'ähuitö.

San Marcos 9:41

Iso päi'önä ucutu Cristorö cuesetätucua'attö, ya̧tȩ ttö chi̧mi̧nä̧ ucuturu ajiya ji̧'qui̧cha̧nö̧tä̧ eseunu iyöttömä, ja̧u̧mä̧ ȩmä̧cua̧ adihuä juäi.

Romanos 12:13

Ppä'ädätucui Jesucristorö esetätörö recuä rö̧jä̧u̧ru̧. Ucuturu do'ächätörö, adiu ppä'ädätucui.

Hechos 11:29

Ja̧'hua̧nö̧ ja̧'a̧ Jesucristorö esetätömä, Antioquía ötahuiyänä ka̧cuä̧tö̧mä̧, ji̧nä̧ yo̧mȩtȩ amöcuädinätödo ttu̧ju̧nä̧rö̧ttö̧ huetta pä'ö ttö̧jä̧hua̧tö̧ Judea rȩjȩnä̧ ka̧cuä̧tö̧rö̧ ppättäda pä'ö.

Gálatas 5:13

Chö̧jä̧hua̧tö̧, Dios ucutumä ttumöhuäyotö päi'önä cu̧ja̧cuä̧tu̧cu̧ juiya pä'ö huoinä̧u̧jä̧. Ja̧'hua̧nö̧ ja̧'a̧nä̧ adiunä kä̧nö̧, ucuturutä cuamönätucutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧. Cuahuaruhuärö repe'ö kä̧nö̧, ka̧ra̧ ka̧ra̧nö̧ ppä'ädätucui.

Hechos 10:31

Ja̧u̧ pä'äji ttörö: “Ucu Cuä̧do̧ ä̧cua̧rö̧ cucuocua'a eseunu ä̧ju̧cuä̧ji̧ Diosmä. Usurä isotörö ppäcuhuädinömä eseunu amöcuädäji, Cornelio.

San Juan 13:20

Iso päi'önä pä'ösä ucuturu, ya̧tȩ ttö huȩdä̧cua̧rö̧ ppä'ädömä, ttörö'inä ppä'ädö. Ja̧'hua̧ta̧nö̧ ya̧tȩ ttörö adiu ppä'ädömä, ttörö hue'inörö'inä ppä'ädö, —pä'inödo Jesús.

2 Timoteo 4:8

Adiu jȩchi̧na̧'a̧ttö̧, ttö̧ja̧rö̧ pojocuä mo̧ro̧ päi'omenä, Tu̧ru̧hua̧ adihuä juäi iya päinömä i̧yä̧cua̧ ttörö. Chutä adihuä Tu̧ru̧hua̧mä̧ o'ca toi'önärö pä̧cua̧. Ttörötä ya̧tȩrö̧tä̧mä̧ iyocö. O'ca toi'önä ja̧u̧ru̧ adiu esetö ichä̧cuȩ mo̧ro̧ tta̧'ä̧rä̧tö̧rö̧ i̧yä̧cua̧.

2 Corintios 9:1

Tö̧jä̧hua̧tö̧rö̧, Cristorö esetätörö, ttiyö huȩnȩ chi̧huȩyu̧tu̧ juiyö'a̧nö̧ ja̧'a̧ ucuturu.

1 Juan 1:9

Suronä jȩtö̧ jitäuttumä, Dios päinö ta'anö adiu jȩpö̧, suronä jȩtö̧ jȩpö̧ i̧cuä̧cua̧. O'ca juiyönä jarode'ö jȩtö̧ töcö i̧cuä̧cua̧ ujuturu.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

Hebreos 10:32

Ja̧'hua̧nö̧ ja̧'a̧nä̧ pä'äji tȩa̧u̧ jareönä cuesetätucuomenä, rö̧ȩnä̧ rohuäu kä̧nö̧, cuami 'qui'ächö ubara ttucuhuinätucumä amöcuädätucui.

San Mateo 20:7

Jahuätö ädätinätödo: “Tadita pä'ö hue'ocotö päjätö ujuturu.” Ja̧'hua̧nö̧ pättomenä, pätta ru̧hua̧ pä'inödo: “Ja̧'hua̧nö̧ jö̧ttö̧mä̧ ucutu'inä chö'ättanä aditäjätucui. Cuaditö micuähuome jo̧mȩ chi̧mi̧tä̧cua̧sä̧ ucuturu.”

San Mateo 25:17

Ja̧'hua̧ta̧nö̧ dos mil bolívares jo̧mȩnä̧ ȩmi̧nö̧mä̧, koro juäi aditö jitä ya'ute dos mil bolívares jo̧mȩnä̧ ȩmi̧nö̧do.