Hebreos 10:35 - TÄ̧DO Ä̧CUÄ̧ I̧HUȨNȨ

³⁵ Ja̧'hua̧ ja̧'a̧ttö̧ ja̧u̧ cuesetätucumä, jarocuhui'ätucuä'. Ja̧u̧ cuesetätucumä, adihuä juäi i̧'cä̧chä̧cua̧ ucuturu.

Nuevo Testamento Uwotjüja

³⁵ Ja̧'wa̧nü̧ ja̧'a̧ttü̧, Dio-rü kua̧'kua̧ ku̧wȩnä̧rä̧tu̧ku̧mä̧ käkuädi'ätukuä, jua̧u̧ mikuämä̧ kuȩmä̧kuo̧tü̧jä̧.

Hebreos 10:35 Referans Kwoze

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

Hebreos 3:6

Ja̧'hua̧nö̧ ja̧'a̧nä̧ ya̧tȩ i̧tti̧ ahuaruhuärö adiu jȩö̧'a̧nö̧, adiu jȩpö̧ Cristomä Dios i̧tti̧mö̧rö̧. Adiunä röji mo̧ro̧ päi'ome jubö cä'ädö, eseunu tami 'qui'ächi'önö churutä tta̧tä̧rö̧ttö̧mä̧, Dios i̧tti̧mö̧ päti'äcuotöjä.

San Lucas 14:14

Ja̧'hua̧nö̧ eseu cu̧jä̧cua̧jä̧ jahuätömä ttimitä̧cuȩ juitta'attö. Ja̧'hua̧nö̧ cu̧ju̧nä̧rä̧cua̧jä̧ ocuhuipäji micuä adihuä isotö ttottächomettö.

Hebreos 11:26

Cristorö rö̧ȩnä̧ chesetomenä ubara ttuda'attö, Egipto rȩjȩnä̧ o'ca juiyönä rö̧ȩnä̧ micuäu juäi chu̧ju̧nä̧rä̧cuȩttö̧'i̧nä̧ abonänö rö̧ȩnä̧ chu̧ju̧nä̧rä̧cua̧sä̧ pä'ö amöcuädinödo. Chutä Dios ja̧u̧ru̧ adihuä juäi iyä̧cuȩ amöcuäda'attö, ja̧'hua̧nö̧ pä'inödo.

San Mateo 5:12

Eseunu ka̧cuä̧tu̧cui̧. Dios mo̧ro̧jä̧ra̧'a̧ttö̧ i̧yä̧cuȩmä̧, cuȩmä̧cuo̧tö̧jä̧. Ja̧'hua̧ta̧nö̧ ucutu cuä'catucunä ka̧cui̧nä̧tö̧rö̧, Dios i̧huȩnȩ jiäcuähuä isotörö, suronä jȩpi̧nä̧tö̧do, —pä'ö huo̧juȩti̧nö̧do Jesús.

Hebreos 4:14

Jesús, Dios I̧tti̧, do'ächinödo Dios ö̧jo̧mȩ. Ja̧u̧ ji̧nä̧ isocu sacerdote ru̧hua̧ päi'önä kö̧do ujuturu. Ja̧'hua̧nö̧ ja̧'a̧ttö̧ adiunätä esetö tö̧jö̧'a̧nö̧ huotöjä.

Hebreos 3:14

Iso päi'önä äcuomenä tesetinö röji mo̧ro̧ päi'omenä jubö päi'önä tami 'quitächi'öttömä, Cristocu ji̧nä̧ yo̧mȩtȩ tö̧ja̧cuä̧cuo̧tö̧jä̧.

San Mateo 10:32

“O'ca toi'önä korotö ttä'ca jo̧mȩttö̧ ttörö adiu ucuocuätömä, jahuätörö adiu chu̧cuo̧cuä̧cua̧sä̧ Chä'o mo̧ro̧jä̧ra̧'a̧ kö̧ ä'ca jo̧mȩttö̧.

San Mateo 10:42

Ja̧'hua̧ta̧nö̧ pä'ösä, ya̧tȩ, ttöcu cue'ächörö ajiya ji̧'qui̧cha̧nö̧tä̧ eseunu iyöttömä, ja̧u̧'i̧nä̧ adihuä juäi ȩmä̧cua̧, —pä'inödo Jesús.

Hebreos 2:2

Täbocö ángeles jittähuinö huȩnȩ 'cuäopa'a topinätö. Ja̧u̧ huȩnȩ ttä̧ju̧cua̧'a̧nä̧, jarodinätörö'inä, suronä jȩpi̧nä̧tö̧rö̧'i̧nä̧ suronä jȩtti̧nö̧ micuä päi'önä adiunä ö̧tä̧bo̧ti̧nä̧u̧do.

Efesios 3:12

Cristorö adiu tesetomenä, yecuäcuähuä juiyönä tö'cöpächätöjä Diosrö.

Hebreos 10:19

Ja̧'hua̧nö̧ ja̧'a̧ttö̧ chö̧jä̧hua̧tö̧, jitämä Jesucristo ucuojanä esetö, eseunu dotächö'a̧nö̧ ja̧'a̧ Ji̧nä̧ Isocu Adihuo̧ca̧cu̧, chutä jä̧ttä̧pä̧ya̧nä̧ jareö kä̧cuä̧huä̧ mä̧nä̧, chutä iyinä̧mä̧nä̧ i̧sä̧ta̧ abonä 'chä̧nö̧.

2 Juan 1:8

Ttu̧ȩcuä̧nä̧ ka̧cuä̧tu̧cui̧, cuaditinö micuä toei'ö juiya pä'ö, cuaditähuä ji̧nö̧ o'ca juiyönä cuȩmä̧tu̧cuä̧cua̧'a̧nö̧.