Hebreos 2:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧ta̧nö̧ o'ca juiyönä rötinöjä ö̧jä̧pö̧ dȩa̧'a̧nä̧, päa'a Huȩyu̧cuä̧ Huȩnȩ. Ja̧'hua̧nö̧ ja̧'a̧ttö̧ ubo ö̧jä̧pö̧ dȩa̧'a̧nä̧ o'ca juiyönä rötinödo Dios päomettö, iso päi'önä o'ca juiyönä huea pä'ö hue'inödo päa'a. Yoröiso pi̧'o̧cö̧ ji̧nö̧do. Ja̧'hua̧nö̧ ja̧'a̧nä̧ ji̧nä̧ o'ca juiyönä huea'amä topocotöjä.

Nuevo Testamento Uwotjüja

⁸ «Ukú kuaditäwänä̧ weta pä'ü kuiyinä̧u̧jä̧.» Isopäi'ünä̧ o'kajuiyünä̧ weta pä'ü turuwo iyinä̧u̧jä̧; ja̧'wa̧nü̧ Dio-mä̧ iyina'amä̧, aditäwättümä̧ Jua̧u̧ru̧ jarodümä̧ yorisotä juiya'a. Ja̧'wa̧nü̧ ja̧'a̧nä̧, ji̧nä̧ topokotüjä̧ o'kajuiyünä̧tä̧ pi̧jä̧ jäwä jua̧u̧ru̧ ukuota'amä̧.

Hebreos 2:8 Referans Kwoze

San Juan 13:3

Chutä Jesús, Dios ö̧jo̧mȩttö̧ ichina'a pä'ö huo̧jui̧nö̧do. Ja̧'hua̧ta̧nö̧ Dios ö̧ja̧'a̧cu̧ ppa̧huä̧chä̧cua̧ huo̧jui̧nö̧do. Ja̧'hua̧ta̧nö̧ Dios o'ca juiyönä ujuru iyinäcu huo̧jui̧nö̧do Jesús.

1 Corintios 15:27

Diosmä o'ca juiyönä rötinödo Cristo ö̧jä̧pö̧ dȩa̧'a̧. Juhuorö'inä Huȩyu̧cuä̧ Huȩnȩ: “O'ca juiyönä rötinödo” päa'anä, churutä, Diosrötä päoca'a. Iso päi'önä chutä Diostä o'ca juiyönä rötinödo.

1 Pedro 3:22

Chutä Jesucristo mo̧ro̧jä̧ra̧'a̧ cä'ecuächinö. Jitämä Dios u̧huo̧jua̧'a̧nä̧ kö̧do. Ja̧'hua̧ta̧nö̧ o'ca toi'önä ángeles'inä, hue'ähuotö'inä Ttu̧ru̧hua̧ päi'önä kö̧do Jesucristomä.

Apocalipsis 1:18

Ttömä ihueye kö̧sä̧. 'Corupä'i'inösä. Ja̧'hua̧nö̧ ja̧'a̧nä̧ jitämä kö̧sä̧ 'cuäopönä. Ttömä 'corupä'i'inätöttö'inä abonänö ju̧ru̧hua̧sä̧. Ja̧'hua̧ta̧nö̧ hua'are huattomettö'inä abonänö ju̧ru̧hua̧sä̧.

Hebreos 1:13

Diosmä ángelesrö yoröiso pä'ocö pi̧nö̧do pa̧'a̧nö̧mä̧: Chö̧'o̧mȩ chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.

Hebreos 2:5

Tucuocuä̧jä̧mä̧, yodoji 'cuäopä̧cuȩmä̧, ángeles huetta pä'ö hue'ocö pi̧nö̧do Dios.

San Juan 3:35

Chutä Jä'omä, I̧tti̧rö̧ repe'ödo. Ja̧'hua̧ta̧nö̧ o'ca juiyönä huea pä'ö hueinäcudo.

San Mateo 28:18

Ja̧'hua̧ ja̧'a̧ Jesús jahuätörö ichi'ö pä'inödo: —Mo̧ro̧jä̧nä̧'i̧nä̧, pi̧jä̧nä̧'i̧nä̧ o'ca juiyönä chujuruhua pä'ö iyinäcusä Diosmä.

Hebreos 1:2

Ja̧u̧nu̧ o'ca'a, jitämä I̧tti̧rö̧tä̧ ucuocuinödo ujuturu. Ja̧'hua̧ta̧nö̧ chutä I̧tti̧, Jä'o ujurunä aditinödo pi̧jä̧ o'ca juiyönä. Ja̧'hua̧ta̧nö̧ Dios o'ca juiyönä ku̧ni̧pi̧nö̧do ja̧u̧ru̧, I̧tti̧rö̧.