Hebreos 13:2 - TÄ̧DO Ä̧CUÄ̧ I̧HUȨNȨ

² Korotö cuojusodenä do'ächö ichätörö, jahuätörö adiu ppäcuhuäda pä'ö cunichi'ätucuä'. Ja̧'hua̧nö̧ jȩpö̧ korotö ttieruhua'anä ángelesrö ppä'ädinätödo.

Nuevo Testamento Uwotjüja

² Do'ächü ichätürü eseunu̧ ttä'a we'ätukui. Ja̧'wa̧nü̧ jȩpü̧, yotukunä̧ mo̧'i̧nä̧ á̧gȩrȩ-rü, ttieruwa'a jakuänä̧ do'ädü ä'epinä̧tü̧.

Hebreos 13:2 Referans Kwoze

San Mateo 25:35

Ko̧ro̧nö̧ chucua ppäi rö̧jo̧mȩnä̧, chu̧cuȩ iyinätöjä. Chahua a̧di̧ rö̧jo̧mȩnä̧, chahua iyinätöjä. Kara'attö ichäcuähuotö ta'anö cuedächomenä, cuojusodenä chö̧ja̧ pä'ö hue'inätöjä.

Romanos 12:13

Ppä'ädätucui Jesucristorö esetätörö recuä rö̧jä̧u̧ru̧. Ucuturu do'ächätörö, adiu ppä'ädätucui.

1 Pedro 4:9

Cuojusodenä ichätörö ra̧huä̧rä̧cuä̧huä̧ juiyönä eseunu ppä'ädätucui.

San Mateo 25:43

Kara'attö ichäcuähuotö ta'anö cuedächomenä, cuojusodenä chö̧ja̧ pä'ö hue'ocotö pi̧nä̧tö̧jä̧. Chö̧'ca̧tä̧huä̧ta̧ juidomenä, iyocotö pi̧nä̧tö̧jä̧. Na̧dä̧cho̧mȩnä̧'i̧nä̧, cärenä chö̧'a̧'a̧'i̧nä̧ yoröiso ttörö topö ichocotö pi̧nä̧tö̧jä̧”, pä̧cua̧ Ru̧hua̧.

Tito 1:8

Pärocua'acu tta̧huä̧rä̧cuä̧huä̧ i̧sa̧ koromettö ichätörö ppä'ädö. Ja̧u̧mä̧ adiunätä jȩpö̧. Ja̧u̧mä̧ korotö ttä'ca jo̧mȩ adiu kö̧. Ja̧u̧mä̧ Diosrö adiu esetö. Ja̧u̧mä̧ adiu ami 'qui'ächi'ö kö̧.

San Mateo 25:40

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

1 Timoteo 5:10

Jahuäjuru o'ca toi'önä adiu ttucuocu'a̧nö̧ ja̧'a̧ adiunä kö̧ji̧na̧'a̧ttö̧. Ki̧tti̧mö̧rö̧'i̧nä̧ adiu tta̧'ä̧ri̧nä̧ju̧ru̧, kahuaruhuä kojusodenä rȩbȩhuä̧tö̧rö̧ adiu ppä'ädinäjuru, Diosrö esetätörö ttö̧jä̧pö̧ töquinäjuru, ubara ttu'ätörö adiu ppä'ädinäjuru, o'ca juiyönä adiu jȩpi̧nä̧ju̧ru̧ ppäcuhuädätucu'a̧nö̧ ja̧'a̧.

1 Timoteo 3:2

Ja̧'hua̧nö̧ ja̧'a̧ttö̧ tta̧huä̧rä̧cuä̧huä̧ i̧sa̧ päi'önä kö̧mä̧ korotö suronä ttucuocu juiyarö pä'ö adiunätä jȩpö̧ ö̧jä̧cua̧'a̧nö̧. Irecua'inä yajuterötä u̧ju̧nä̧rä̧cua̧'a̧nö̧. Ja̧u̧mä̧ a̧'cua̧ pö̧nö̧ ö̧jä̧cua̧'a̧nö̧. Ja̧u̧mä̧ korotö ttä'ca jo̧mȩ adiu ö̧jä̧cua̧'a̧nö̧. Korotö'inä ja̧u̧ru̧ ttucuotäcua'a̧nö̧. Ja̧'hua̧ta̧nö̧ koromettö ichätörö ppädäcua'a̧nö̧. Ja̧'hua̧ta̧nö̧ ahuaruhuärö huo̧juȩtä̧cuä̧huä̧ u̧huo̧juä̧cua̧'a̧nö̧.

Romanos 16:23

Gayo'inä ucuturu te'äu. Ttö ja̧u̧ ojusodenä kö̧sä̧. Ja̧u̧ ojusodettö o'ca toi'önä iglesia ruhuä ra̧'ä̧tö̧. Erasto'inä, ötahuiyättö pärätä tta̧'ä̧rö̧mä̧ ucuturu te'äu. Tö̧jä̧hua̧ Cuarto'inä te'äu ucuturu.

Hechos 16:15

Jahuäjuru'inä, kojusodenä ka̧cuä̧tö̧rö̧'i̧nä̧ bautizando jȩpi̧nä̧tö̧jä̧. Jahuäju pä'inäju: —Tu̧ru̧hua̧rö̧ adiu chesetäja'a cuamöcuädätucuttumä, chojusodenä cuä'ecuätucua ichätucui. Ja̧'hua̧nö̧ ja̧'a̧ rö̧ȩnä̧ ucuocuinäju, juhuodenä tä'ecua pä'ö.

3 Juan 1:5

Chö̧jä̧hua̧, ucu adiu jȩpö̧jä̧ tö̧jä̧hua̧tö̧rö̧ ppäcuhuädömä, kara'attö ichäcuähuotörö cuieruhuä̧u̧ru̧'i̧nä̧.