Hebreos 5:13 - TÄ̧DO Ä̧CUÄ̧ I̧HUȨNȨ

¹³ Iso päi'önä lechetä ahuätömä, ppo̧'ä̧tö̧ atate isoya ahuätö jä̧'i̧nö̧'a̧nö̧ huotödo. Adiunä kä̧cuä̧huä̧nä̧ yoröiso jerupätödo.

Nuevo Testamento Uwotjüja

¹³ Ja̧'wa̧nü̧ ja̧'a̧ttü̧, rechi aumä̧ adiwä kkä̧kuä̧wä̧ wȩnȩ jȩru̧pa̧, jua'amä̧ ji̧'ki̧cha̧wa̧ ja̧'a̧ttü̧.

Hebreos 5:13 Referans Kwoze

1 Pedro 2:2

Ya̧tȩ ji̧'qui̧cha̧hua̧ ttatate isoya ahua pä'ö usu'a̧nö̧, usätucui ucutu'inä adihuä juäi huȩnȩ, juhua'a yabonö cujuruhuätucua pä'ö, ja̧'hua̧ta̧nö̧ Dios ucutu suronä jȩcu̧'ä̧tu̧cu̧ jȩpö̧ icua pä'ö.

1 Corintios 14:20

Chö̧jä̧hua̧tö̧, ppo̧'ä̧tö̧ ttamöcuäda'a jä̧'i̧nö̧'a̧nö̧ cuamöcuädätucuä' ucutumä. Surojö jȩä̧cuä̧huä̧nä̧tä̧, ppo̧'ä̧tö̧ jȩttö̧'a̧nö̧ jȩpä̧tu̧cui̧. Juhuorö'inä adiunä jȩä̧cuä̧huä̧nä̧mä̧, tä̧mö̧ jȩttö̧'a̧nö̧ jȩpä̧tu̧cui̧.

2 Timoteo 3:16

O'ca juiyönä adihuä Huȩyu̧cuä̧ Huȩnȩ Dios iyinö. Adihua'a huo̧juȩcuä̧nä̧. Ja̧'hua̧ta̧nö̧ adihua'a tä̧bo̧cuä̧nä̧'i̧nä̧. Korotö i̧mi̧cu̧nä̧ huȩnȩ jittähua'anä, pi̧yȩ huȩnȩ adihuä jiäcuähuänä. O'ca toi'önä huo̧jui̧cuä̧nä̧ adihua'a, adiu jȩpö̧ ttö̧ja̧cua̧ pä'ö.

Efesios 4:14

Jitämä pärohuächocotöjä ppo̧'ä̧tö̧ jä̧'i̧nö̧'a̧nö̧. Ja̧'hua̧ta̧nö̧ korotö adihuä juäi huȩnȩ ji'ähuocotömä, koro yapareu huȩnȩ, jareö huȩnȩ jittähuomenä, esetocotöjä ujutu.

1 Corintios 3:1

Chö̧jä̧hua̧tö̧, ttö̧ja̧ Espíritu Santocu cuettächö'a̧nö̧ huotörö ttucuocu'a̧nö̧, ucuocuocö pi̧nö̧sä̧ ucuturu. Pärocua'acu ttö̧ja̧ jitötä ttamönä jȩttö̧'a̧nö̧ huotörö ucuocuinösä, ppo̧'ä̧tö̧rö̧ ttucuocua'a jä̧'i̧nö̧'a̧nö̧ adiu cuä̧ju̧cuä̧tu̧cuä̧cua̧'a̧nö̧ Cristo i̧huȩnȩ.

2 Corintios 3:9

Ja̧u̧nu̧mä̧ pi̧jä̧ hueähuä huȩnȩ, ttö̧ja̧rö̧ cuä'ö icuähuä huȩnȩ ȩmö̧, rö̧ȩnä̧ esehuinätödo. Ja̧'hua̧nö̧ ja̧'a̧ttö̧ iso päi'önä Dios ujutu suronä jȩtö̧ jȩpö̧ icu huȩnȩ esetö, ji̧nä̧ isocu tesehuäcua'a̧nö̧.

1 Corintios 13:11

Ji̧'qui̧cha̧hua̧ cheimä, ppo̧'ä̧tö̧ ttucuocu'a̧nö̧, ucuocuinösä ttömä. Ja̧'hua̧ta̧nö̧ ppo̧'ä̧tö̧ ttamöcuädö'a̧nö̧, amöcuädö jȩpi̧nö̧sä̧. Ja̧u̧nu̧ o'ca'a böo juodomenä, ja̧u̧ ppo̧'ä̧tö̧ jȩttö̧'a̧nö̧ jȩchi̧nö̧mä̧ jaropi'inösä.

San Marcos 10:15

Iso päi'önä pä'ösä ucuturu, ya̧tȩ ji̧'qui̧cha̧hua̧ Dios Chu̧ru̧hua̧ päi'önä kö̧ pä̧ö̧'a̧nö̧ pä'ocotömä, Dios ö̧jo̧mȩ do'ächocotö ttäcuotö.

San Mateo 11:25

Ja̧u̧nu̧ pä̧nä̧ Jesús ucuocuinödo: —Chä'o, mo̧ro̧jä̧'i̧nä̧, pi̧jä̧'i̧nä̧ Tu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧.

Romanos 2:20

Ja̧'hua̧ta̧nö̧ amöcuädocotörö chu̧huo̧juȩtö̧'a̧nö̧ ja̧'a̧. Ji̧nä̧ jerupätörö'inä chu̧huo̧juȩtö̧'a̧nö̧ ja̧'a̧”, pä'öjä. Ja̧'hua̧ta̧nö̧ hueähuä huȩnȩ cu̧ju̧nä̧ra̧'a̧ttö̧, pä'öjä: “O'ca juiyönä hueähuä huȩnȩ huo̧jua̧sä̧. Ttö pädömä iso päi'önä ja̧'a̧”, pä'öjä.

2 Juan 1:11

Ja̧u̧ru̧ te'äumä chutä suronä jȩö̧ ta'anö suronä jȩpö̧.