Hebreos 10:24 - TÄ̧DO Ä̧CUÄ̧ I̧HUȨNȨ

²⁴ Korotö, korotönörö adiu repe'ö, adihuä juäi'inä jȩta̧ pä'ö ppätädö'a̧nö̧ ja̧'a̧, jahuätö'inä korotörö repe'ö, adiu jȩttä̧cua̧'a̧nö̧.

Nuevo Testamento Uwotjüja

²⁴ Yotukunä̧ repe'äkuäwätukui, eseäkuäwä yabonü̧ rü̧ä̧chü̧nä̧ adiu ppä'ädäkuäu jȩ'kuä̧tu̧ku̧nä̧.

Hebreos 10:24 Referans Kwoze

1 Tesalonicenses 5:11

Ja̧'hua̧nö̧ ja̧'a̧ttö̧ juhua'a yabonö cujuruhuätucua pä'ö ppä'ädö huo̧juȩtä̧tu̧cui̧, ka̧ra̧ ka̧ra̧rö̧'i̧nä̧ jitä jȩcu̧'ä̧tu̧cu̧ ta'anö.

1 Juan 3:18

Chi̧tti̧mö̧ “Repe'ätöjä” pätöttömä, ucuocutä tucuocu juiyö'a̧nö̧ ja̧'a̧. Tö̧jä̧hua̧tö̧rö̧ adiu jȩpö̧ ppä'ädö iso päi'önä repetö'a̧nö̧ ja̧'a̧.

Hebreos 13:1

Ttö̧jä̧hua̧tö̧rö̧ repettö'a̧nö̧ korotö, korotönörö repecuhuätucumä jarocuhui'ätucuä'.

Gálatas 5:13

Chö̧jä̧hua̧tö̧, Dios ucutumä ttumöhuäyotö päi'önä cu̧ja̧cuä̧tu̧cu̧ juiya pä'ö huoinä̧u̧jä̧. Ja̧'hua̧nö̧ ja̧'a̧nä̧ adiunä kä̧nö̧, ucuturutä cuamönätucutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧. Cuahuaruhuärö repe'ö kä̧nö̧, ka̧ra̧ ka̧ra̧nö̧ ppä'ädätucui.

Colosenses 3:16

Ja̧'hua̧ta̧nö̧ Cristo i̧huȩnȩ cuami iso'quitucunä suhuädi'önä ka̧cuä̧tu̧cui̧. Ja̧u̧ huo̧jui̧cuä̧nä̧ huo̧juȩtö̧ ppä'ädätucui korotörö. Diosrö chutä adihuä i̧huȩnȩ ra̧huä̧huä̧, cuami iso'quitucunä eseunu ra̧'ä̧tu̧cui̧.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

1 Timoteo 6:18

Ya̧tȩ järe ru̧hua̧ rö̧ȩnä̧ u̧ju̧nä̧ra̧'a̧ jä̧'i̧nö̧'a̧nö̧, rö̧ȩnä̧ adihuä juäi ttu̧ju̧nä̧rä̧cua̧'a̧nö̧, adiunätä jȩtta̧ pä'ö ji'ähuitö. Ttöäre'inä korotö jui'ätörö ttiya pä'ö ji'ähuitö.

Hebreos 13:3

Ja̧'hua̧ta̧nö̧ cärenä pȩjä̧tö̧rö̧ cunichi'ätucuä'. Jahuätöcu cärenä cu̧'ä̧tu̧cua̧'a̧ jä̧'i̧nö̧'a̧nö̧ amöcuädätucui. Korotö suronä jȩttä̧u̧ru̧ amöcuädö, ucutu'inä jahuätöcu ubara ttucuhuätucua'a jä̧'i̧nö̧'a̧nö̧ ppä'ädätucui.

Gálatas 6:1

Chö̧jä̧hua̧tö̧, ya̧tȩ surojönä ma̧'ä̧chi̧nö̧rö̧ tocu'ätucuttumä, ucutu adiu rö̧ȩnä̧ esetätömä pä'äji ta'anö Dioscu ppa̧huä̧cha̧ ppä'ädätucuirö. Ja̧'hua̧nö̧ ja̧'a̧nä̧ ucutu cuami iso'quitucunä adiu amöcuädö ppä'ädätucuirö. Ja̧'hua̧ta̧nö̧ ucutu o'ca toi'önä ttu̧ȩcuä̧nä̧ tta̧'ä̧rä̧cuä̧huä̧tu̧cui̧, ucuturu'inä surojö 'cuäopö juiyäcua'a̧nö̧.

1 Corintios 10:33

Ttömä 'cuäopönä jȩcha̧ pä'ösä o'ca toi'önä ttesehuäcua'anö̧. Ttötä chamönämä amöcuädäcuähuocösä. Korotörö amöcuädösä, jahuätö'inä ttesetäcuä'a̧nö̧.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

2 Corintios 8:8

Ttö pi̧yȩmä̧ hueähuä huȩnȩ päi'önämä ji'ähuocösä. Korotö ttiyö ta'anö cu̧huo̧juä̧tu̧cua̧ pä'ötä pä'ösä. Ucutu'inä iso päi'önä repecuhuätucua'a tocha pä'ösä.

Hechos 11:29

Ja̧'hua̧nö̧ ja̧'a̧ Jesucristorö esetätömä, Antioquía ötahuiyänä ka̧cuä̧tö̧mä̧, ji̧nä̧ yo̧mȩtȩ amöcuädinätödo ttu̧ju̧nä̧rö̧ttö̧ huetta pä'ö ttö̧jä̧hua̧tö̧ Judea rȩjȩnä̧ ka̧cuä̧tö̧rö̧ ppättäda pä'ö.

2 Tesalonicenses 3:9

Iso päi'önä ujuturu ppäcuhuädätucu'a̧nö̧ ja̧'a̧nä̧, ujutu aditinätöjä ucutu'inä ujutu jȩtö̧'a̧nö̧ jȩcu̧'ä̧tu̧cua̧ pä'ö.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

2 Corintios 9:2

Täcö huo̧jua̧sä̧ ucutu adiu cuiyätucua'a. Macedonia rȩjȩnä̧ ka̧cuä̧tö̧rö̧ 'cuäopönä eseunu ji'äusä: “Acaya rȩjȩnä̧ ka̧cuä̧tö̧mä̧, ni̧po̧ a̧'ȩ päi'önä iyö ppättäda pä'ätö.” Ja̧'hua̧nö̧ pä'ö, Macedonia rȩjȩttö̧ recuätö, ucutu eseunu cuiyätucua'a topö, jahuätö'inä eseunu ttiya pä'ätö ttu̧ju̧nä̧rö̧mä̧.

Romanos 12:15

Esehuätörö, eseunu topätucui. Ajuähuätörö, ajuäunu topätucui.

Tito 2:4

Ja̧'hua̧ta̧nö̧ nä̧tö̧ böäcuächätömä, nä̧tö̧ möäyotörö adiu ttu̧huo̧juȩtä̧cua̧'a̧nö̧. Jahuätömä nä̧tö̧ möäyotö ttirecuorö'inä, tti̧tti̧mö̧rö̧'i̧nä̧ adiu repettäcua'a̧nö̧.

1 Corintios 9:22

Ja̧'hua̧ta̧nö̧ korotö ji̧'qui̧cha̧nö̧ tteseta'attö juiyupätöcu cuedächomenä, ya̧tȩ jui̧yu̧pa̧ ö̧ja̧'a̧ jä̧'i̧nö̧'a̧nö̧ ki̧nö̧sä̧, jahuätö'inä adiu ttesetäcua'a̧nö̧ Diosrö. Ja̧'hua̧nö̧ pä'ösä ttömä o'ca toi'önäcu kä̧nö̧, jahuätö ttö̧jö̧'a̧nö̧ ki̧nö̧sä̧, yotöte Diosrö ttesetäcua'a̧nö̧.

1 Tesalonicenses 1:3

Tä'o Dios ä'ca jo̧mȩttö̧ amöcuädätöjä ucutu Diosrö adiu esetö cuaditätucua'a. Ja̧'hua̧ta̧nö̧ ucutu cuahuaruhuärö adiu repe'ö cuaditätucua'a amöcuädätöjä. Ja̧'hua̧ta̧nö̧ cuami 'qui'ächi'ö kä̧nö̧, Tu̧ru̧hua̧ Jesucristorö adiu tta̧cu̧huä̧rä̧tu̧cua̧'a̧ amöcuädätöjä.

Romanos 11:4

Elías ja̧'hua̧nö̧ päomenä, Dios ädätinödo: “Ttö quȩ'ȩpö̧ ȩmi̧nö̧sä̧ ko̧ro̧mö̧ttö̧nö̧ todäre mil u̧mä̧tö̧ jo̧mȩnä̧ chumöhuäyotö jö̧nä̧. Jahuätömä ttu̧mö̧nä̧ adicuä juäi, Baal pättäcu, ä'ca jo̧mȩttö̧ ttihue'quiyunä kä̧mä̧dö̧ ucuocuocotö.”

Hebreos 3:13

Pärocua'acu mo̧ro̧ji̧nö̧ a̧'u̧cuä̧ eseäcuäu ka̧cuä̧tu̧cui̧ korotörö ppä'ädö, jitä mo̧ro̧ ji̧nä̧ cu̧ja̧cuä̧tu̧cuä̧i̧tä̧, ucututtu ya̧tȩ suronä 'cuäopomenä, cuesetö juiya pä'ö. Ja̧'hua̧ta̧nö̧ cuami iso'quitucunä cuami 'quicuhuächi'ätucu juiya pä'ö ka̧cuä̧tu̧cui̧.