Hebreos 10:31 - TÄ̧DO Ä̧CUÄ̧ I̧HUȨNȨ

³¹ ¡Iso päi'önä Dios kö̧rö̧ u̧mö̧nä̧ ma̧'ö̧ yoröiso surojäcua'a!

Nuevo Testamento Uwotjüja

³¹ ¡Rü̧ȩnä̧ ra̧wä̧pi̧ja̧'a̧, a̧'kua̧rü̧ Dio u̧mü̧nä̧ ma̧ttä̧mo̧mȩnä̧!

Hebreos 10:31 Referans Kwoze

San Mateo 10:28

Cuidepämä cuä'ö icuätörö yecuhuecuätucuä'. Jahuätö cua̧'cua̧ru̧hua̧rö̧ be'epö icuocotö. Pärocua'acu, chu ä̧cua̧rö̧tä̧ cuidepä'inä, cua̧'cua̧ru̧hua̧rö̧'i̧nä̧ ocuränä beipocaränä be'epö icurutä ye'ecuätucui.

San Lucas 12:5

Ja̧'hua̧nö̧ ja̧'a̧nä̧ yȩ'ȩcuä̧cuä̧hua̧rö̧ jidähuä̧u̧jä̧. Ye'ecuätucui ttö̧jö̧ to'ädö icuipö'ca̧, ocurära̧'a̧ hueähuänä ujuru ku̧nä̧rö̧rö̧. A̧, ye'ecuätucui ja̧u̧ru̧tä̧.

Hebreos 12:29

Iso päi'önä ujutu Tä̧do̧ ä̧cua̧ Dios, koro juäi ocurä o'ca juiyönä be'epö icuarä jä̧'i̧nö̧'a̧nö̧ hua̧do.

San Mateo 16:16

Ja̧'hua̧nö̧ päomenä, Simón Pedro pä'inödo: —Ucumä Cristojä, Dios kö̧ I̧tti̧jä̧.

Hebreos 10:27

Ja̧'hua̧nö̧ jȩtö̧ttö̧mä̧ rö̧ȩnä̧ suronä ro̧ȩcuä̧cu̧, ocurä rö̧arä cuoaräcu, o'ca toi'önä Dios aboiyotörö be'epäjipö icuähuä, tta̧huä̧ra̧'a̧ ujuturu.

San Lucas 21:11

Rȩjȩ'i̧nä̧ korome pö̧nä̧ ttö̧ȩpä̧cua̧'a̧. Rö̧ȩnä̧ ppäi ttuttäcuotö. Rö̧ȩnä̧ na̧ttä̧chä̧cuo̧tö̧. Mo̧ro̧jä̧ jähuä, yoröiso tottocö juäi'inä, topö yettecui'äcuotö.

Hechos 13:11

Jitämä Tu̧ru̧hua̧ ucuru ro̧'ȩpö̧ u̧huo̧juȩtä̧cua̧jä̧. Ucu cuä̧to̧cä̧chä̧cua̧jä̧. Recuonänö kä̧hua̧rö̧ tocu'u juiyönä pä̧cu̧'i̧'ä̧cua̧jä̧ Tu̧ru̧hua̧rö̧ pä̧huä̧ rö̧jo̧mȩ jubö päi'önä, —päinäcudo Pablo. Yotäcu isoppa idicuoppa jä̧'i̧nö̧'a̧nö̧ joppa ö'ärenä ma̧ä̧cu̧, yo̧ö̧nä̧ ki̧nö̧do. Ya̧tȩ ja̧u̧ru̧ u̧mö̧nä̧ 'chu̧'ä̧rö̧ ȩpa̧rö̧ pä'ö usu huecähuinödo.

2 Corintios 5:11

Ja̧'hua̧nö̧ ja̧'a̧ttö̧ ujutu Tu̧ru̧hua̧rö̧ yecuäcuähuä tu̧huo̧jua̧'a̧ttö̧, pi̧jä̧ ttö̧ja̧ tteseta pä'ö ji'ähuätöjä. Ja̧'hua̧nö̧ ja̧'a̧nä̧ Dios ujuturu huo̧jua̧. Ja̧'hua̧ta̧nö̧ ucutu'inä ujuturu huo̧juä̧tö̧jä̧ a̧'cua̧ra̧'a̧.

Hebreos 3:12

Chö̧jä̧hua̧tö̧, tta̧'ä̧rä̧cuä̧u̧ ka̧cuä̧tu̧cui̧, ucututä cuami iso'quitucu surojo'quitucunä kä̧nö̧, Dios kö̧rö̧ jarocuhui'ätucu juiya pä'ö, ja̧u̧ru̧ cuesetätucuoca'attö.