Hebreos 11:32 - TÄ̧DO Ä̧CUÄ̧ I̧HUȨNȨ

³² Koromä, ¿tta̧'a̧nö̧ jidähuäcua'ajä̧ttö̧? Korotörö, Gedeónrö'inä, Baracrö'inä, Sansónrö'inä, Jeftérö'inä, Davidrö'inä, Samuelrö'inä, Dios i̧huȩnȩ jiäcuähuä isotörö'inä jidähua pä'ö recua'ado.

Nuevo Testamento Uwotjüja

³² ¿Jua'a yabonü̧mä̧ ti̧yȩtä̧ jidäu'anü̧ttü̧? juiyo rekuächi'ü'anü̧ ja̧'a̧, Gedeón-rü̧'i̧nä̧, Barac-rü'i̧nä̧, Sansón-rü̧'i̧nä̧, Jefté-rü'i̧nä̧, Dawi-rü'i̧nä̧, Samue-rü̧'i̧nä̧ ja̧'wa̧ta̧nü̧ profeta-tü̧rü̧'i̧nä̧ ttütü'kü chukuokuttümä̧.

Hebreos 11:32 Referans Kwoze

San Juan 21:25

Ja̧'hua̧ta̧nö̧ koro Jesús jȩi̧nö̧ huȩnȩ rö̧ȩnä̧ ka̧'a̧. O'ca juiyönä koro'inä, koro'inä tti̧huȩyu̧tu̧ttu̧mä̧, pi̧jä̧nä̧ o'ca juiyönä yoröiso pa̧ja̧cuä̧cho̧ca̧'a̧ a̧'cua̧ra̧'a̧ ja̧u̧ juäi cuyäru. Amén.

2 Pedro 1:21

Dios i̧huȩnȩ ji'ähuinätömä, jitötä ttamönä ttamöcuädömä, ji'ähuocotö pinätödo. Pärocua'acu Diosrö rö̧ȩnä̧ esetinätödo. Diosrö adiu ttamöcuädomenä, Espíritu Santo huo̧juȩcuä̧nä̧ ji'ähuinätödo.

Romanos 7:7

Ja̧'hua̧ ja̧'a̧ttö̧ ¿tta̧'a̧nö̧ pätäcua'ajä̧ttö̧ hueähuä huȩnȩmä̧? ¿Hueähuä huȩnȩ surojö tä̧ji̧? Tta̧'a̧huä̧jä̧. Hueähuä huȩnȩmä̧ surojöcö̧. Ttö'inä surojö jerupajisä, hueähuä huȩnȩ hueö juiyinöttömä. Ja̧'hua̧ta̧nö̧ hueähuä huȩnȩ päa'a: “Korotö ttöäre pä̧huä̧ rö̧jö̧ tocu'ä'.” Hueähuä huȩnȩ ja̧'hua̧nö̧ päa'attö, korotö ttöäre pä̧huä̧ rö̧jö̧ toäcuähuämä surojö pä'ö huo̧jua̧sä̧.

Romanos 4:1

Ja̧'hua̧nö̧ ja̧'a̧nä̧ ¿tta̧'a̧nö̧ pätäcua'ajä̧ttö̧ tä̧do̧ mi̧nä̧ Abrahamrö? ¿Tta̧'a̧nö̧ jȩi̧nä̧ttö̧ Diosmä ja̧u̧cu̧ ji̧nä̧ ji̧yȩtȩ ja̧ pä'ömä Abrahamrömä?

Romanos 3:5

Ja̧'hua̧nö̧ ja̧'a̧nä̧ korotö ujutu suronä jȩtö̧ tottomenä, “Diosmä adiu jȩpö̧” pättöttömä, ¿tta̧'a̧nö̧ tamöcuädäcua'ajä̧ttö̧ ujutumä? Dios ujuturu ro̧ȩpo̧mȩnä̧, ¿suronä jȩpö̧ tä̧ji̧? Ja̧'hua̧nö̧ pädomenä, pi̧jä̧ ttö̧ja̧ ttucuocu'a̧nö̧ ucuocusä.

Hechos 13:20

Ja̧u̧nu̧ o'ca'a cuatrocientos cincuenta a̧'ȩ 'cuäoi'önä tturuhuotö päi'önä ttö̧ja̧cua̧ pä'ö hue'inö, Dios i̧huȩnȩ jiäcuähuä i̧sa̧ Samuel ö̧ji̧no̧mȩ jubö päi'önä.

Hechos 10:43

O'ca toi'önä Dios i̧huȩnȩ jiäcuähuä isotö ä'canä ji'ähuinätödo Jesucristorö 'cuäopä̧cuȩmä̧. Ttö̧ja̧ suronä jȩtti̧nö̧ jȩpö̧ i̧cuä̧cua̧ Diosmä, Jesucristorö ttesetomenä, pä'ö ji'ähuinätödo, —ucuocuinödo Pedro.

Hechos 3:24

“O'ca toi'önä Dios i̧huȩnȩ jiäcuähuä isotö, Samuel'inä, ja̧u̧nu̧ o'comenä ka̧cui̧nä̧tö̧'i̧nä̧ ä'canä ji'ähuinätödo jitä 'cuäopä̧cuȩtä̧.

2 Pedro 3:2

Täbocö adihuä Dios i̧huȩnȩ jiäcuähuä isotö jittähuinö huȩnȩ cunichi'ätucuä'. Ja̧'hua̧ta̧nö̧ Tu̧ru̧hua̧ hueähuä huȩnȩ, Jesús hue'ähuotö ttu̧huo̧juȩti̧nö̧ huȩnȩ'i̧nä̧ ucuturu ttu̧huo̧juȩti̧nö̧mä̧ cunichi'ätucuä'.

Santiago 5:10

Chö̧jä̧hua̧tö̧, amöcuädätucui Dios i̧huȩnȩ jiäcuähuä isotörö, Tu̧ru̧hua̧ i̧mi̧nä̧ ucuocuinätörö. Jahuätö surojö 'cuäopa'anä'inä, ttami 'qui'ächi'ö ka̧'cui̧nä̧tö̧do.

Romanos 6:1

Ja̧'hua̧ ja̧'a̧ ¿tta̧'a̧nö̧ pätäcua'ajä̧ttö̧? ¿Suronä jȩpö̧ tö̧ja̧cuä̧cuo̧tö̧jä̧ tä̧ji̧, Dios ppädäcuähuä rö̧ä̧cha̧ pä'ö?

San Lucas 16:31

Ja̧'hua̧nö̧ ja̧'a̧nä̧ Abraham pä'inödo: “Moisés'inä, Dios i̧huȩnȩ jiäcuähuä isotö jittähuinö ttesetö juiyöttömä, ya̧tȩ 'corupä'i'inö pä'äji ta'anö tto'ächö jiäuttu'inä, esetocotö ttäcuotö,” —pä'inödo Jesús.

San Lucas 13:28

Juhuorö Abrahamrö'inä, Isaacrö'inä, Jacoborö'inä, o'ca toi'önä Dios i̧huȩnȩ jiäcuähuä isotörö'inä Dios ö̧jo̧mȩ ttö̧ja̧cua̧'a̧ tocu'ätucuomenä, ucutu u̧mi̧nä̧ ka̧cui̧pä̧tö̧mä̧ rö̧ȩnä̧ ubara ttu'u cuacu ä̧chi̧jö̧nä̧ jȩcu̧'ä̧cuo̧tö̧jä̧.

San Mateo 5:12

Eseunu ka̧cuä̧tu̧cui̧. Dios mo̧ro̧jä̧ra̧'a̧ttö̧ i̧yä̧cuȩmä̧, cuȩmä̧cuo̧tö̧jä̧. Ja̧'hua̧ta̧nö̧ ucutu cuä'catucunä ka̧cui̧nä̧tö̧rö̧, Dios i̧huȩnȩ jiäcuähuä isotörö, suronä jȩpi̧nä̧tö̧do, —pä'ö huo̧juȩti̧nö̧do Jesús.