Hebreos 10:38 - TÄ̧DO Ä̧CUÄ̧ I̧HUȨNȨ

³⁸ Ja̧'hua̧nö̧ ja̧'a̧nä̧ adiu jȩpö̧ chȩmä̧cu̧mä̧, Diosrö esetö ö̧jä̧cua̧. Juhuorö'inä suronä jȩa̧ pä'ö ppa̧huä̧chö̧ttö̧mä̧, ja̧u̧ru̧ esehuocö chä̧cua̧sä̧, päa'a.

Nuevo Testamento Uwotjüja

³⁸ Ja̧'wa̧nü̧ ja̧'a̧ttü̧, adiwä jueinä̧ jȩpü̧ kkü̧mä̧, tta̧'kua̧ wȩnä̧rä̧kuä̧wä̧nä̧tä̧ ü̧jä̧kua̧; ja̧'wa̧nü̧ ja̧'a̧nä̧ o'ka'aku ppa̧'a̧chä̧chü̧rü̧mä̧, cha̧'kua̧rü̧ esewoka'a jä̧kua̧'a̧.

Hebreos 10:38 Referans Kwoze

Gálatas 3:11

Iso päi'önä Moisés hueähuä huȩnȩtä̧ jȩpä̧tö̧rö̧mä̧ Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Huȩyu̧cuä̧ Huȩnȩ päa'a: “Dios jȩä̧u̧ ja̧u̧cu̧ ji̧nä̧ ji̧yȩtȩ huotö tta pä'ö Cristorötä esetö ttö̧ja̧cuä̧cuo̧tö̧.”

Romanos 1:17

Ja̧u̧ adihuä huȩnȩ jiähua'a, Diosrö esetätörötä jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö. Huȩyu̧cuä̧ Huȩnȩ päa'a: “Dios ja̧u̧cu̧ ji̧nä̧ ji̧yȩtȩ hua̧ ö̧ja̧ pä'ö jȩä̧cu̧mä̧, Diosrö esetö ö̧jä̧cua̧.”

San Mateo 13:21

Jahuätö ujupo'tiyä juiya'attö, recuo 'quiyönä esetocotö. Dios i̧huȩnȩ tteseta'attö, jahuätörö suronä 'cuäopomenä, jaropi'ätö.

San Mateo 12:18

Pidemä ttö chu̧mö̧huä̧ya̧. Ttö ja̧u̧ru̧ o'ipinösä. Ja̧u̧ru̧ eseunu repe'ösä. Ttö Espírituru chi̧yä̧cua̧sä̧ ja̧u̧ru̧. Ttö huedömä o'ca toi'önärö ji̧ä̧huä̧cua̧.

1 Tesalonicenses 2:15

Pitö judíos ttö̧ja̧mä̧ pä'äji jitötättö Dios i̧huȩnȩ jiäcuähuä isotörö cuä'ö tticuinö ta'anö, Tu̧ru̧hua̧ Jesúsru'inä cuä'ö icuinätö. Ujuturu'inä ya'opö icuinätö. Dios'inä jahuätörö esehuocö. O'ca toi'önä ttaboiyotö.

1 Juan 2:19

Ujututtu jaropi'inätömä yoröiso ujutu isotöcö̧. Ujutu isotö jö̧ttö̧mä̧, ujutucu ka̧cua̧ja̧tö̧. Ja̧'hua̧nö̧ ja̧'a̧ jaropi'inätörö topö tu̧huo̧jua̧ pä'ö jahuätömä o'ca toi'önä ujutu isotöcö̧ pä'ö.

Hebreos 10:39

Ja̧'hua̧nö̧ ja̧'a̧nä̧ o'ca'acu ppa̧'ä̧chö̧, be'ipächätö isotömäcö̧jä̧ ujutumä. Ujutu Diosrö esetätöjä. Ja̧'hua̧nö̧ esetö kä̧nö̧, ta̧'cua̧ru̧hua̧rö̧ adiu tta̧'ä̧rä̧cuä̧huä̧tö̧jä̧.

Santiago 5:6

Adiu jȩpi̧nä̧tö̧rö̧ ucutu suronä jȩpö̧ cuä'ö icuinätöjä, ucuturu suronä jȩpo̧co̧tö̧ pi̧nä̧tö̧rö̧'i̧nä̧.