Hebreos 11:35 - TÄ̧DO Ä̧CUÄ̧ I̧HUȨNȨ

³⁵ Korotö nä̧tö̧ ttahuaruhuärö, 'corupätti'äja'attö Dios ttoädinä̧u̧ru̧ ku̧nä̧ri̧nä̧tö̧do. Yotöte Dios jarotti'oca'attö, korotö suronä jȩttä̧u̧ 'corupä'i'inätödo, ttottächö o'ca'a korotöttö'inä abonänö adiunä ttö̧ja̧cua̧ pä'ö.

Nuevo Testamento Uwotjüja

³⁵ Kkorotü nä̧tü̧mä̧ ttawaruwä 'korujuo'ächinä̧tü̧rü̧mä̧, pä'äjita'anü̧ tta̧'kua̧ri̧'i̧ni̧yä̧u̧. Kkorotümä̧ ubara ttu'utä 'korujuo'ächinä̧tü̧, ppättädatü pättoka'atä, jua'amä̧ rü̧ȩnä̧ adiwäjuei kkä̧kuä̧wä̧nä̧ ttottächa pä'ü.

Hebreos 11:35 Referans Kwoze

Filipenses 3:11

Ttö'inä hua'arettö ttodächa pä'ö tta̧'ä̧rö̧sä̧.

Hechos 9:41

Pedro Tabita ku̧mö̧nä̧ 'chu'ädö cä'epinödo kä̧rä̧mi̧'a̧ pä'ö. Ja̧'hua̧ ja̧'a̧ Jesucristorö esetätörö'inä, rȩcua̧mö̧rö̧'i̧nä̧ huopö, jahuätörö a̧dȩcua̧ju̧ru̧tä̧ iyinödo.

Hechos 24:15

O'ca toi'önä adiu jȩpä̧tö̧'i̧nä̧, suronä jȩpä̧tö̧'i̧nä̧ 'corupätti'ö o'ca'a ttottächäcuotö pä'ö, Diosrö esetö tta̧'ä̧rö̧sä̧, jahuätö esetö tta̧ttä̧rö̧'a̧nö̧.

1 Corintios 15:54

Ujutu tidepämä, recuo ko̧cö̧mä̧, koro yoröiso beipocö jähuä ȩmö̧ tö'ärohuächomenä, ja̧'hua̧ta̧nö̧ tidepämä hua'ö icumä, koro yoröiso hua'ö icuocö ȩmö̧ tö'ärohuächomenä, ja̧u̧nu̧ Huȩyu̧cuä̧ Huȩnȩ päötä 'cuäopäcua'a. Huȩyu̧cuä̧ Huȩnȩ pa̧'a̧nö̧ päa'a: 'Corupäi'äcuähuä yoröiso beipächa'ado, kä̧cuä̧huä̧tä̧ ujuruhua'attö.

Hechos 23:6

Ja̧'hua̧nö̧ ja̧'a̧ Pablomä u̧huo̧jua̧'a̧ttö̧ judíos ttö̧ja̧ ji̧nä̧ iso ruhuotöttö korotö saduceos huotö pi̧nä̧tö̧, korotö fariseos huotö pi̧nä̧tö̧, jahuätö ttä'ca jo̧mȩ huopinö: —Chahuaruhuä, ttömä fariseo ttö̧jä̧ i̧sa̧sä̧. Chä'o'inä, cha̧ju̧'i̧nä̧ fariseos ttö̧ja̧ pi̧nä̧tö̧. 'Corupä'i'ätö ttoächäcuähuä huȩnȩ esetö tta̧dä̧ra̧'a̧ttö̧, ttörö jä'epö ä̧ju̧cuä̧tö̧jä̧.

Hechos 22:29

Pablorö cuäcuätta pä'ö amöcuädätömä Pablo ippeyättö yotäcu pporächi'inätödo. O'ca toi'önä, su̧ro̧da̧u̧ ttu̧ru̧hua̧'i̧nä̧, ja̧u̧ romanos ttö̧ja̧ i̧sa̧ ja̧'a̧ ttu̧huo̧juo̧mȩnä̧, ye'ecue'inätödo ja̧u̧ru̧ ttönö'cäja'attö.

Hechos 4:19

Ja̧'hua̧nö̧ ä̧ju̧cu̧, Pedrocu, Juancu ädätinätödo: —Ucutu amöcuädätöjä Dios hueö jȩä̧cuä̧huä̧ juiyönä ucutu huecuhuätucutä jȩto̧mȩnä̧ ¿adihua'a tä̧ji̧?

San Juan 5:29

I̧huȩnȩ ttä̧ju̧cuo̧mȩnä̧, 'corupätti'inomettö rättopächäcuotö. Adiu jȩpi̧nä̧tö̧mä̧, kä̧cuä̧huä̧ i'co ttu̧ju̧nä̧ra̧ pä'ö ttottächäcuotö. Ja̧'hua̧nö̧ ja̧'a̧nä̧ suronä jȩpi̧nä̧tö̧mä̧, tä̧bo̧cuä̧nä̧ 'cuättopa pä'ö ttottächäcuotö, —pä'inödo Jesús.

San Lucas 14:14

Ja̧'hua̧nö̧ eseu cu̧jä̧cua̧jä̧ jahuätömä ttimitä̧cuȩ juitta'attö. Ja̧'hua̧nö̧ cu̧ju̧nä̧rä̧cua̧jä̧ ocuhuipäji micuä adihuä isotö ttottächomettö.

San Marcos 12:25

Ttö̧ja̧ ttottächomenä, ttirecuarö jäecuocö. Tti̧tti̧mö̧ nä̧tö̧rö̧'i̧nä̧ iyähuocö ttirecua päi'önä. Angeles mo̧ro̧jä̧nä̧ ttö̧ja̧cu̧ ta'anö ttö̧ja̧cuä̧cuo̧tö̧.

San Mateo 22:30

Ttö̧ja̧ ttottächomenä, ttirecuarö jäecuocö. Tti̧tti̧mö̧ nä̧tö̧rö̧'i̧nä̧ iyähuocö ttirecua päi'önä. Dios umöhuäyotö ángeles mo̧ro̧jä̧nä̧ ttö̧ja̧cu̧ ta'anö ttö̧ja̧cuä̧cuo̧tö̧.

San Lucas 20:36

Juhua'attö yoröiso 'corupä'i'ocotö ttäcuotö. Angeles ta'anö ttäcuotö. 'Corupätti'omettö ttottächa'attö, Dios i̧tti̧mö̧ ttäcuotö.