Hebreos 11:33 - TÄ̧DO Ä̧CUÄ̧ I̧HUȨNȨ

³³ Diosrö esetö, korotö tti̧rȩjä̧ra̧'a̧ rohuäu tti̧'cho̧mȩnä̧, juruhuinätödo. Ja̧'hua̧ta̧nö̧ adiunä hue'inätödo. Dios jahuätörö ppäda päinö ȩmi̧nä̧tö̧do. Yä̧hui̧tö̧ ttä'inä mö̧'ȩpi̧nä̧tö̧do.

Nuevo Testamento Uwotjüja

³³ Tta̧'kua̧ wȩnä̧rä̧tü̧mä̧, kkorotü tti̧rȩji̧yä'i̧nä̧ 'cho'ipinä̧tü̧, adiwäjuei'i̧nä̧ jȩpü̧ ppä'ädinä̧tü̧, Dio chi̧yä̧kua̧sä̧ päinü̧'i̧nä̧ ȩmi̧nä̧tü̧, jojochäyu̧tu̧ ttä'i̧nä̧ mü̧'ȩpi̧nä̧tü̧,

Hebreos 11:33 Referans Kwoze

Hebreos 10:36

Ucutumä Diosrö pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö, cuami 'quicuhuächi'ätucu'a̧nö̧ ja̧'a̧. Ja̧'hua̧nö̧ jȩpö̧, Dios iya päinömä cuȩmä̧cuo̧tö̧jä̧.

Gálatas 3:16

Iso päi'önä Dios Abraham mi̧nä̧rö̧'i̧nä̧, chutä ahuaruhuä isotö i̧sa̧rö̧'i̧nä̧ iya pä'ö ucuocuinö. Huȩyu̧cuä̧ Huȩnȩ päoca'a ja̧u̧ isotö jö̧nä̧mä̧. Recuätönä päoca'a. Huȩyu̧cuä̧ Huȩnȩ ji̧ta̧'a̧nö̧tä̧ päa'a: “Ucu i̧sa̧ttö̧.” Ya̧tȩrö̧tä̧ Cristorötä pä'ö päa'ajä ja̧u̧mä̧.

1 Pedro 5:8

Cua̧'cua̧ pö̧nö̧ ka̧cuä̧tu̧cui̧. 'Cuäopönä mo̧ro̧jö̧ a̧'u̧cuä̧ Diosrö ucuocu ka̧cuä̧tu̧cui̧. Ucuturu ami suru topö cua̧bo̧i̧ya̧tu̧cu̧ ähuettä cue'ächö. Yähui ra̧huä̧rö̧ u̧cuȩ usu'a̧nö̧ cue'ächö.

Hebreos 11:17

Diosrö esetö, Abraham Dios ja̧u̧ru̧ ka̧cuä̧mö̧ hueomenä, i̧tti̧ Isaacrö sacrificio päi'önä i'cächinödo. “Isaac ahuaruhuä o'cotörö recuätörö cu̧ju̧nä̧rä̧cua̧jä̧”, Dios päinömä amöcuäda'anä, Abraham i̧tti̧ ya̧tȩrö̧tä̧ sacrificio päi'önä iyinaji.

2 Timoteo 4:17

Ja̧'hua̧nö̧ ja̧'a̧nä̧ Tu̧ru̧hua̧tä̧ ppä'ädinö ttörö. Ja̧u̧ chujuru iyinö, o'ca toi'önä judíos huocotörö ttö̧ja̧ suronä jȩttö̧ jȩpö̧ icu huȩnȩ ttä̧ju̧cu̧nä̧ jidähua pä'ö. Ja̧'hua̧nö̧ ppädomenä, yähuittö ttö̧ji̧pa̧'a̧ jä̧'i̧nö̧'a̧nö̧, ki̧'i̧nö̧sä̧.

San Mateo 5:12

Eseunu ka̧cuä̧tu̧cui̧. Dios mo̧ro̧jä̧ra̧'a̧ttö̧ i̧yä̧cuȩmä̧, cuȩmä̧cuo̧tö̧jä̧. Ja̧'hua̧ta̧nö̧ ucutu cuä'catucunä ka̧cui̧nä̧tö̧rö̧, Dios i̧huȩnȩ jiäcuähuä isotörö, suronä jȩpi̧nä̧tö̧do, —pä'ö huo̧juȩti̧nö̧do Jesús.

Santiago 2:18

Ya̧tȩ pä̧cua̧: “Ucu esetöjä. Ttömä adiu jȩpö̧sä̧.” Ja̧'hua̧nö̧ ja̧'a̧ ji'ähuittö adiu jȩcu̧'o̧ca̧'a̧ cuesetö. Ttö ji̧dä̧huä̧cua̧sä̧ chesetö'inä adiu jȩchö̧mä̧.