Hebreos 10:19 - TÄ̧DO Ä̧CUÄ̧ I̧HUȨNȨ

^19-20 Ja̧'hua̧nö̧ ja̧'a̧ttö̧ chö̧jä̧hua̧tö̧, jitämä Jesucristo ucuojanä esetö, eseunu dotächö'a̧nö̧ ja̧'a̧ Ji̧nä̧ Isocu Adihuo̧ca̧cu̧, chutä jä̧ttä̧pä̧ya̧nä̧ jareö kä̧cuä̧huä̧ mä̧nä̧, chutä iyinä̧mä̧nä̧ i̧sä̧ta̧ abonä 'chä̧nö̧.

Nuevo Testamento Uwotjüja

¹⁹ Ja̧'wa̧nü̧ ji̧na̧'a̧ttü̧, chawaruwä chü̧jä̧wa̧tü̧, Surojü Juiyomȩ pättomȩ dotächa pä'ü jo̧mȩnü̧ wotüjä̧, Jesucrito ukuoja jinoyanä̧mä̧.

Hebreos 10:19 Referans Kwoze

Efesios 2:18

Iso päi'önä Cristorö esetö, o'ca toi'önä judíos huotö'inä, judíos huocotö'inä Tä'o Diosrö tö'cöpächätöjä Espíritu Santonä ya̧tȩnä̧tä̧.

Hebreos 9:12

Chutä Cristo Ji̧nä̧ Isocu Adihuo̧ca̧cu̧ täcö do'ächinödo. Juhua'attö oveja i̧tti̧'i̧nä̧, päcäyä i̧tti̧'i̧nä̧ ttucuoja iyocödo. Ja̧'hua̧ta̧nö̧ chutä amönä ucuojatä iya pä'ö do'ächinödo. Chutä ya'utenätä do'ächinödo, o'ca toi'önä suronä jȩttö̧ jȩpö̧ icu. Ja̧'hua̧nö̧ jȩpö̧, kä̧cuä̧huä̧ i'co ȩmö̧ iyinä̧u̧jä̧.

Hebreos 4:16

Ja̧'hua̧nö̧ ja̧'a̧ttö̧ adihuä Dios ö̧jo̧mȩ, eseunu tötö'cöhuächö'a̧nö̧ ja̧'a̧, ja̧u̧ re rö̧jö̧nä̧ toäcua'a̧nö̧ ujuturu. Ja̧'hua̧ta̧nö̧ ujuturu suronä 'cuäopomenä, adiu ppädäcua'a̧nö̧.

Efesios 3:12

Cristorö adiu tesetomenä, yecuäcuähuä juiyönä tö'cöpächätöjä Diosrö.

Romanos 5:2

Cristorö tesetomenä, Diosttö ppädäcuähuä tȩma̧ pä'ö ppä'ädö. Ja̧u̧ ppädäcuähuänä ka̧cuä̧tö̧jä̧ jitämä. Ja̧'hua̧nö̧ ja̧'a̧ttö̧ eseunu tta̧'ä̧rö̧ ka̧cuä̧tö̧jä̧, adihuä Dioscu mo̧ro̧jä̧ra̧'a̧ tö̧ja̧cuä̧cuo̧tö̧jä̧ pä'ö.

Hebreos 12:28

Ujutu hueta pä'ö Dios ujuturu iyä̧cuȩ yoröiso ttö̧ȩpo̧cö̧do. Ja̧'hua̧nö̧ amöcuädö tesehuätucuaja. Ja̧'hua̧ta̧nö̧ churutä pä̧huä̧ rö̧jo̧mȩnä̧, adiunä amöcuädö, eseunu tucuocuätucuaja ja̧u̧ru̧, Diosrötä.

1 Juan 4:17

Diosttö repeähuä jo̧mȩ päi'önä rö̧ä̧cha̧'a̧ ujuturu, Dios ttö̧ja̧rö̧ pojocuä mo̧ro̧ päi'omenä, yecuäcuähuä juiyönä tesehua pä'ö, pi̧jä̧nä̧ tö̧ja̧'a̧ttö̧ Jesucristo ö̧jö̧ ta'anö.

Romanos 8:15

Ja̧u̧ Espíritu Santo, Dios ucuturu iyinäcumä, pä'äji ta'anö hueö jȩä̧cuä̧huä̧ isotö päi'önä yecuhuecuätucua pä'ö hue'ocö. Ja̧u̧mä̧ Dios i̧tti̧mö̧ päcuhui'ätucua pä'ö ppä'ädö. Ja̧u̧nä̧tä̧ Espíritu Santonä pä'ätöjä Diosrö: “¡Chä'o Dios!”

2 Timoteo 1:7

Ujutu yetecua pä'ö iyocö pi̧nö̧ Dios. Adiu tujuruhua pä'ö iyinö. Ja̧'hua̧ta̧nö̧ tahuaruhuärö repeta pä'ö iyinö. Ja̧'hua̧ta̧nö̧ ta̧'cua̧ pö̧nö̧ tö̧ja̧cua̧ pä'ö iyinö.

Hebreos 9:3

Ju̧huȩnȩ yabonä, koro i̧sä̧ta̧ abonä, ko̧ro̧ca̧ ji̧na̧'a̧do. Ju̧huo̧ca̧ i̧mi̧mä̧ Ji̧nä̧ Isocu Adihuo̧ca̧ pätti̧no̧ca̧do.

Hebreos 7:25

Ja̧'hua̧nö̧ ja̧'a̧ttö̧ ja̧u̧ru̧ esetö, Diosrö tö'cöpächätörö suronä jȩttö̧mä̧ jȩpö̧ icu. Ja̧u̧ 'cuäopönä kö̧, Diosrö ucuocua pä'ö jahuätörö.

Hebreos 3:1

Ja̧'hua̧nö̧ ja̧'a̧ttö̧ chö̧jä̧hua̧tö̧, adihuä juäi jȩpä̧tö̧mä̧, Dios huoinä̧u̧jä̧ i̧tti̧mö̧ cu'ätucua pä'ö. Adiu amöcuädätucui Cristo Jesúsru, adihuä huȩ'ä̧hua̧rö̧. Ja̧u̧ru̧ teseta'attö, ja̧u̧tä̧ adihuä sacerdote ru̧hua̧ päi'önä kö̧do.

Hebreos 3:6

Ja̧'hua̧nö̧ ja̧'a̧nä̧ ya̧tȩ i̧tti̧ ahuaruhuärö adiu jȩö̧'a̧nö̧, adiu jȩpö̧ Cristomä Dios i̧tti̧mö̧rö̧. Adiunä röji mo̧ro̧ päi'ome jubö cä'ädö, eseunu tami 'qui'ächi'önö churutä tta̧tä̧rö̧ttö̧mä̧, Dios i̧tti̧mö̧ päti'äcuotöjä.

Hebreos 10:18

Ja̧'hua̧ ja̧'a̧ttö̧ suronä jȩttö̧mä̧ jȩpö̧ tticuomenä, juhua'a yabonö ofrendas jȩä̧cuä̧huö̧cö̧do suronä jȩttö̧ micuä päi'önä.

Hebreos 10:35

Ja̧'hua̧ ja̧'a̧ttö̧ ja̧u̧ cuesetätucumä, jarocuhui'ätucuä'. Ja̧u̧ cuesetätucumä, adihuä juäi i̧'cä̧chä̧cua̧ ucuturu.