Hebreos 10:26 - TÄ̧DO Ä̧CUÄ̧ I̧HUȨNȨ

²⁶ Iso päi'önä huȩnȩ esetö tu̧huo̧ju̧ o'ca'a, juhua'a yabonö ujuturutä pä̧huä̧ rö̧jö̧tä̧ suronä jȩtö̧ttö̧mä̧, juhua'a yabonö sacrificios ujutu suronä jȩtö̧ jȩpö̧ icuähuä juiyäcua'a ujuturu.

Nuevo Testamento Uwotjüja

²⁶ Isopäi'ünä̧, jo̧mȩnü̧ jueü wȩnȩ wo̧jui̧'i̧nü̧'kotü, ujuturu pä̧wä̧rü̧jo̧mȩnä̧ surojü jȩto̧mȩnä̧mä̧, sacrificio pättü jȩto̧mȩnä̧dä̧jä̧, Dio-mä̧ surojümä̧ jȩpü̧ ikuoko̧u̧jä̧;

Hebreos 10:26 Referans Kwoze

San Juan 9:41

Jesús jahuätörö ädätinödo: —Ucutumä cuä̧to̧cä̧tu̧cu̧ttu̧mä̧, suronä amöcuädocotö pajatöjä. Ja̧'hua̧nö̧ ja̧'a̧nä̧ “Ujutu topätöjä” päcuhuätucua'attö, suronä amöcuädö jȩpä̧tö̧jä̧, —pä'inödo Jesús.

San Lucas 12:47

“Adicuä i̧sa̧ u̧ru̧hua̧rö̧ pä̧huä̧ rö̧jö̧ u̧huo̧jua̧'a̧nä̧, jo̧mȩ päi'önä jȩä̧cuä̧huä̧nä̧ jȩpo̧cö̧mä̧, pä̧i̧cu̧nä̧tä̧ cuäcuäpäcuähua̧ jä̧cua̧ ja̧u̧mä̧.

Santiago 4:17

O'ca toi'önä adiu jȩä̧cuä̧huä̧ ttu̧huo̧jua̧'a̧nä̧ jȩpo̧co̧tö̧mä̧, suronätä jȩpä̧tö̧.

1 Juan 5:16

Ya̧tȩ ö̧jä̧hua̧ suronä jȩa̧'a̧ toöttömä, 'corupäi'a pä'ö suronä jȩpo̧cö̧, Diosrö jä'epö ucuocu'a̧nö̧ ja̧'a̧ ö̧jä̧hua̧rö̧, kä̧cuä̧huä̧ iya pä'ö, suronä jȩpö̧ 'corupäi'a pä'ö jȩö̧ juiyöttömä. Ja̧'hua̧nö̧ ja̧'a̧ koro suronä jȩä̧cuä̧huä̧ ka̧'a̧, 'corupätti'a pä'ö jȩä̧cuä̧huä̧. Diosrö cucuocuätucu'a̧nö̧ ja̧'a̧ jö̧nä̧mä̧ pä'ocösä.

2 Tesalonicenses 2:10

O'ca juiyönä suronä jȩä̧cua̧, totte'äcuotömä ttesetarö pä'ö. Jahuätö totte'äcuotö, iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, ttesetoca'attö.

San Juan 13:17

Pi̧yȩ pädö ä̧ju̧cu̧ jȩcu̧'ä̧tu̧cu̧ttu̧mä̧, eseunu cu̧ja̧cuä̧cuo̧tö̧jä̧.

1 Timoteo 1:13

Äcuomenä Jesucristorö suronä ucuocuinösä rö̧ȩnä̧. Jesucristorö esetätörö'inä rö̧ȩnä̧ suronä jȩpi̧nö̧sä̧. Ja̧'hua̧ta̧nö̧ rö̧ȩnä̧ suronä ucuocu'inä, suronä jȩpö̧'i̧nä̧ ki̧nö̧sä̧. Ttö jȩchö̧mä̧ jerupinösä. Diosrö'inä esetocö pi̧nö̧sä̧. Ja̧'hua̧nö̧ jȩpö̧ chö̧jo̧mȩnä̧, Dios re rö̧jö̧nä̧ topinö ttörö.

1 Timoteo 2:4

Chutä Dios pä̧huä̧ rö̧jä̧cu̧ o'ca toi'önä ttö̧ja̧ ttesetarö pä'ö. Ja̧'hua̧ta̧nö̧ pä̧huä̧ rö̧jä̧cu̧ iso päi'önä huȩnȩ ttu̧huo̧jua̧ pä'ö.