Hebreos 2:17 - TÄ̧DO Ä̧CUÄ̧ I̧HUȨNȨ

¹⁷ Ja̧'hua̧nö̧ ja̧'a̧ttö̧ ö̧jä̧hua̧tö̧ ta'anö hua̧, adiunä ji'äu re rö̧jö̧nä̧ topö, Dios ä'ca jo̧mȩttö̧ adihuä sacerdote ru̧hua̧ päi'önä ö̧ja̧ pä'ö ichinödo. Ja̧'hua̧ta̧nö̧ ja̧u̧, ttö̧ja̧ suronä jȩtti̧nö̧ jȩpö̧ icua pä'ö jȩpö̧ sacrificio hui̧nö̧do.

Nuevo Testamento Uwotjüja

¹⁷ Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

Hebreos 2:17 Referans Kwoze

Hebreos 4:14

Jesús, Dios I̧tti̧, do'ächinödo Dios ö̧jo̧mȩ. Ja̧u̧ ji̧nä̧ isocu sacerdote ru̧hua̧ päi'önä kö̧do ujuturu. Ja̧'hua̧nö̧ ja̧'a̧ttö̧ adiunätä esetö tö̧jö̧'a̧nö̧ huotöjä.

Hebreos 2:14

Tti̧tti̧mö̧mä̧ ttidepä'inä, ttucuoja'inä ji̧nä̧ ji̧yȩtȩtä̧ ja̧'a̧. Ja̧'hua̧ta̧nö̧ hui̧nö̧do Jesucristo. Pi̧jä̧ttö̧ idepä'inä, ucuoja'inä ku̧nä̧ri̧nö̧do 'corupäi'a pä'ö. Ja̧u̧ 'corupä'i'inödo, 'corupäi'äcuähuänä ju̧ru̧hua̧rö̧, ähuettärö be'epäjipö icua pä'ö.

Hebreos 7:26

Ja̧'hua̧ ja̧'a̧ttö̧ chutä Jesús ujuturu adihua'ado ji̧nä̧ isocu sacerdote ru̧hua̧ päi'önä ö̧ja̧ pä'ö. Ja̧u̧mä̧ adihuä i̧sa̧do. Ja̧u̧ suronämä yoröiso jȩpo̧cö̧. Suronä jȩpä̧tö̧ttö̧'i̧nä̧ i̧mi̧cu̧nä̧ kö̧. Ja̧'hua̧ta̧nö̧ mo̧ro̧jä̧ttö̧'i̧nä̧ juhua'a yabo ru̧hua̧do.

Romanos 5:10

Ujutu Dios aboiyotö pi̧nä̧tö̧jä̧. Ujutu ja̧'hua̧nö̧ jȩta̧'a̧nä̧'i̧nä̧, Diosmä hue'inö I̧tti̧rö̧ 'corupäi'a pä'ö, ahuaruhuä päti'a pä'ö. Ja̧'hua̧ ja̧'a̧nä̧ ujutu ahuaruhuä tö̧ja̧cua̧'a̧ttö̧, Dios I̧tti̧ ö̧ja̧'a̧ttö̧, juhua'a yabocutä tta̧huä̧rä̧cua̧ ujuturu.

Hebreos 2:11

O'ca toi'önä aditö icuinä̧u̧'i̧nä̧, chutä, jahuätörö aditö icuinö'inä, ya̧tȩtä̧ ja̧'a̧do Tä'omä. Ja̧'hua̧nö̧ ja̧'a̧ttö̧: “Jahuätö ttö chö̧jä̧hua̧tö̧ ja̧'a̧”, päa pä'ö dä'äcuocödo Dios I̧tti̧mä̧.

Hebreos 3:5

Moisés adicuä i̧sa̧ ta'anö adiunätä jȩpi̧nö̧do Dios umöhuäyotörö. Chutä aditähuä päi'önä ucuocuinödo Dios jiähuä̧cuȩtä̧.

Colosenses 1:21

Pä'äjimä ucutu Diosrö cuamöcuädätucumä oto huinätöjä. Yoröiso suronä amöcuädö jȩcu̧'ä̧tu̧cua̧'a̧ttö̧, Dios aboiyotö pi̧nä̧tö̧jä̧. Ja̧'hua̧nö̧ ja̧'a̧ttö̧ ucutu'inä cuesehuätucuarö pä'ö hue'inö, Cristo ubara ttu'u 'corupäi'omenä. Ja̧u̧ ja̧'hua̧nö̧ jȩpi̧nö̧, ucuturu chutä ä'ca jo̧mȩ adiu cu̧ja̧cuä̧tu̧cua̧ pä'ö, yoröiso surojö juiyönä.

Hebreos 7:28

Moisés hueähuä huȩnȩ ttö̧ja̧ juiyupätörö huea'ado sacerdotes ruhuotö päi'önä ttö̧ja̧ pä'ö. Ja̧'hua̧nö̧ ja̧'a̧nä̧ Moisés hueähuä huȩnȩ o'ca'a, Dios päinö huȩnȩ, chutä I̧tti̧rö̧, 'cuäopönä adiunätä jȩpö̧rö̧ huea'ado sacerdotes ru̧hua̧ päi'önä ö̧ja̧ pä'ö.

Efesios 2:16

Ja̧'hua̧nö̧ ja̧'a̧nä̧ dau isodänä 'corujuoächomenä, Cristo be'epäjipö icuinö o'ca juiyönä rohuäcuähuä jahuätöttö. Ja̧'hua̧nö̧ ja̧'a̧ttö̧ jahuätö o'ca toi'önä judíos huotö'inä, judíos huocotö'inä Diosrö ttesehua pä'ö hue'inödo. Ja̧'hua̧nö̧ ja̧'a̧nä̧ jahuätö o'ca toi'önä ya̧tȩnä̧tä̧ pä'i'inätö.

Romanos 15:17

Ttö Cristo Jesúsru cheseta'attö, eseusä Dioscu chaditähuä.

Hebreos 3:2

Moisés Dios umöhuäyotörö o'ca juiyönä adiunä aditinö ta'anö, Jesucristo'inä, Dios ja̧u̧ru̧ hue'inö ä'ca jo̧mȩttö̧, o'ca juiyönä adiu aditinödo.

Hebreos 2:16

Iso päi'önä ángelesrö ppäda pä'ömä ichocö pi̧nö̧do. Abraham ahuaruhuä o'cotörö ppäda pä'ö ichinödo.

Hebreos 3:1

Ja̧'hua̧nö̧ ja̧'a̧ttö̧ chö̧jä̧hua̧tö̧, adihuä juäi jȩpä̧tö̧mä̧, Dios huoinä̧u̧jä̧ i̧tti̧mö̧ cu'ätucua pä'ö. Adiu amöcuädätucui Cristo Jesúsru, adihuä huȩ'ä̧hua̧rö̧. Ja̧u̧ru̧ teseta'attö, ja̧u̧tä̧ adihuä sacerdote ru̧hua̧ päi'önä kö̧do.

Hebreos 4:15

Ja̧u̧ sacerdote ru̧hua̧mä̧, ujutu tijuiyuhuomenä, a̧'cua̧ tta̧nö̧ topö ujuturu. Iso päi'önä ujutu o'ca juiyönä ubara ttutu ta'anö, ja̧u̧'i̧nä̧ ubara ttu'inödo. Ja̧'hua̧nö̧ ubara ttuhuomenä, yoröiso suronämä jȩpo̧cö̧ pi̧nö̧do.

Hebreos 5:1

Pi̧jä̧ttö̧ sacerdote ru̧hua̧mä̧, pi̧jä̧ ttö̧ja̧ttö̧ pojopö topö ku̧nä̧hua̧, Diosrö jä'epö ucuocua pä'ö, Dios pi̧jä̧ ttö̧ja̧rö̧ ppäda pä'ö. Ja̧'hua̧ta̧nö̧ pi̧jä̧ ttö̧ja̧ suronä jȩtto̧mȩnä̧, sacrificios jȩpö̧ Diosrö jä'epö ucuocu.

Hebreos 5:2

Chutä sacerdote ru̧hua̧rö̧'i̧nä̧ korotörö 'cuäopö ta'anö, 'cuäopäcudo. Ja̧'hua̧nö̧ ja̧'a̧ttö̧ jerupätörö'inä, re'tehuächätörö'inä ami 'qui'ächi'ö kö̧.

Hebreos 5:5

Ja̧'hua̧ta̧nö̧ 'cuäopa'a Cristorö'inä. Chutä amöcuädömä sacerdote ru̧hua̧ päi'önä ku̧nä̧huo̧cö̧ pi̧nö̧. Dios hueinäcu ja̧'hua̧nö̧ ö̧ja̧ pä'ö i̧huȩnȩ päinö ta'anö: Ucutä ttö chi̧tti̧jä̧. Jitä mo̧ro̧ ttömä ucu cuä'osä.

Hebreos 5:10

Ja̧'hua̧ta̧nö̧ Dios hueinäcudo sacerdote hua̧ päi'önä ö̧ja̧ pä'ö, Melquisedec ö̧ji̧nö̧ ta'anö.

Hebreos 6:20

Jesús juhua'a do'ächinödo, tu̧mä̧nä̧ ötodeta pä'ö. Ja̧'hua̧nö̧ ja̧'a̧ttö̧ Jesús Melquisedec ö̧ji̧nö̧ ta'anö, sacerdote hua̧ päi'önä kö̧do 'cuäopönä.

Hebreos 8:1

Jitä pätäjimä pi̧yȩjä̧: ujutu adihuä ji̧nä̧ isocu sacerdote ru̧hua̧ ku̧nä̧rä̧tö̧jä̧ mo̧ro̧jä̧ra̧'a̧ttö̧, Dios i̧dȩä̧cä̧ u̧huo̧jua̧'a̧nä̧ pö̧rö̧.

Hebreos 8:3

O'ca toi'önä sacerdotes ruhuotö ofrendas'inä, sacrificios'inä jȩtta̧ pä'ö hue'ähuotödo. Ja̧'hua̧nö̧ ja̧'a̧ttö̧ Jesucristo'inä ofrenda jö̧'a̧nö̧ iyäcua'a̧nö̧.

Hebreos 9:11

Ja̧'hua̧nö̧ ja̧'a̧nä̧ Cristo täcö ichinödo. Jitämä ja̧u̧mä̧ ji̧nä̧ isocu sacerdote ru̧hua̧ päi'önä kö̧. Ja̧u̧tä̧ o'ca juiyönä adihuä juäi tu̧ju̧nä̧rö̧mä̧ ru̧hua̧do. Chutä sacerdote ru̧hua̧ päi'önä aditomenä, koromettö'inä abonänö adihuomedo. Pi̧jä̧ ttö̧ja̧ttö̧ adicuocomedo. Ja̧'hua̧nö̧ pä'ö pi̧jä̧ jähuättömäcö̧ pä'ätöjä.

Hebreos 10:21

Dios ö̧jo̧mȩttö̧ Jesús ji̧nä̧ isocu sacerdote ru̧hua̧ päi'önä kö̧ ujuturu.