Hebreos 13:3 - TÄ̧DO Ä̧CUÄ̧ I̧HUȨNȨ

³ Ja̧'hua̧ta̧nö̧ cärenä pȩjä̧tö̧rö̧ cunichi'ätucuä'. Jahuätöcu cärenä cu̧'ä̧tu̧cua̧'a̧ jä̧'i̧nö̧'a̧nö̧ amöcuädätucui. Korotö suronä jȩttä̧u̧ru̧ amöcuädö, ucutu'inä jahuätöcu ubara ttucuhuätucua'a jä̧'i̧nö̧'a̧nö̧ ppä'ädätucui.

Nuevo Testamento Uwotjüja

³ Ja̧'wa̧ta̧nü̧ kärenä̧ pȩjä̧tü̧rü̧ amükuädätukui, ukutu'i̧nä̧ juätütäku ttü̧'ȩja̧'a̧ 'kua̧rü̧nä̧. Ja̧'wa̧ta̧nü̧ suronä̧ jȩttä̧'i̧jä̧u̧rü'i̧nä̧ amükuädätukui, ukutu'i̧nä̧ juätütäku ku̧jä̧tu̧kua̧'a̧ 'kua̧rü̧nä̧.

Hebreos 13:3 Referans Kwoze

San Mateo 25:36

Chö̧'ca̧tä̧huä̧ta̧'i̧nä̧ juidomenä, chö̧'ca̧tä̧huä̧ta̧ iyinätöjä. Na̧dä̧cho̧mȩnä̧, ttörö ppä'ädö ichinätöjä. Cärenä chö̧'a̧'a̧, ttörö topö ichinätöjä”, pä̧cua̧ Ru̧hua̧.

Hebreos 10:34

Ja̧'hua̧ta̧nö̧ cärenä pȩjä̧tö̧rö̧ re rö̧jö̧nä̧ topö amöcuädinätöjä. Cuhuäretucu 'chottipomenä, ja̧'a̧tä̧ eseunu to̧pä̧ri̧nä̧tö̧jä̧. Ja̧'hua̧nö̧ jȩtta̧'a̧ ja̧u̧ juäittö'inä abonänö adihuä juäi, yoröiso beipocö juäi, mo̧ro̧jä̧ra̧'a̧ cu̧ju̧nä̧rä̧tu̧cua̧'a̧ huo̧jui̧nä̧tö̧jä̧.

Romanos 12:15

Esehuätörö, eseunu topätucui. Ajuähuätörö, ajuäunu topätucui.

1 Corintios 12:26

Ja̧'hua̧ta̧nö̧ korottö jättäpäyotöttö barauttumä, o'ca juiyönä barahua'a. Ja̧'hua̧ta̧nö̧ korottö jättäpäyotöttö adiu jȩttö̧ttö̧mä̧, o'ca juiyönä esehua'a.

Colosenses 4:18

Ttö, Pablo, pi̧yȩ cuyäru huȩyu̧tu̧sä̧ ttötä chu̧mö̧nä̧. Ttömä cärenä chö̧'a̧'a̧nä̧'i̧nä̧ cunichi'ätucuä'. Ja̧'hua̧ta̧nö̧ Dios ucuturu ppädäcua'a̧nö̧. Amén.

1 Pedro 3:8

Ja̧'hua̧nö̧ ja̧'a̧ttö̧ o'ca toi'önä korotöcu eseunu cua̧'cua̧ tta̧nö̧ jö̧nä̧ ji̧nä̧ yo̧mȩtȩ amöcuädö ka̧cuä̧tu̧cui̧, tö̧jä̧hua̧tö̧rö̧ repetö ta'anö, repe'önö kä̧nö̧. Eseäcuähuätucui. Usurä isotö ttö̧ja̧cu̧'a̧nö̧ ka̧cuä̧tu̧cui̧.

San Mateo 25:43

Kara'attö ichäcuähuotö ta'anö cuedächomenä, cuojusodenä chö̧ja̧ pä'ö hue'ocotö pi̧nä̧tö̧jä̧. Chö̧'ca̧tä̧huä̧ta̧ juidomenä, iyocotö pi̧nä̧tö̧jä̧. Na̧dä̧cho̧mȩnä̧'i̧nä̧, cärenä chö̧'a̧'a̧'i̧nä̧ yoröiso ttörö topö ichocotö pi̧nä̧tö̧jä̧”, pä̧cua̧ Ru̧hua̧.

Hechos 24:23

Ja̧'hua̧ta̧nö̧ Félix su̧ro̧da̧u̧ ttu̧ru̧hua̧ ippeyä ru̧hua̧rö̧ hue'inödo Pablo cärenä ö̧'a̧'a̧nä̧ tta̧huä̧ra̧ pä'ö. —Ahuaruhuä huäinä ichätö ppättädarö, —pä'inödo Félix.

Efesios 4:1

Ja̧'hua̧nö̧ ja̧'a̧ttö̧ Tu̧ru̧hua̧rö̧ esetö cärenä pä̧nö̧, Dios huoinä̧u̧ ttö̧jö̧'a̧nö̧ adiu ka̧cuä̧tu̧cui̧, pä'ösä ttömä ucuturu. Dios huo̧i̧nä̧u̧jä̧ ucutumä.

Hechos 27:3

Rätopäji koro mo̧ro̧ Sidón ötahuiyä huoi'ca huämicuome 'chä̧hui̧'i̧nä̧tö̧jä̧. Julio adiu amöcuädinö Pablorö. Ja̧'a̧tä̧ topinö ahuaruhuärö do'ächö i̧'cha̧'a̧nä̧ ahuaruhuä ppättädarö pä'ö.

Hebreos 11:37

Ja̧'hua̧ta̧nö̧ korotörö ido'qui icuäu cuä'ö icuinätödo. Korotörö kä'cotönä nä'epö tticuinä̧u̧do. Korotörö ka̧cuä̧mö̧ suronä jȩtti̧nä̧u̧do. Korotörö curodänä cuä'ö icuinätödo. Korotömä ttö̧'ca̧tä̧huä̧ta̧ o̧vȩja̧stö̧'i̧nä̧, ca̧bra̧stö̧'i̧nä̧ tti̧jȩti̧yu̧ttu̧ adicua'a 'ca̧tä̧u̧, kara'acu cue'ächinätödo. Jahuätö usurä isotö ttö̧ja̧'a̧nä̧, suronä jȩttä̧u̧ barahuä̧u̧ cue'ächinätödo.