Hebreos 13:20 - TÄ̧DO Ä̧CUÄ̧ I̧HUȨNȨ

^20-21 Dios, eseäcuähuä Ru̧hua̧, Tu̧ru̧hua̧ Jesucristorö, o̧vȩja̧stö̧ adiu Tta̧huä̧rä̧cuä̧huä̧ I̧sa̧rö̧, ucuojanä jareö huȩnȩ, beipocö huȩnȩ Tta̧huä̧rä̧cuä̧huä̧ I̧sa̧rö̧, 'corupätti'inomettö tto'ädinömä, o'ca juiyönä adihuä isotö päi'önä ucuturu aditö icuäcua'a̧nö̧, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristorö teseta'attö, ujuturu o'ca toi'önärö churutä pä̧huä̧ rö̧jo̧mȩnä̧ jȩä̧cua̧'a̧nö̧. ¡'Cuäopönä Cristorö tesehuäcua'a̧nö̧! Amén.

Nuevo Testamento Uwotjüja

²⁰ Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

Hebreos 13:20 Referans Kwoze

San Juan 10:11

Ttötäsä adihuä tta̧huä̧rä̧cuä̧huä̧ i̧sa̧mä̧. Chutä adihuä tta̧huä̧rä̧cuä̧huä̧ i̧sa̧, ä̧ji̧mö̧rö̧ tta̧'ä̧rö̧ 'corupäi'ö'a̧nö̧ hua̧.

Hebreos 10:22

Ja̧'hua̧nö̧ ja̧'a̧ttö̧ tami iso'quinä adiu amöcuädö, iso päi'önä esetö kä̧nö̧, Diosrö tötö'cöhuächö'a̧nö̧ ja̧'a̧. Ujutu suronä jȩti̧nö̧ tamöcuädö juiya pä'ö, chutä aditö icuinö tami iso'qui. Ujutu jättäpäyotörö'inä adihuoya, päcuäoyanä töcö icuinä̧u̧jä̧.

Romanos 15:33

Dios tta̧'cua̧ adiu kä̧cuä̧huä̧ iyömä, o'ca toi'önä ucutucu ö̧jä̧cua̧'a̧nö̧. Amén.

2 Tesalonicenses 3:16

Tu̧ru̧hua̧, eseunu kä̧cuä̧huä̧ Ru̧hua̧, o'ca juiyönä eseunu kä̧cuä̧huä̧ iyäcua'a̧nö̧ ucuturu 'cuäopönä. Tu̧ru̧hua̧ ucutu o'ca toi'önärö ppädäcua'a̧nö̧.

San Juan 10:14

“Ttötäsä adihuä tta̧huä̧rä̧cuä̧huä̧ i̧sa̧mä̧. Chä'o ttörö u̧huo̧ju̧'a̧nö̧, ja̧u̧ru̧'i̧nä̧ huo̧jua̧sä̧ ttömä. Ja̧'hua̧ta̧nö̧ chä̧ji̧mö̧ o̧vȩja̧stö̧rö̧ chu̧huo̧ju̧'a̧nö̧, ttörö'inä huo̧juä̧tö̧. Ttömä chä̧ji̧mö̧ o̧vȩja̧stö̧rö̧ ppä'ädö 'co̧ru̧pä̧di̧'ä̧cua̧sä̧.

Hechos 2:24

Ja̧'hua̧nö̧ ja̧'a̧ Dios ja̧u̧ru̧ tto'ädinö. Hua'arettö rä'epö icuinö, hua'are ja̧u̧ru̧ juruhuoca'attö.

1 Pedro 2:25

Pä'äjimä oveja re'tehuächö cueächö'a̧nö̧ cue'ächinätöjä. Jitämä Cristocu ppa̧'ä̧chi̧nä̧tö̧jä̧. Chutämä o̧vȩja̧stö̧rö̧ tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧ tta̧'ä̧rö̧ ucuturu. Ja̧'hua̧ta̧nö̧ cua̧'cua̧ru̧hua̧nä̧'i̧nä̧ tta̧'ä̧rö̧ ucuturu.

Hechos 3:15

Ja̧'hua̧ ja̧'a̧ ucutu kä̧cuä̧huä̧ iyörö cuä'ö cuicuinätucua'anä, Dios ja̧u̧ru̧ tto'ädinö. Ujutu tto'ächinörö topinätöjä.

1 Pedro 1:21

Ucutumä Cristorö esetö kä̧nö̧, esetätöjä Diosrö. Ja̧u̧tä̧ Dios Cristorö, 'corupä'i'äjirö, tto'ädinö. Ja̧'hua̧ta̧nö̧ o'ca toi'önä ttucuotarö pä'ö hue'inö. Ja̧'hua̧nö̧ ja̧'a̧ttö̧ ucutu Diosrö amöcuädö tta̧'ä̧rä̧tö̧jä̧.

1 Tesalonicenses 1:10

Ja̧'hua̧ta̧nö̧ Dios I̧tti̧ Jesúsru, Dios ttoädinäcuru, mo̧ro̧jä̧ra̧'a̧ttö̧ icha pä'ö tta̧cu̧huä̧rä̧tu̧cua̧'a̧ ji'ähuätö. Chutä ujuturu ppä'ädö Dios ö̧tä̧bo̧tä̧cuȩttö̧ tö̧ji̧pa̧ pä'ö.

Colosenses 2:12

Ja̧'hua̧ta̧nö̧ bautizado cu'ätucuomenä, Cristocu 'corupä'i'ätö jä̧'i̧nö̧'a̧nö̧ jȩpi̧nä̧tö̧jä̧. Ja̧'hua̧ta̧nö̧ ja̧u̧cu̧ tto'ächätö jä̧'i̧nö̧'a̧nö̧ jȩpi̧nä̧tö̧jä̧. Ja̧'hua̧nö̧ ji̧na̧'a̧ ucuturu, ja̧u̧ru̧, tto'ächinörö, Dios ujurunä cuesetätucuomenä.

1 Pedro 5:4

Ja̧'hua̧nö̧ jȩpö̧ kä̧nö̧, adihuä Tta̧huä̧rä̧cuä̧huä̧ I̧sa̧ ichomenä, adiu jȩcu̧'ä̧tu̧cua̧'a̧ttö̧ adihuä juäi ojiyä hua'ö icu jö̧'a̧nö̧mä̧ jo'ö icuocödo cuȩmä̧tu̧cuä̧cuȩmä̧.

Hebreos 10:29

Ya̧tȩ, Dios I̧tti̧rö̧ suronä amöcuädö jȩpö̧'i̧nä̧, chutä ucuoja kö'cocö'inä, Espíritu Santo ja̧u̧ru̧ repe'örö, suronä ucuocu'inä, ¿tta̧'a̧nö̧ rö̧ȩnä̧ ro̧ȩcuä̧ ȩmä̧cua̧'a̧jä̧ttö̧? Ja̧u̧tä̧ ucuoja, jareö huȩnȩ iso päi'önä huȩnȩ ja̧'a̧. Ja̧'hua̧ta̧nö̧ ja̧u̧tä̧ ucuoja ja̧u̧ru̧ aditö icuoya.

Hebreos 9:20

Ja̧'hua̧nö̧ jȩo̧mȩnä̧ pä'inödo: “Pi̧yȩ ucuojamä, Dios hueö huȩnȩ, ucuturu iyö huȩnȩ i̧jȩpa̧'a̧.”

1 Tesalonicenses 5:23

Dios, tami iso'quinä eseunu kä̧cuä̧huä̧ iyömä, adiunätä jȩcu̧'ä̧tu̧cua̧ pä'ö ppädäcua'a̧nö̧ ucuturu. Ja̧'hua̧ta̧nö̧ Tu̧ru̧hua̧ Jesucristo ichome jubö päi'önä, surojö juiyönä tta̧huä̧rä̧cua̧'a̧nö̧ cua̧'cua̧rö̧'i̧nä̧, cua̧'cua̧ru̧hua̧rö̧'i̧nä̧, jättäpäyotörö'inä.

Filipenses 4:9

O'ca juiyönä chu̧huo̧juȩti̧nö̧ ucuturu, ttö jȩchi̧nö̧ tocu'inätucu'inä, ttö jidähuinö cuä̧ju̧cui̧nä̧tu̧cu̧'i̧nä̧ jȩpä̧tu̧cui̧. Ja̧'hua̧nö̧ jȩcu̧'ä̧tu̧cuo̧mȩnä̧, Dios eseäcuähuä i̧sa̧ ö̧jä̧cua̧ ucutucu.

Romanos 8:11

Dios tto'ädinö Cristo Jesúsru hua'arettö. Ja̧'hua̧ta̧nö̧ Espíritu Santo ucutucu ö̧jö̧ttö̧mä̧, ja̧u̧tä̧ Dios, Cristo Jesúsru ttoädinömä, i̧yä̧cua̧ cua̧'cua̧rä̧tu̧cu̧ jareö ucuturu, hua'ä ttö̧ja̧rö̧, Espíritu Santo ucutucu ö̧ja̧'a̧ttö̧.

Hechos 5:30

Ucutu Jesúsru daunä pȩ'o̧pö̧ ku̧nu̧ cuä'ö icuinätöjä. Ja̧'hua̧nö̧ ja̧'a̧nä̧ ujutu tä̧do̧tö̧ mi̧nä̧ Ttä̧do̧ ä̧cua̧ Dios tto'ädinö Jesúsru.

San Mateo 26:28

Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätö ttö̧jä̧ suronä jȩttö̧ jȩpö̧ icua pä'ö.

Gálatas 1:1

Ttö Pablo Jesucristo huȩ'ä̧hua̧sä̧. Ja̧'hua̧ta̧nö̧ Tä'o Dios, Cristorö 'corupä'i'inätö ttö̧'quȩtȩttö̧ tto'ädinö'inä, huȩ'ä̧hua̧sä̧. Pi̧jä̧ ttö̧ja̧mä̧ hue'ähuocösä.

2 Corintios 13:11

Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

2 Corintios 4:14

Iso päi'önä huo̧juä̧tö̧jä̧ pi̧yȩmä̧. Dios, Tu̧ru̧hua̧ Jesúsru 'corupätti'inomettö tto'ädinömä, ujuturu'inä Jesúscu tto̧ä̧dä̧cua̧. Ja̧'hua̧ta̧nö̧ ucutucu ji̧nä̧ yo̧mȩtȩnä̧ ȩpä̧cuo̧tö̧jä̧ chutäcu tö̧ja̧cua̧ pä'ö.

1 Corintios 15:15

Ja̧'hua̧nö̧ jö̧ttö̧mä̧, ujutumä Dios i̧huȩnȩ ji'äu, yapareutä ji'ähuajatöjä. Ujutu ji'ähuätöjä, Dios tto'ädinödo Cristorö pä'ö. Ja̧'hua̧nö̧ ja̧'a̧ttö̧ iso päi'önä ttö̧ja̧rö̧ ttoädäcuähuä juiyöttömä, Dios'inä tto'ädocö pi̧na̧ji̧do Cristorö.

1 Corintios 14:33

Iso päi'önä Diosmä ja̧'a̧tä̧ jȩä̧cuä̧huä̧mä̧ kö'cocö. Diosmä o'ca juiyönä eseunu jȩä̧cuä̧huä̧tä̧ kö̧'ca̧. O'ca toi'önä kara'attö'inä iglesia ruhuä ja̧'hua̧nö̧ adiunä jȩpä̧tö̧.

1 Corintios 6:14

Ja̧'hua̧ta̧nö̧ Dios Tu̧ru̧hua̧rö̧ ttoädinö ta'anö, ujuturu'inä ujurunä tto̧ä̧dä̧cua̧.

Hechos 17:31

Ji̧yȩnö̧ mo̧ro̧ tä̧bo̧cuä̧ mo̧ro̧mä̧ chutä amöcuädinö. Ja̧u̧ mo̧ro̧ chutä pätetö hueinäcumä jueönä pä̧cua̧. Ka̧ra̧rö̧: “Ucumä adiu jȩpö̧jä̧”, ka̧ra̧rö̧: “Ucumä suronä jȩpö̧jä̧” pä̧cua̧. Iso päi'önä ja̧'hua̧nö̧ jȩä̧cua̧ ttu̧huo̧jua̧ pä'ö, ja̧u̧ hueinäcuru 'corupäi'äji o'ca'a tto'ädinö Diosmä, —pä'inödo Pablo.

Hechos 13:30

Ja̧'hua̧nö̧ jȩttä̧ja̧'a̧nä̧'i̧nä̧ hua'arettö ttoädinäcudo Dios.

Hechos 2:32

Ja̧u̧tä̧ Jesúsru tto'ädinö Diosmä. Tto'ächinörö topinätö'cotö ji'ähuätöjä ujutu o'ca toi'önä.

San Lucas 22:20

Ttu̧cuȩ ttucuäji o'ca'a, ja̧'hua̧ta̧nö̧ jȩpi̧nö̧do i̧so̧'ta̧'i̧nä̧ 'chu̧'ä̧rö̧. Pä'inödo: —Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a ucuturu ppäda pä'ö.

San Marcos 14:24

Jahuätörö pä'inödo: —Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätörö ppäda pä'ö.

Romanos 16:20

Esecuä Dios cu̧jä̧pö̧ dȩa̧'a̧ jurunänö ö̧tä̧cua̧ ähuettärö. Tu̧ru̧hua̧ Jesucristo ucuturu ppädäcua'a̧nö̧.

Romanos 1:4

Ja̧'hua̧nö̧ ja̧'a̧nä̧ Dios I̧tti̧ jö̧nä̧ Espíritu Santo ujurunä i̧jȩcui̧nä̧cu̧do, Dios ja̧u̧ru̧ ttoädomenä.

Hechos 4:10

Ucutu o'ca toi'önä Israel ttö̧ja̧ amöcuädätucui. Jesucristo, Nazaret i̧sa̧, ucutu daunä pȩ'o̧pö̧ ku̧nu̧ cuä'ö cuicuinätucuäcumä, Dios ttoädinäcu, ja̧u̧ i̧mi̧nä̧ pide ucutu cuä'catucu jo̧mȩ adiu kö̧.

Romanos 10:7

“Ja̧'hua̧ta̧nö̧ päcuhuä': ¿Dijä̧ttö̧ hua'inätö ttö̧ja̧cuo̧mȩ i̧'chä̧cua̧mä̧?” Ja̧'hua̧nö̧ pädomenä, Cristorö ttoäda pä'örö pä'ösä.